សុខភាព
ការសិក្សាស្រាវជ្រាវ៖ ជំងឺទឹកនោមផ្អែមរបស់ម្តាយក្នុងអំឡុងពេលពរពោះ អាចបង្កើនហានិភ័យនៃជំងឺអូទីហ្សឹមលើកូន
ក្រុមអ្នកស្រាវជ្រាវ បាននិយាយថា ការសិក្សាថ្មីដ៏សំខាន់ និងធំមួយដែលត្រូវបានរកឃើញ ដោយបានបន្ថែមលើភស្តុតាងជាច្រើន បង្ហាញថា ជំងឺទឹកនោមផ្អែមរបស់ម្តាយនៅក្នុងអំឡុងពេលមានផ្ទៃពោះ គឺជាប្រភពដំបូងនៃការនាំមកនូវហានិភ័យ ដោយក្នុងនោះនាំឲ្យកើតមានឡើងបញ្ហាខួរក្បាល និងប្រព័ន្ធប្រសាទចំពោះកូន រួមទាំងជំងឺអូទីហ្សឹមផងដែរ។
មានការចោទជាសំណួរថា៖ តើជំងឺទឹកនោមផ្អែមពិតជាបណ្តាលឱ្យមានបញ្ហាទាំងនោះមែនឬយ៉ាងណា? ចំពោះចម្លើយនៅតែមិនទាន់ច្បាស់នៅឡើយ។ ក៏ប៉ុន្តែនៅពេលម្តាយមានជំងឺទឹកនោមផ្អែមពេលមានផ្ទៃពោះ ទារកមានលទ្ធភាពទទួលរងបញ្ហានេះ ២៨% រួចទៅហើយថាអាចធ្វើរោគវិនិច្ឆ័យឃើញមានជំងឺសរសៃប្រសាទ។ នេះបើយោងតាមការវិភាគទិន្នន័យដែលប្រមូលពីការសិក្សាមុនៗ ចំនួន២០២ករណី ពាក់ព័ន្ធនឹងម្តាយ និងកូនជាង ៥៦លានគូ។
ចំណែកហានិភ័យចំពោះកូនរបស់ម្តាយដែលមានជំងឺទឹកនោមផ្អែមអំឡុងពេលពរពោះ គឺមានខ្ពស់ជាង ២៥% សម្រាប់ជំងឺអូទីហ្សឹម និង៣០% សម្រាប់ជំងឺខ្វះការផ្ចង់អារម្មណ៍ខ្លាំង ព្រមទាំង៣២% សម្រាប់ពិការភាពផ្នែកបញ្ញាស្មារតី។ លើសពីនេះ តាមការស្រាវជ្រាវរកឃើញថា ហានិភ័យក៏កើតមានខ្ពស់ផងដែរចំពោះក្មេងលើបញ្ហាផ្សេងៗទៀតបើប្រៀបធៀបនឹងកុមារដែលម្តាយគ្មានជំងឺទឹកនោមផ្អែមក្នុងអំឡុងពេលមានផ្ទៃពោះ ក្នុងនោះជាង២០% សម្រាប់បញ្ហាទំនាក់ទំនង និង១៧% សម្រាប់បញ្ហាចលនាខណៈហានិភ័យ១៦% សម្រាប់បញ្ហាក្នុងការសិក្សា។
យោងតាមទិនានុប្បវត្តិ The Lancet នៃជំងឺទឹកនោមផ្អែម និងប្រព័ន្ធប្រាសាទ អ្នកស្រាវជ្រាវបានបង្ហាញរបាយការណ៍ថា ជំងឺទឹកនោមផ្អែមដែលកើតឡើងនៅមុនពេលមានផ្ទៃពោះ ហាក់ដូចជាផ្តល់ហានិភ័យខ្ពស់ដល់ទៅ៣៩% ចំពោះទារកដែលអាចកើតជំងឺប្រព័ន្ធប្រសាទ (មួយករណី ឬ ច្រើនជាងនេះ) បើធៀបនឹងជំងឺទឹកនោមផ្អែមដែលចាប់ផ្តើមអំឡុងពេលពរពោះ៕
ប្រយោជន៍ នៃការប្រើប្រាស់ផលិតផលដើម្បីជំនួយដល់សុខភាព
ក្រុមហ៊ុនទឹកត្រចៀកកាំ ចេ.រ៉ូយ៉ាល់ បាននាំយកនូវកាដូសំណាងលើកទី៣ ជូនដល់អតិថិជនរបស់ខ្លួនដល់គេហដ្ឋាន។
ដើម្បីថ្លែងអំណរគុណដល់អតិថិជនដែលគាំទ្រទឹកត្រចៀកកាំ ចេ.រ៉ូយ៉ាល់ ក្រុមហ៊ុនបានបង្កើតនូវកម្មវិធីផ្សងសំណាងយកកាដូសំណាងជាច្រើនសន្ធឹកសន្ធាប់។ សម្រាប់ជាកាដូសំណាងលើកទី៣នេះមាន៖ ម៉ូតូហុងដា Wave 2025 ១គ្រឿង កង់អគ្គិសនី ១គ្រឿង ទូរសព្ទដៃ០១គ្រឿង ឆ្នាំងដុតអគ្គិសនី១គ្រឿង និងទឹកត្រចៀកកាំជាច្រើនកេស។
បន្ទាប់ពីរកឃើញតារាសំណាងរបស់ក្រុមហ៊ុន នៅក្នុងការផ្សាយផ្ទាល់លើទំព័រហ្វេសប៊ុកទឹកត្រចៀកកាំ ចេ.រ៉ូយ៉ាល់ ថ្ងៃទី ៣០ ខែកញ្ញា ឆ្នាំ២០២៥ ក្រុមហ៊ុនបានដឹកយកកាដូសំណាងជូនអតិថិជនដល់គេហដ្ឋានថ្ងៃទី ១៦ ខែតុលា ឆ្នាំ២០២៥។
លោក ស៊ឹម សុភ័ក្រ ប្រធានផ្នែកប្រតិបត្តិការក្រុមហ៊ុនទឹកត្រចៀកកាំ ចេ.រ៉ូយ៉ាល់ មានប្រសាសន៍បញ្ជាក់ថា អតិថិជនដែលទិញទឹកត្រចៀកកាំ ចេ.រ៉ូយ៉ាល់ ចាប់ពី១យួរ នឹងទទួលបានសន្លឹកប័ណ្ណ១សន្លឹក ដើម្បីផ្សងសំណាង ដោយត្រូវបំពេញព័ត៌មាន និងថតសន្លឹកប័ណ្ណផ្ញើចូលហ្វេសប៊ុកផេកទឹកត្រចៀកកាំ ចេ.រ៉ូយ៉ាល់។
កញ្ញា ម៉ាត់ សហ្វីណា រស់នៅភូមិ៥ ឃុំស្វាយឃ្លាំង ស្រុកក្រូចឆ្មា ខេត្តត្បូងឃ្មុំ ដែលទទួលបានកាដូសំណាងពីក្រុមហ៊ុន បានសម្ដែងនូវក្ដីរីករាយមិននឹកស្មានដល់។
លោក ង៉ែត សារុន រស់នៅសង្កាត់វត្តភ្នំ ខណ្ឌដូនពេញ រាជធានីភ្នំពេញ អះអាងថា ក្រុមហ៊ុនពិតជាបានផ្ដល់នូវកាដូសំណាងជូនអតិថិជនពិតប្រាកដមែន។
លោក ហ៊ាង សុខឃីន រស់នៅខណ្ឌដូនពេញ រាជធានីភ្នំពេញដែរនោះ មានប្រសាសន៍ថា លោកបានទិញទឹកត្រចៀកកាំ ចេ.រ៉ូយ៉ាល់ទទួលទានខ្លួនឯង និងជូនឪពុកម្ដាយ ព្រោះទឹកត្រចៀកកាំ ចេ.រ៉ូយ៉ាល់ មានច្រើនរសជាតិ ដែលឪពុកម្ដាយលោកចូលចិត្ត។
ហ៊ាទី ជាតារាសម្ដែងល្បីមួយរូប បានសរសើរថា ទឹកត្រចៀកកាំ ចេ.រ៉ូយ៉ាល់ មានរសជាតិឆ្ងាញ់ បានទាំងសុខភាព បានទាំងកាដូសំណាង។
លោក ស៊ឹម សុភ័ក្រ ប្រធានផ្នែកប្រតិបត្តិការក្រុមហ៊ុនទឹកត្រចៀកកាំ ចេ.រ៉ូយ៉ាល់ បញ្ជាក់ថា ក្រុមហ៊ុននឹងបន្តផ្ដល់ជូនកាដូសំណាងសម្រាប់អតិថិជនបន្ថែមទៀត ហើយការជូនដំណឹងនូវគ្រប់ Promotion កម្មវិធីពិសេសៗ នឹងផ្សព្វផ្សាយលើទំព័រហ្វេសប៊ុក ទឹកត្រចៀកកាំ ចេ.រ៉ូយ៉ាល់ (J. Royal Bird’s Nest)។
សូមរម្លឹកជូនថា ៖ ភ្ជាប់នឹងកម្មវិធីប្រគល់កាដូសំណាងដល់អតិថិជន ក្រុមហ៊ុនទឹកត្រចៀកកាំ ចេ.រ៉ូយ៉ាល់ ចូលរួមពី ហ៊ាទី ក៏បាននាំយកនូវសម្ភារៈសិក្សា ថវិកា និងទឹកត្រចៀកកាំមួយចំនួនជូនដល់លោកគ្រូអ្នកគ្រូ សិស្សានុសិស្សជាង៤០០នាក់ នៅសាលាបឋមសិក្សាភូមិ៥ សង្កាត់ស្វាយឃ្លាំង ស្រុកក្រូចឆ្មា ខេត្តត្បូងឃ្មុំ ផងដែរ៕
ភ្នំពេញ៖ អង្គការមូលនិធិថែទាំសុខភាពអ្នកជំងឺអេដស៍កម្ពុជា (AHF) បានបង្ហាញសេវាពិនិត្យកាមរោគ ព្យាបាល និងមេរោគអេដស៍ ដោយឥតគិតថ្លៃ ព្រមទាំងរក្សាការសម្ងាត់បំផុត ខណៈយុវជនប្រឈមមុខនឹងការឆ្លងកាមរោគ និងមេរោគអេដស៍កើនឡើង។
ក្នុងសន្និសីទសារព័ត៌មានស្តីពីការចូលរួមឆ្លើយតបទៅនឹងមេរោគ និងកាមរោគ នៅមណ្ឌលថែរក្សាសុខភាពទួលគោក របស់ AHF មានទីតាំងផ្ទះលេខ០៦ ផ្លូវលេខ៦០៤ សង្កាត់បឹងកក់២ ខណ្ឌទួលគោក រាជធានីភ្នំពេញ នាថ្ងៃទី១៣ ខែកញ្ញា ឆ្នាំ២០២៥នេះ លោកវេជ្ជបណ្ឌិត ចន ផាន់ណា អ្នកគ្រប់គ្រងកម្មវិធីប្រចាំប្រទេសរបស់ AHF Cambodia មានប្រសាសន៍ថា «យើងមានសេចក្តីសោមនស្សរីករាយក្នុងការផ្តល់ជូនអ្នកសារព័ត៌មាននូវឱកាសមួយដើម្បីទស្សនាគ្លីនិកពិនិត្យ និងព្យាបាលកាមរោគរបស់យើង ចូលរួមដោយផ្ទាល់ជាមួយអតិថិជន និងបានឃើញដោយផ្ទាល់នូវសេវាកម្មដែលមានឥទ្ធិពលដែលយើងផ្តល់ជូន»។
លោកវេជ្ជបណ្ឌិត បានបន្ថែមថា «ជាមួយនឹងការថយចុះនៃជំនួយអន្តរជាតិ ការទ្រទ្រង់ការឆ្លើយតបនឹងមេរោគអេដស៍របស់កម្ពុជារហូតដល់ឆ្នាំ ២០៣០ នៅតែជាបញ្ហាប្រឈមដ៏សំខាន់។ ឥឡូវនេះគឺជាពេលវេលាដើម្បីជំរុញការផ្តល់មូលនិធិក្នុងស្រុកដើម្បីបំពេញតាមការប្តេជ្ញាចិត្តរបស់រាជរដ្ឋាភិបាល។ AHF Cambodia កំពុងពង្រឹងកិច្ចខិតខំប្រឹងប្រែងរបស់ខ្លួនដោយធានាបាននូវការទទួលបានការព្យាបាល ១០០% សម្រាប់អតិថិជនដែលទើបធ្វើរោគវិនិច្ឆ័យថាមានផ្ទុកមេរោគអេដស៍ និងការពង្រីកសេវាកម្មរបស់យើង រួមទាំងមណ្ឌលពិនិត្យ និងព្យាបាលជំងឺកាមរោគ យើងផងដែរ»។
លោកវេជ្ជបណ្ឌិត ម៉ា សួនសុភ័ក្ត្រ ប្រធានមណ្ឌលគ្រប់គ្រងមណ្ឌលថែទាំសុខភាព គ្លីនិកថែទាំ និងព្យាបាលជំងឺកាមរោគ Wellness Center នៃអង្គការមូលនិធិថែទាំសុខភាពអ្នកជំងឺអេដស៍កម្ពុជា បានថ្លែងថា សម្រាប់គ្លីនិកនេះមានផ្តល់សេវាកម្មដូចជា៖ ថែទាំ និងព្យាបាលជំងឺកាមរោគ, សេវាប្រឹក្សា និងតេស្តឈាមរកមេរោគអេសដ៍, ផ្តល់ថ្នាំបង្ការជាមុនពេលប្រព្រឹត្តប្រឈមនឹងការឆ្លងមេរោគអេសដ៍, ផ្តល់ថ្នាំបង្ការក្រោយប្រព្រឹត្តប្រឈមនឹងការឆ្លងមេរោគអេសដ៍, និងមានផ្តល់ស្រោមអនាម័យបង្ការមេរោគអេសដ៍។
សូមបញ្ជាក់ថា មណ្ឌលថែទាំសុខភាព គ្លីនិកថែទាំ និងព្យាបាលជំងឺកាមរោគ Wellness Center នៃអង្គការមូលនិធិថែទាំសុខភាពអ្នកជំងឺអេដស៍កម្ពុជា មានទីតាំងនៅផ្ទះលេខ០៦ ផ្លូវ៦០៤ សង្កាត់បឹងកក់២ ខណ្ឌទួលគោក រាជធានីភ្នំពេញ លេខទូរសព្ទ ០៩៦ ៩២៩ ២៩៥២ ដែលបានបើកជារៀងរាល់ថ្ងៃចាប់ពីម៉ោង ៨ព្រឹក ដល់ម៉ោង ៦ល្ងាច។
អង្គការមូលនិធិថែទាំសុខភាពអ្នកជំងឺអេដស៍ គឺជាអង្គការពិភពលោកដ៏ធំបំផុតដែលបាននិងកំពុងផ្តល់សេវាថែទាំព្យាបាលដោយមិនគិតពីលទ្ធភាពនៃការបង់ប្រាក់ ដល់អតិថិជនជាង ២.៥លាននាក់ក្នុង៥០ប្រទេសជុំវិញពិភពលោក ដូចជានៅសហរដ្ឋអាមេរិក អាហ្វ្រិក អាមេរិកឡាទីន ការាបៀន តំបន់អាស៊ី ប៉ាស៊ីហ្វិក និងអឺរ៉ុប៕
សេដ្ឋកិច្ចជាតិចិនបានរក្សានិន្នាការអភិវឌ្ឍន៍ប្រកបដោយស្ថិរភាពនិងរីកចម្រើនក្នុងរយៈពេលបួនខែដំបូងឆ្នាំ២០២៦
យោធាមីយ៉ាន់ម៉ាបង្កើនការប្រយុទ្ធដណ្តើមយកតំបន់រ៉ែដ៏កម្រ និងផ្លូវយុទ្ធសាស្ត្រតាមព្រំដែន
ពិព័រណ៍ចិន-រុស្ស៊ីលើកទី ១០ បានបើកធ្វើដោយមានការចូលរួមពីសហគ្រាសចំនួនជាង ១៥០០
-
កម្សាន្ត1 year ago«ទាក់ដំរី»
-
ព័ត៌មានទូទៅ1 year agoអ្នករស់នៅក្នុងសំណង់អតីតសណ្ឋាគារអង្គរមានជ័យ តម្រូវឱ្យចាកចេញជាបន្ទាន់!
-
ចំណេះដឹងទូទៅ1 year agoចាក់ «បំណិនជីវិត» ចូលទៅកុមារកុំឲ្យធុញទ្រាន់នឹងការរៀនសូត្រ
-
សង្គម និងការអប់រំ1 year agoព្រះសក្យមុនីចេតិយ !
-
កម្សាន្ត1 year agoវិចារណកថា ! « សាទរឆ្នាំថ្មី ភាពជោគជ័យ និងផលជះដល់សង្គម »
-
ចំណេះដឹងទូទៅ1 year agoទង់ជាតិនៃព្រះរាជាណាចក្រកម្ពុជា
-
ចំណេះដឹងទូទៅ11 months agoបណ្ឌិត ធុយ ចាន់ធួន ៖ នរវិទូខ្មែរ
-
កម្សាន្ត1 year agoប្រវត្តិ និងការហាត់រៀនរបាំក្ងោកសិល្ប៏ នៅសាលាមធ្យមវិចិត្រសិល្បះ