Connect with us
120 Viewsប្រទេសចិន ក៏សម្រេចផ្អាកប្រតិបត្តិការរុករកអ្នកបាត់ខ្លួនសិន ដោយសារតែក្តីបារម្ភខ្លាំង និងហានិភ័យគ្រោះទឹកជំនន់ រលកទី២ក្នុងសោកនាដកម្មជំនន់ល្បាប់ភក់ នៅតំបន់ព្រំដែនទីបេ ខណៈតួលេខមនុស្សស្លាប់រក្សាត្រឹម ៣នាក់ និងបាត់ខ្លួន ៥៥០នាក់ ចំណែកនៅខាងនេប៉ាល់ ស្លាប់ដល់ ៤៧៥នាក់ និងបាត់ខ្លួន ប្រមាណ ៦៤៤នាក់ គិតត្រឹមរសៀលថ្ងៃសុក្រ ទី២៨ ខែសីហា ឆ្នាំ២០២៦។បឹងមួយ ដែលកកើតចេញពីបំណាក់ដី ចាប់ផ្តើមមានទឹកហូរចេញហើយ ហើយវាប្រឈមនឹងការបាក់ធ្លាយ ធ្វើឲ្យទឹកហូរបុកខ្លាំងទៀត បង្កជាជំនន់រលកទី២ ដ៏សាហាវ ជាហេតុនាំឲ្យប្រតិបត្តិការសង្គ្រោះនិងរុករក មិនអាចទៅមុខបាន។ ដូច្នេះមានតែការផ្អាកបណ្តោះអាសន្នសិនប៉ុណ្ណោះ ដើម្បីធានាសុវត្ថិភាព ហើយបន្តតាមដានស្ថានការណ៍ យ៉ាងយកចិត្តទុកដាក់។ យោងតាមទូរទស្សន៍រដ្ឋចិន CCTV ផ្សាយថា បឹងនេះផ្ទុកទឹក ជាង ២លានម៉ែត្រគូប មានចម្ងាយត្រឹម ១០គីឡូម៉ែត្រប៉ុណ្ណោះ ពីច្រកព្រំដែន Gyirong។បន្ថែមពីនោះ រូបភាពផ្កាយរណបថតភ្នំ Langtang Lirung នៃប្រទេសនេប៉ាល់ បានបង្ហាញពីផ្ទាំងទឹកកក កំពុងបាក់រលំប្រវែង ៩៣០ម៉ែត្រ ដោយបន្សល់ទុកនូវរណ្តៅយក្សនៅលើភ្នំ។ ប្រភពនៃទឹកជំនន់ភ្លាមៗ គឺមានទីតាំងនៅទីនោះ ហើយជួរភ្នំភាគច្រើនបានបាក់ទាំងស្រុង មើលទៅដូចជាពុះបែកជាពីរ។អ្នកជំនាញសន្និដ្ឋានថា មូលហេតុនៃសោកនាដកម្មនេះ គឺបណ្តាលមកពីបាក់ផ្ទាំងទឹកកក ដ្បិតរដ្ឋមន្ត្រីការបរទេសនេប៉ាល់ ដំបូងឡើយ អះអាងថា វាគឺបង្កឡើងដោយគ្រោះរញ្ជួយដីក៏ដោយ។ទោះយ៉ាងណា មកទល់ពេលនេះ នៅតែមិនទាន់មានការបញ្ជាក់ជាផ្លូវការនៃមូលហេតុ ខណៈការជួយសង្គ្រោះ និងស្វែងរកមនុស្សបាត់ខ្លួន ត្រូវដាក់ជាអាទិភាពចម្បងសិន៕
85 Views រដ្ឋាភិបាលម៉ាឡេស៊ីបានប្រកាសកាលពីថ្ងៃទី២៧សីហានេះថា ប្រទេសម៉ាឡេស៊ីបានបញ្ចប់ដំណាក់កាលដំបូងនៃកម្មវិធីធ្វើមាតុភូមិនិវត្តន៍ដោយស្ម័គ្រចិត្តដែលពាក់ព័ន្ធនឹងជនជាតិមីយ៉ាន់ម៉ាដែលមានសិទ្ធិ ដោយមានមនុស្សជិត ១,៥០០ នាក់ត្រូវបានគេរំពឹងថានឹងវិលត្រឡប់មកស្រុកកំណើតវិញនៅថ្ងៃទី២៩ ខែកញ្ញា។ នាយករដ្ឋមន្ត្រី អាន់វ៉ា អ៊ីប្រាហ៊ីម បានប្រកាសកាលពីខែកក្កដាថា ប្រទេសមីយ៉ាន់ម៉ាបានយល់ព្រមទទួលយកសមាជិកជនជាតិភាគតិចរ៉ូហ៊ីងយ៉ាចំនួន ៥,០០០ នាក់ដែលត្រូវបានធ្វើទុក្ខបុកម្នេញ ក្នុងការជំរុញការធ្វើមាតុភូមិនិវត្តន៍ដ៏កម្រមួយ ដែលបានបង្កឱ្យមានការព្រួយបារម្ភពីក្រុមសិទ្ធិមនុស្ស។ ប្រទេសម៉ាឡេស៊ីទទួលជនភៀសខ្លួន និងអ្នកស្វែងរកសិទ្ធិជ្រកកោនជាង ២១៥,០០០ នាក់ដែលបានចុះបញ្ជីជាមួយទីភ្នាក់ងារជនភៀសខ្លួនរបស់អង្គការសហប្រជាជាតិ រួមទាំងជនជាតិរ៉ូហ៊ីងយ៉ាជាង ១២៦,០០០ នាក់មកពីប្រទេសមីយ៉ាន់ម៉ា ដែលជាសហគមន៍ជនភៀសខ្លួនធំបំផុត។ ជាមួយគ្នានេះ...
109 Views ឯកឧត្តម ខូយ រីដា អភិបាលខេត្តពោធិ៍សាត់ នាយប់ថ្ងៃទី២៧ ខែសីហានេះ បានដឹកនាំកម្លាំងគណៈបញ្ជាការឯកភាពខេត្ត និងក្រុង-ស្រុក ចុះពិនិត្យស្រាវជ្រាវដោយផ្ទាល់ តាមដងផ្លូវជាតិលេខ៥ ដើម្បីស្វែងរកការពិតជុំវិញការចោទប្រកាន់ថា រថយន្តដឹកទំនិញ (ឡានខ្សែ) ដែលឈប់សម្រាកនៅខេត្តពោធិ៍សាត់ តែងតែត្រូវគេលួចប្រេង។ ប្រតិបត្តិការទាំងអធ្រាត្រនេះ ធ្វើឡើងចាប់ពីកំណាត់ផ្លូវជាតិលេខ៥ ក្នុងភូមិសាស្ត្រក្រុងពោធិ៍សាត់ ស្រុកក្រគរ និងស្រុកបាកាន ក្រោយពីមានការផ្សព្វផ្សាយនៅលើបណ្ដាញសង្គមពីករណីមានជនសង្ស័យលួចបូមប្រេងចេញពីរថយន្ដដឹកទំនិញជាបន្តបន្ទាប់ ខណៈអាជ្ញាធរខេត្តអះអាងថា ការផ្សព្វផ្សាយនេះ គឺជាការញុះញង់...
103 Views ក្រសួងការបរទេសសហរដ្ឋអាមេរិក បានលុបចោលការណាត់ជួបសម្ភាសន៍ទិដ្ឋាការអន្តោប្រវេសន៍ទូទាំងពិភពលោក ប៉ុន្តែទិដ្ឋាការរយៈពេលខ្លីផ្សេងទៀតមិនមានបញ្ហានោះទេ។ អ្នកនាំពាក្យក្រសួងការបរទេសសហរដ្ឋអាមេរិក បានបញ្ជាក់នៅថ្ងៃទី២៦ ខែសីហា ថាការណាត់ជួបលើរឿងទិដ្ឋាការអន្តោប្រវេសន៍ ជាធម្មតារួមបញ្ចូលការសម្ភាសន៍រវាងបេក្ខជននិងមន្ត្រីកុងស៊ុល កំពុងត្រូវបានកែសម្រួល ដើម្បីបណ្តុះបណ្តាលមន្ត្រីការទូត។ ពេលណាមានការផ្លាស់ប្តូរកាលវិភាគសម្ភាសន៍ទិដ្ឋាការ ស្ថានទូត និងស្ថានកុងស៊ុលនឹងជូនដំណឹងដល់បេក្ខជនដោយផ្ទាល់។ អ្នកនាំពាក្យបានគូសបញ្ជាក់ថា ស្ថានទូត និងស្ថានកុងស៊ុលសហរដ្ឋអាមេរិក នៅជុំវិញពិភពលោក ឈប់កំណត់ពេលសម្ភាសន៍ជាមួយបេក្ខជនទិដ្ឋាការអន្តោប្រវេសន៍តែប៉ុណ្ណោះ តែមិនប៉ះពាល់ដល់ទិដ្ឋាការរយៈពេលខ្លីដូចជាការធ្វើដំណើរ ការសិក្សា អាជីវកម្ម ឬការងារបណ្តោះអាសន្នឡើយ។ គួរបញ្ជាក់ថា ទិដ្ឋាការអន្តោប្រវេសន៍សហរដ្ឋអាមេរិករួមមាន...
142 Views (ភ្នំពេញ)៖ ក្រសួងវប្បធម៌ និងវិចិត្រសិល្បៈ នៅថ្ងៃទី២៧ ខែសីហា ឆ្នាំ២០២៧ បានប្រកាសឲ្យបញ្ឈប់ជាបន្ទាន់ ចំពោះការលក់អាវយឺត ដែលមានពាក្យថាពាក្យអសុរោះជាច្រើន។ យោងតាមក្រសួងវប្បធម៌ ក្រោយពិនិត្យឃើញមានការតាំងលក់អាវយឺត ដែលរំលេចនូវខ្លឹមសារគ្រោតគ្រាត មិនសមរម្យ អសុរោះ នាព្រឹកថ្ងៃទី២៧ ខែសីហា ឆ្នាំ២០២៦ ក្រុមការងារមន្ទីរវប្បធម៌ និងវិចិត្រសិល្បៈខេត្តកំពង់ធំ សហការជាមួយរដ្ឋបាលស្រុកប្រាសាទសំបូរ បានចុះទៅធ្វើការអប់រំណែនាំ និងបានធ្វើកិច្ចសន្យាបញ្ឈប់ការតាំងបង្ហាញ និងលក់ដូរសំលៀកបំពាក់ដែលមានរំលេចនូវខ្លឹមសារ គ្រោតគ្រាត មិនសមរម្យ...
107 Views យោងតាមឯកសាររបស់តុលាការកាលពីថ្ងៃពុធ ទី២៦សីហានេះ ដែលបញ្ចប់ការកាត់ក្តីដ៏សំខាន់មួយនៅរដ្ឋកាលីហ្វ័រញ៉ា ក្រុមហ៊ុន Meta បានយល់ព្រមបង់ប្រាក់ឱ្យរដ្ឋអាមេរិកចំនួន ១៦,៧ ពាន់លានដុល្លារ និងរឹងបន្តឹងច្បាប់ថ្មីលើយុវវ័យប្រើប្រាស់ Facebook និង Instagram ដោយបិទមិនឱ្យក្មេងជំទង់ប្រើប្រាស់ចាប់ពីយប់កណ្តាលអាធ្រាតដល់ម៉ោង៦:០០ ព្រឹក។ ដំណោះស្រាយដែលបានស្នើឡើង ដែលបានដាក់នៅក្នុងតុលាការសហព័ន្ធ នឹងដោះស្រាយការអះអាងរបស់សម្ព័ន្ធភាពនៃរដ្ឋអាមេរិកបានឱ្យដឹងថា ក្រុមហ៊ុន Meta បានរៀបចំវេទិការបស់ខ្លួនដោយចេតនាដើម្បីទាក់ទាញអ្នកប្រើប្រាស់វ័យក្មេង បំភាន់សាធារណជនអំពីហានិភ័យ និងប្រមូលទិន្នន័យដោយខុសច្បាប់ពីកុមារអាយុក្រោម ១៣ ឆ្នាំ។...
84 Views អ្នកចូលរួមប្រហែល ២០,០០០ នាក់បានគប់ប៉េងប៉ោះចំនួន ១៦៥តោន ដែលមានពណ៌ក្រហមឆ្អិនឆ្អៅហាក់បីដូចជាឈាមស្រោចហូរទៅលើដងខ្លួនរបស់មនុស្ស និងហៀរហូរតាមដងផ្លូវនៃទីក្រុង Bunol ក្នុងអំឡុងពេលពិធីបុណ្យ La Tomatina ដ៏ល្បីល្បាញរបស់ប្រទេសអេស្ប៉ាញ ដែលបានក្លាយជាកន្លែងទាក់ទាញរដូវក្តៅដ៏លេចធ្លោបំផុតមួយ។ ប្រហែលមួយម៉ោងនៅថ្ងៃពុធ រថយន្តដឹកទំនិញបានដឹកប៉េងប៉ោះទុំរហូតដល់ ១៦៥ តោន (ស្មើរ១៦៥.០០០គីឡូ) ចូលទៅក្នុងហ្វូងមនុស្ស ខណៈអ្នកចូលរួមពិធីបុណ្យ ដែលភាគច្រើនស្លៀកអាវយឺតពណ៌ស បានគប់ផ្លែឈើដាក់គ្នាទៅវិញទៅមកតាមបទភ្លេងតន្ត្រីប៉ុបដ៏រំពង។ អាជ្ញាធរបានគ្របដណ្ដប់អគារដោយក្រណាត់ការពារមុនពេលមានការប៉ះទង្គិចគ្នា និងបានដាក់ពង្រាយប៉ូលីស ដែលនៅចំណុចមួយហាក់ដូចជាបានប្រើស្ព្រាយម្រេចដើម្បីបំបែកហ្វូងមនុស្សមួយផ្នែក...
84 Views ក្រុមជួយសង្គ្រោះបានប្រញាប់ប្រញាល់នៅព្រឹកថ្ងៃព្រហស្បតិ៍ទី២៧សីហានេះ ដើម្បីស្វែងរកមនុស្សរាប់រយនាក់ដែលបាត់ខ្លួននៅតាមព្រំដែននេប៉ាល់-ទីបេ ក្នុងទឹកជំនន់ភ្លាមៗ និងការរអិលបាក់ដី ដែលបានសម្លាប់មនុស្សយ៉ាងហោចណាស់ ១៦០នាក់ និងបានបោកបក់យកភូមិទាំងមូលអស់ជាច្រើនកន្លែង។ វីដេអូឃ្លីបដ៏គួរឱ្យភ័យខ្លាចមួយពីខាងចិននៃព្រំដែនបង្ហាញពីជញ្ជាំងភក់ និងកម្ទេចកម្ទីដ៏ធំមួយបានធ្លាក់មកលើអគារមួយជាន់ខ្ពស់ៗដោយលេបត្របាក់វាទាំងមូល ខណៈដែលមនុស្សរាប់សិបនាក់បានរត់គេចខ្លួននៅខាងក្រោម។ រលកបានបោកបក់យកឡានក្រុង និងរថយន្តដូចជាប្រដាប់ក្មេងលេង។ មន្ត្រីបាននិយាយថា អ្នកបាត់ខ្លួនជាច្រើនគឺជាអ្នកទេសចរបរទេស ដែលការស្ទង់មតិភូគព្ភសាស្ត្រសហរដ្ឋអាមេរិកអះអាងថា បណ្តាលមកពីការដួលរលំនៃផ្ទាំងទឹកកក ដែលបានបញ្ជូនកម្ទេចកម្ទីជាច្រើនមកលេបត្របាក់តំបន់នានាតាមផ្លូវ។ គូសបញ្ជាក់ថា ទឹកបានជន់លិចភូមិ និងទីប្រជុំជននៅលើផ្លូវនៃទន្លេពីរគឺ Bhote Kosi និង Trishuli។...
87 Viewsអង្គការសហប្រជាជាតិបាននិយាយកាលពីថ្ងៃទី២៥សីហានេះថា ស្ថានភាពសិទ្ធិមនុស្សនៅក្នុងសហភាពមីយ៉ាន់ម៉ាបានធ្លាក់ចុះដល់កម្រិតទាបថ្មី ដោយសារការរំលោភបំពានយ៉ាងទូលំទូលាយប្រឆាំងនឹងជនជាតិភាគតិចរ៉ូហ៊ីងយ៉ា និងសេដ្ឋកិច្ចខុសច្បាប់ដែលកំពុងកើនឡើងបណ្តាលមកពីការជីកយករ៉ែដ៏កម្រខុសច្បាប់ ដែលធ្វើឲ្យជនស៊ីវិលរងទុក្ខវេទនាកាន់តែខ្លាំងឡើង។របាយការណ៍របស់ការិយាល័យសិទ្ធិមនុស្សអង្គការសហប្រជាជាតិ ដែលគ្របដណ្តប់ចាប់ពីខែមិថុនា ឆ្នាំ២០២៥ ដល់ខែឧសភា ឆ្នាំ២០២៦ បានឱ្យដឹងថា ជម្លោះឥតស្រាកស្រាន្ត អំពើហិង្សាយោធា និងជម្លោះសេដ្ឋកិច្ច ដែលកំពុងកើនឡើង កំពុងធ្វើឱ្យជនស៊ីវិលប្រឈមនឹងការលំបាកធ្ងន់ធ្ងរ។ ទាំងយោធាមីយ៉ាន់ម៉ា និងកងទ័ពអារ៉ាកាន ដែលគ្រប់គ្រងរដ្ឋរ៉ាក់ឃីនភាគច្រើន បានប្រព្រឹត្តអំពើហិង្សាយ៉ាងទូលំទូលាយ និងជាប្រព័ន្ធប្រឆាំងនឹងសហគមន៍រ៉ូហ៊ីងយ៉ា រួមទាំងការសម្លាប់ ការធ្វើទារុណកម្ម ការជ្រើសរើសដោយបង្ខំ ការបង្ខំឱ្យធ្វើការ ការឃុំខ្លួនតាមអំពើចិត្ត...
78 Viewsសហរដ្ឋអាមេរិក បានប្រកាសថាខ្លួនកំពុងរឹតបន្តឹងទណ្ឌកម្មលើក្រុមហ៊ុនជាច្រើន និងបុគ្គល ដែលធ្វើអាជីវកម្មជាមួយប្រទេសអ៊ីរ៉ង់ ដែលបង្កឱ្យមានប្រតិកម្មយ៉ាងខ្លាំងពីសំណាក់ប្រទេសចិន ជាដៃគូពាណិជ្ជកម្មដ៏សំខាន់មួយរបស់ទីក្រុងតេអេរ៉ង់។អ្នកនាំពាក្យក្រសួងការបរទេសចិន លោក Lin Jian បានធ្វើសន្និសីទសារព័ត៌មានមួយកាលពីថ្ងៃអង្គារ ដោយរិះគន់ចំណាត់ការរបស់ទីក្រុងវ៉ាស៊ីនតោនថា ពុំមានមូលដ្ឋានសម្រាប់ចំណាត់ការនេះនៅក្នុងច្បាប់អន្តរជាតិទេ ហើយប្រទេសចិនប្រឆាំងដាច់ខាតចំពោះទណ្ឌកម្មខុសច្បាប់ និងជាឯកតោភាគីនេះ។ លោកបាននិយាយបន្ថែមថា កិច្ចសហប្រតិបត្តិការរបស់ទីក្រុងប៉េកាំងជាមួយអ៊ីរ៉ង់ «ធ្វើឡើងក្នុងក្របខ័ណ្ឌច្បាប់អន្តរជាតិ ហើយមិនគួរត្រូវបានជ្រៀតជ្រែក ឬរំខានឡើយ»។ ប្រតិកម្មនេះ កើតឡើងភ្លាមៗបន្ទាប់ពីរដ្ឋមន្ត្រីក្រសួងរតនាគារសហរដ្ឋអាមេរិក លោក Scott Bessent បានប្រកាសពីចំណាត់ការនេះកាលពីថ្ងៃចន្ទ។...
