វិទ្យាសាស្រ្ត និងបច្ចេកវិទ្យា
យានអវកាសសម័យសូវៀត នឹងធ្លាក់ចុះមកផែនដីដោយសារមិនអាចគ្រប់គ្រងបាន នៅសប្តាហ៍ក្រោយនេះ!
យានអវកាសសម័យសូវៀត ០១គ្រឿងឈ្មោះ Kosmos-482 ត្រូវបានព្យាករណ៍ថា នឹងធ្លាក់ចុះមកផែនដីវិញដោយសារមិនអាចគ្រប់គ្រងបានក្នុងពេលឆាប់ៗនេះ គឺនៅក្នុងសប្តាហ៍ក្រោយ។
អ្នកជំនាញតាមដានកម្ទេចកម្ទីអវកាសលើកឡើងថា គេមិនទាន់ដឹងទេថា តើយានលោហៈកន្លះតោនមួយនេះអាចធ្លាក់ចុះទៅទីណាទេ។
អ្នកវិទ្យាសាស្ត្រជនជាតិហូឡង់ Marco Langbroek ព្យាករណ៍ថា យានអវកាសមានទម្ងន់ ៥០០គីឡូក្រាម ដែលចង់ចុះចតនៅលើភពសុក្រក្នុងទសវត្សទី៧០ ប៉ុន្តែមិនបានសម្រេចដោយសារតែយានជំរុញមិនដំណើរការនោះនឹងធ្លាក់មកផែនដីវិញប្រហែលថ្ងៃទី១០ ឧសភា ខាងមុខ ក្នុងល្បឿនប្រមាណ ២៤២គីឡូម៉ែត្រក្នុងមួយម៉ោង ប្រសិនបើយាននៅសភាពដដែល។
លោក Langbroek សង្កត់ធ្ងន់ថា “ខណៈដែលហានិភ័យនៅតែមាន គ្រប់គ្នាមិនគួរព្រួយបារម្ភខ្លាំងពេកទេ ” ព្រោះវត្ថុនោះមានទំហំតូច ហើយទោះបីជាយាននៅសភាពល្អក៏ដោយ “ហានិភ័យគឺស្រដៀងនឹងការធ្លាក់អាចម៍ផ្កាយដោយចៃដន្យដែលច្រើនកើតឡើងជារៀងរាល់ឆ្នាំ”។
គួររម្លឹកថា សហភាពសូវៀតបានបាញ់បង្ហោះយានអវកាស Kosmos-482 នោះក្នុងឆ្នាំ១៩៧២ ដែលជាបេសកកម្មមួយក្នុងចំណោមបេសកកម្មភពសុក្រជាច្រើនទៀត ប៉ុន្តែមិនបានជោគជ័យទេ ដោយយានមិនដែលហោះចេញពីគន្លងផែនដីឡើយ ព្រោះតែឧបករណ៍ជំរុញមិនដំណើរការ៕
ប្រភព៖ BTV
បើកដំណើរការជាផ្លូវការ
ដើម្បីរួមគ្នាកសាងអនាគតយានយន្តអគ្គិសនីនៅកម្ពុជា
ថ្ងៃទី១២ ខែកក្កដា ឆ្នាំ២០២៦ — ក្រុមហ៊ុន GenRich Investment សហការជាមួយ Graphion Energy Solutions បានរៀបចំពិធីបើកដំណើរការ Cambodia Green Mobility Initiative 2026 ក្រោមប្រធានបទ «Building Cambodia’s Electric Future Together» នៅសណ្ឋាគារ Hyatt Regency Phnom Penh ក្នុងគោលបំណងជំរុញការអភិវឌ្ឍវិស័យយានយន្តអគ្គិសនី និងលើកកម្ពស់ការធ្វើដំណើរប្រកបដោយចីរភាពនៅកម្ពុជា។
ពិធីនេះបានប្រារព្ធឡើងក្រោមអធិបតីភាពដ៏ខ្ពង់ខ្ពស់របស់ សម្ដេចកិត្តិសង្គហបណ្ឌិត ម៉ែន សំអន ព្រមទាំងមានការចូលរួមពីថ្នាក់ដឹកនាំរាជរដ្ឋាភិបាល តំណាងវិស័យឯកជន វិនិយោគិន ដៃគូអាជីវកម្ម អ្នកជំនាញ និងភាគីពាក់ព័ន្ធជាច្រើន ដែលបានបង្ហាញពីការប្តេជ្ញាចិត្តរួមក្នុងការគាំទ្រការអភិវឌ្ឍថាមពលស្អាត និងប្រព័ន្ធដឹកជញ្ជូនបៃតងនៅកម្ពុជា។
ក្នុងពិធីបើក លោក Ki Young Nam ស្ថាបនិកនៃ Graphion Energy Solutions បានធ្វើបទបង្ហាញអំពីចក្ខុវិស័យ និងទិសដៅរបស់គម្រោង Cambodia Green Mobility Initiative 2026 ដោយផ្តោតលើការពន្លឿនការប្រើប្រាស់យានយន្តអគ្គិសនី ការអភិវឌ្ឍបណ្តាញស្ថានីយសាកថ្ម និងការកសាងប្រព័ន្ធអេកូឡូស៊ីដែលគាំទ្រដល់ការផ្លាស់ប្តូរទៅកាន់ថាមពលស្អាត។
ជាមួយគ្នានេះ លោក Lim Lork Johnson អគ្គនាយកក្រុមហ៊ុន GenRich Investment បាន លើកឡើងពីសារៈសំខាន់នៃកិច្ចសហការរវាងវិស័យរដ្ឋ និងឯកជន ក្នុងការទាក់ទាញការវិនិយោគ ការនាំចូលបច្ចេកវិទ្យាទំនើប និងការបង្កើតឱកាសថ្មីៗសម្រាប់ការអភិវឌ្ឍវិស័យយានយន្តអគ្គិសនីនៅកម្ពុជា។
ក្នុងឱកាសនោះ ក៏មានការចុះហត្ថលេខាលើអនុស្សរណៈនៃការយោគយល់ (MOU) រវាងភាគីពាក់ព័ន្ធ ដើម្បីពង្រឹងកិច្ចសហប្រតិបត្តិការ និងជំរុញការអនុវត្តគម្រោងដែលនឹងរួមចំណែកដល់ការអភិវឌ្ឍប្រព័ន្ធដឹកជញ្ជូនបៃតងរបស់ប្រទេស។
ជាមួយនេះ អ្នកចូលរួមក៏បានទស្សនាការបង្ហាញអំពីម៉ូតូអគ្គិសនី និងបច្ចេកវិទ្យាពាក់ព័ន្ធ ដែលបង្ហាញពីសមត្ថភាព និងនវានុវត្តន៍ក្នុងវិស័យយានយន្តអគ្គិសនី ព្រមទាំងការតភ្ជាប់ជាមួយដំណោះស្រាយថាមពលស្អាតដែលអាចគាំទ្រដល់ការអភិវឌ្ឍប្រកបដោយនិរន្តរភាព។
កម្មវិធី Cambodia Green Mobility Initiative 2026 ត្រូវបានរំពឹងថានឹងក្លាយជាវេទិកាដ៏សំខាន់មួយសម្រាប់ការសហការរវាងវិស័យសាធារណៈ និងឯកជន ក្នុងការជំរុញការប្រើប្រាស់យានយន្តអគ្គិសនី កាត់បន្ថយការបញ្ចេញឧស្ម័នកាបូន និងរួមចំណែកសម្រេចគោលដៅអភិវឌ្ឍន៍បៃតងរបស់កម្ពុជា ស្របតាមនិន្នាការអភិវឌ្ឍសកល៕
វិទ្យាសាស្រ្ត និងបច្ចេកវិទ្យា
ក្រុមហ៊ុន Huawei និងវិទ្យាស្ថានបច្ចេកវិទ្យាកម្ពុជា ចុះអនុស្សារណៈនៃការយោគយល់គ្នា ដើម្បីពង្រឹងការអភិវឌ្ឍន៍ទេពកោសល្យ ICT
ទីក្រុងសៀងហៃ៖ ថ្ងៃទី ២០ ខែកញ្ញា ឆ្នាំ ២០២៥ ក្រុមហ៊ុន Huawei និងវិទ្យាស្ថានបច្ចេកវិទ្យាកម្ពុជា (ITC) បានចុះហត្ថលេខាលើអនុស្សរណៈនៃការយោគយល់គ្នា (MOU) ក្នុងអំឡុងពេលព្រឹត្តិការណ៍ Huawei Connect 2025 ដែលប្រព្រឹត្តិទៅនៅទីក្រុងសៀងហៃ ដើម្បីធ្វើកិច្ចសហប្រតិបត្តិការជាមួយគ្នាលើវិស័យបច្ចេកវិទ្យា។
ពិធីចុះហត្ថលេខានេះ មានការចូលរួមពី សាស្ត្រាចារ្យបណ្ឌិត ប៉ូ គឹមថូ អគ្គនាយក ITC លោក Tao Guangyao ប្រធាន Huawei Southeast Asia Multi-Country Region និងជានាយកប្រតិបត្តិ Huawei Cambodia ។
MOU ក្រុមហ៊ុន Huawei និង ITC នឹងពង្រឹងកិច្ចសហប្រតិបត្តិការក្នុងការជំរុញការអប់រំ ICT និងបណ្តុះជំនាញផ្នែកឌីជីថលនៅកម្ពុជា។ ភាគីទាំងពីរមានគោលដៅបង្កើនលទ្ធភាពដើម្បីបណ្តុះអ្នកដឹកនាំបច្ចេកវិទ្យាជំនាន់ក្រោយ និងគាំទ្រដំណើរផ្លាស់ប្តូរឌីជីថលរបស់កម្ពុជា។
សាស្ត្រាចារ្យបណ្ឌិត ប៉ូ គឹមថូ សរសើរចំពោះការបន្តគាំទ្ររបស់ Huawei និងលើកឡើងថា ភាពជាដៃគូតំណាងឱ្យជំហានឆ្ពោះទៅមុខដ៏សំខាន់នៅក្នុងបេសកកម្មរបស់ ITC ក្នុងការផ្តល់នូវការអប់រំប្រកបដោយគុណភាពខ្ពស់ និងឱកាសសហប្រតិបត្តិការអន្តរជាតិសម្រាប់និស្សិតថ្នាក់មហាវិទ្យាល័យ។
លោក Tao Guangyao បានលើកឡើងពីការប្តេជ្ញាចិត្តយូរអង្វែងរបស់ក្រុមហ៊ុន Huawei ក្នុងការកសាងប្រព័ន្ធអេកូឡូស៊ី ICT នៅក្នុងតំបន់អាស៊ីអាគ្នេយ៍ ហើយបានសង្កត់ធ្ងន់លើការយកចិត្តទុកដាក់របស់ក្រុមហ៊ុនក្នុងការគាំទ្រគំនិតផ្តួចផ្តើមអភិវឌ្ឍន៍ទេពកោសល្យរបស់កម្ពុជា តាមរយៈភាពជាដៃគូជិតស្និទ្ធជាមួយសាកលវិទ្យាល័យឈានមុខដូចជា ITC ជាដើម។
អនុស្សារណៈនេះគឺជាការបញ្ជាក់ជាថ្មី និងច្បាស់លាស់អំពីចក្ខុវិស័យរួមគ្នារបស់ភាគីទាំងពីរក្នុងការលើកកម្ពស់ការច្នៃប្រឌិត ការអប់រំ និងកិច្ចសហប្រតិបត្តិការយូរអង្វែង៕
លោក គង់ ផារិទ្ធ ប្រធានក្រុមហ៊ុន IMB Cambodia ឬហៅថា ស្ថាបនិកអំពូលសូឡាដ៏ល្បីដំបូងគេនៅកម្ពុជា ថ្លែងថា៖ កាលពីបុរាណក៏មានការប្រើប្រាស់ឧបករណ៍ការពាររន្ទះដូចសម័យទំនើបនេះដែរ។ សូមទស្សនាកិច្ចសម្ភាសន៍ជាមួយលោក គង់ ផារិទ្ធ ប្រធានក្រុមហ៊ុន IMB Cambodia លើប្រធានបទ៖ វិធីការពារបាតុភូតរន្ទះ ។
ប្រទេសថៃ៖ មេរោគអេដស៍ឆ្លងថ្មីកើនឡើងប្រហែល ២៣,៩០០ករណី ក្នុងខេត្តឈៀងម៉ៃ
មីយ៉ាន់ម៉ាអនុម័តទោសប្រហារជីវិតជនឆបោកតាមអ៊ីនធឺណិត
យោធាមីយ៉ាន់ម៉ាបង្កើនការសម្លាប់ជនស៊ីវិល ចំពេលមានការជំរុញផ្នែកការទូត
-
កម្សាន្ត1 year ago«ទាក់ដំរី»
-
ចំណេះដឹងទូទៅ1 year agoបណ្ឌិត ធុយ ចាន់ធួន ៖ នរវិទូខ្មែរ
-
ព័ត៌មានទូទៅ1 year agoអ្នករស់នៅក្នុងសំណង់អតីតសណ្ឋាគារអង្គរមានជ័យ តម្រូវឱ្យចាកចេញជាបន្ទាន់!
-
ចំណេះដឹងទូទៅ1 year agoចាក់ «បំណិនជីវិត» ចូលទៅកុមារកុំឲ្យធុញទ្រាន់នឹងការរៀនសូត្រ
-
សង្គម និងការអប់រំ1 year agoព្រះសក្យមុនីចេតិយ !
-
កម្សាន្ត1 year agoវិចារណកថា ! « សាទរឆ្នាំថ្មី ភាពជោគជ័យ និងផលជះដល់សង្គម »
-
ចំណេះដឹងទូទៅ2 years agoទង់ជាតិនៃព្រះរាជាណាចក្រកម្ពុជា
-
ចំណេះដឹងទូទៅ2 years agoទង់ព្រះពុទ្ធសាសនា