ព័ត៌មានទូទៅ

អ្នករស់នៅក្នុងសំណង់អតីតសណ្ឋាគារអង្គរមានជ័យ តម្រូវឱ្យចាកចេញជាបន្ទាន់!

Published

2 years ago

27/03/2025

Netra Media

អ្នករស់នៅក្នុងសំណង់អតីតសណ្ឋាគារអង្គរមានជ័យ តម្រូវឱ្យចាកចេញជាបន្ទាន់!

1,273 Views

ដើម្បីការពារអាយុជីវិតរបស់អ្នកប្រើប្រាស់សំណង់ និងបង្ការគ្រោះថ្នាក់ដល់សំណង់ជិតខាងក៏ដូចជាសាធារណៈជន ក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលរាជធានីភ្នំពេញ តម្រូវឱ្យប្រជាពលរដ្ឋដែលមិនទាន់បានចាកចេញពីសំណង់អគារចាស់ទ្រុឌទ្រោមដែលមានសភាពគ្រោះថ្នាក់នេះ រកទីកន្លែងស្នាក់នៅថ្មីដែលមានសុវត្ថិភាពជាបន្ទាន់។ ការប្រកាសជាព័ត៌មានដោយមានបិទភ្ជាប់នឹងសំណង់អគារចំណាស់មួយនេះ បានទុករយៈពេល៣០ថ្ងៃ កំណត់ឱ្យអ្នករស់នៅក្នុងអគារចាកចេញជាបន្ទាន់ ពោលគឺត្រឹមថ្ងៃទី១៩ ខែមីនា ឆ្នាំ២០២៥ ដោយមិនអនុញ្ញាតិឱ្យបន្តស្នាក់នៅតទៅទៀតឡើយ ហើយអាជ្ញាធរនឹងហ៊ុំព័ទ្ធអគារហាមចូល និងហាមប្រើប្រាស់អគារនេះ ហើយបន្ទាប់មកនឹងរុះរើសំណង់ទាំងមូល ឬផ្នែកណាមួយដែលអាចបង្ករគ្រោះថ្នាក់។

យោងតាមការជូនព័ត៌មានអំពីការវាយតម្លៃគុណភាព និងសុវត្ថិភាពសំណង់ អគារដែលស្ថិតនៅលើបណ្តោយផ្លូវ៩៣ មហាវិថីព្រះមុន្នីវង្សកែងផ្លូវកម្ពុជាក្រោម ក្នុងសង្កាត់មនោរម្យ ខណ្ឌ៧មករានេះ ត្រូវបានចាត់ថ្នាក់ជា «សំណង់អគារដែលមានសភាពគ្រោះថ្នាក់ នឹងអាចកើតឡើងភ្លាមៗ។

សូមបញ្ជាក់ថា ការស្នាក់នៅរបស់ប្រជាពលរដ្ឋនៅក្នុងអគារទាំងមូល ដើមឡើយមានចំនួនសរុប ៦៦ គ្រួសារស្មើនិង១០៥បន្ទប់ ដោយឡែកប្រជាពលរដ្ឋចំនួន៥៦គ្រួសារស្មើនិង៩១បន្ទប់ត្រូវបានដោះស្រាយ។ ហើយមកដល់ពេលនេះមានអ្នកកំពុងរស់នៅចំនួន ១០ គ្រួសារស្មើ១៤បន្ទប់ ដែលពុំទាន់ចាកចេញនៅឡើយ៕