(ភ្នំពេញ)៖ តាមរយៈកិច្ចសហប្រតិបត្តិការរវាង IHH Healthcare Malaysia និង Medlink Cambodia នឹងផ្តល់ជូនផ្នែកសុខាភិបាលលំដាប់ពិភពលោក សម្រាប់អ្នកជំងឺកម្ពុជា ឱ្យទទួលបានការថែទាំពីគ្រូពេទ្យឯកទេស ក្នុងប្រទេសម៉ាឡេស៊ី កាលពីថ្ងៃទី២៥ ខែមិថុនា ឆ្នាំ២០២៦។
IHH Healthcare Malaysia បានរៀបចំ «កម្មវិធីជួបជុំប្រព័ន្ធផ្សព្វផ្សាយវេជ្ជសាស្ត្រ» (Medical Media Engagement Session) នៅរាជធានីភ្នំពេញ ប្រទេសកម្ពុជា ក្នុងគោលបំណងពង្រឹងលទ្ធភាពទទួលបានសេវាកម្មថែទាំសុខភាពប្រកបដោយជំនាញឯកទេស ដែលគួរឱ្យទុកចិត្ត និងផ្តល់ឱ្យប្រព័ន្ធផ្សព្វផ្សាយកម្ពុជានូវការយល់ដឹងកាន់តែស៊ីជម្រៅអំពីសេវាកម្មប្រកបដោយជំនាញ ឯកទេសនានា សម្រាប់អ្នកជំងឺដែលស្វែងរកការព្យាបាលនៅក្នុងប្រទេសម៉ាឡេស៊ី។

ជាមួយគ្នានេះ លោក Khairul Annuar Yusof ប្រធានផ្នែកទីផ្សារនៃ IHH Healthcare Malaysia បានមានប្រសាសន៍ថា៖ «កំណើនចំនួនអ្នកជំងឺកម្ពុជា ក្នុងការជ្រើសរើសយក IHH Healthcare Malaysia គឺឆ្លុះបញ្ចាំងពីការជឿទុកចិត្តដែលអ្នកជំងឺ និងក្រុមគ្រួសារមាន ចំពោះការថែទាំប្រកបដោយជំនាញឯកទេសរបស់ប្រទេសម៉ាឡេស៊ី ជាពិសេសនៅពេលស្វែងរកក្រុមគ្រូពេទ្យដែលមានបទពិសោធន៍ និងជម្រើសការព្យាបាលដ៏ទូលំទូលាយ។
បើប្រៀបធៀបទៅនឹងឆ្នាំ ២០២៤ យើងបានឃើញចំនួនអ្នកជំងឺកម្ពុជាកើនឡើងជាង ១៦ដង ដែលនេះបង្ហាញពីការភ្ជាប់ទំនាក់ទំនងថែទាំសុខភាពកាន់តែរឹងមាំរវាងកម្ពុជា និងម៉ាឡេស៊ី»។
លោកបានបន្ថែមថា «សម្រាប់អ្នកជំងឺដែលធ្វើដំណើរទៅក្រៅប្រទេសដើម្បីព្យាបាល ការផ្តល់ភាពកក់ក្តៅ និងការណែនាំគឺមានសារៈសំខាន់ដូចគ្នានឹងជំនាញវេជ្ជសាស្ត្រដែរ។ តាមរយៈបណ្តាញមន្ទីរពេទ្យ និងសេវាកម្មយ៉ាងយកចិត្តទុកដាក់របស់យើងចំពោះអ្នកជំងឺ យើងមានគោលបំណងផ្តល់ឱ្យអ្នកជំងឺកម្ពុជានូវការគាំទ្រដ៏ត្រឹមត្រូវ ចាប់តាំងពីការភ្ជាប់ទំនាក់ទំនងពួកគេជាមួយគ្រូពេទ្យជំនាញឯកទេស រហូតដល់ការជួយពួកគេក្នុងការស្វែងរកការថែទាំប្រកបដោយទំនុកចិត្ត»។
IHH Healthcare Malaysia បានប្រមូលផ្តុំនូវបណ្តាញមន្ទីរពេទ្យ និងគ្រូពេទ្យជំនាញឯកទេស លើផ្នែកថែទាំជាច្រើន។ តាមរយៈមន្ទីរពេទ្យដែលគួរឱ្យទុកចិត្តរបស់ខ្លួន រួមមាន មន្ទីរពេទ្យ Gleneagles, មន្ទីរពេទ្យ Island, មន្ទីរពេទ្យ Pantai, មជ្ឈមណ្ឌលវេជ្ជសាស្ត្រ Prince Court និងមជ្ឈមណ្ឌលវេជ្ជសាស្ត្រ Timberland ក្រុមហ៊ុន IHH Healthcare Malaysia ផ្តល់នូវជំនាញឯកទេសយ៉ាងទូលំទូលាយ រួមមាន ការថែទាំជំងឺមហារីក ការថែទាំបេះដូង សុខភាពខួរក្បាល និងឆ្អឹងកងខ្នង ផ្នែកជំងឺឆ្អឹងនិងសន្លាក់ សុខភាពស្ត្រី និងកុមារ សុខភាពប្រព័ន្ធរំលាយអាហារ និងការថែទាំបង្ការជាមុន។
នៅក្នុងចំណាត់ថ្នាក់មន្ទីរពេទ្យល្អបំផុតក្នុងពិភពលោកឆ្នាំ ២០២៦ របស់ទស្សនាវដ្តី Newsweek (Newsweek’s World’s Best Hospitals 2026 rankings) មន្ទីរពេទ្យចំនួន ១២ របស់ IHH Healthcare Malaysia ត្រូវបានទទួលស្គាល់ជាសកល ដែលនេះជួយពង្រឹងការប្តេជ្ញាចិត្តរបស់យើង ក្នុងការផ្តល់សេវាថែទាំសុខភាពគុណភាពខ្ពស់សម្រាប់អ្នកជំងឺនៅក្នុងប្រទេសម៉ាឡេស៊ី និងទូទាំងតំបន់។
កម្មវិធីនេះបង្ហាញនូវមន្ទីរពេទ្យសំខាន់ៗរបស់ IHH Healthcare Malaysia ដែលគាំទ្រដល់អ្នកជំងឺកម្ពុជា រួមមាន មន្ទីរពេទ្យ Gleneagles Hospital Kuala Lumpur, មន្ទីរពេទ្យ Pantai Hospital Kuala Lumpur និងមជ្ឈមណ្ឌលវេជ្ជសាស្ត្រ Prince Court Medical Centre តាមរយៈបទបង្ហាញដឹកនាំដោយគ្រូពេទ្យជំនាញឯកទេស អំពី ការថែទាំប្រព័ន្ធប្រសាទ និងឆ្អឹងកងខ្នង ការថែទាំជំងឺមហារីក និងផ្នែកជំងឺឆ្អឹងនិងសន្លាក់។
គ្រូពេទ្យឯកទេសឈានមុខគេមកពី IHH Healthcare Malaysia បានចែករំលែកជំនាញរបស់ពួកគេ រួមមាន លោកវេជ្ជបណ្ឌិត Regunath ឯកទេសវះកាត់ប្រព័ន្ធប្រសាទ និងឆ្អឹងកងខ្នង មកពីមន្ទីរពេទ្យ Gleneagles Hospital Kuala Lumpur ដែលបានបង្ហាញប្រធានបទ «សុខភាពខួរក្បាល និងឆ្អឹងកងខ្នង៖ តើពេលណាគួរស្វែងរកការថែទាំពីគ្រូពេទ្យជំនាញឯកទេស»
ធ្វើឱ្យសុខភាពរបស់អ្នកជាអាទិភាពនៅថ្ងៃនេះ ស្វែង​យល់​ពី​ការ​ផ្តល់​ជូន​ផ្តាច់​មុខ​របស់ពួកគេ និង​បោះ​ជំហាន​សកម្មឆ្ពោះ​ទៅ​រក​ការ​រក្សាសុខុមាល​ភាពរ​បស់​អ្នក​ដោយ​ចូលទៅកាន់ស្តង់របស់ពួកគេនៅ MH Expo ភ្នំពេញ ផ្សារទំនើប​អ៊ីអន ម៉ល សែនសុខ​ ស៊ីធី (២៦-២៨ មិថុនា) ឬ​ចុច​លើ​តំណ​ភ្ជាប់​ខាង​ក្រោម​ដើម្បី​ស្វែងយល់បន្ថែម។
https://www.ihhmalaysiainternational.com/mhpp2026?utm_source=thmey_thmey&utm_medium=digital&utm_campaign=mhpp
 
វេជ្ជបណ្ឌិត Fadhlina ឯកទេសជំងឺមហារីក មកពីមន្ទីរពេទ្យ Pantai Hospital Kuala Lumpur បានធ្វើបទបង្ហាញអំពី «វឌ្ឍនភាពក្នុងការថែទាំជំងឺមហារីក៖ ការរកឃើញដំណាក់កាលដំបូង និងវិធីសាស្ត្រព្យាបាលទំនើប» ដោយពិភាក្សាអំពីសារៈសំខាន់នៃការធ្វើរោគវិនិច្ឆ័យទាន់ពេលវេលា និងយុទ្ធសាស្ត្រព្យាបាលផ្ទាល់ខ្លួនក្នុងការគ្រប់គ្រងជំងឺមហារីក។

ទន្ទឹមនឹងនេះដែរ លោកវេជ្ជបណ្ឌិត Murali ឯកទេស វះកាត់ឆ្អឹងនិងសន្លាក់ មកពីមជ្ឈមណ្ឌលវេជ្ជសាស្ត្រ Prince Court Medical Centre បានធ្វើបទបង្ហាញអំពី «រក្សាចលនារបស់អ្នក៖ នវានុវត្តន៍ ក្នុងការថែទាំផ្នែកជំងឺឆ្អឹងនិងសន្លាក់» ដោយផ្តោតលើវិធីសាស្ត្រស្តារឡើងវិញនូវចលនា ការគាំទ្រដល់ការជាសះស្បើយ និងការកែលម្អគុណភាពជីវិត។
ដើម្បីគាំទ្រដល់អ្នកជំងឺកម្ពុជាដែលស្វែងរកការព្យាបាលនៅក្នុងប្រទេសម៉ាឡេស៊ី IHH Healthcare Malaysia ផ្តល់នូវជំនួយយ៉ាងយកចិត្តទុកដាក់តាមរយៈមជ្ឈមណ្ឌលអ្នកជំងឺអន្តរជាតិ (IPC) របស់ខ្លួន ដែលដើរតួជាចំណុចសម្របសម្រួលតែមួយគត់ពេញមួយដំណើរការថែទាំសុខភាពរបស់ពួកគេ។
សេវាកម្មនានារួមមាន ការរៀបចំការណាត់ជួបជាមួយគ្រូពេទ្យជំនាញឯកទេស ការសាកសួរព័ត៌មានវេជ្ជសាស្ត្រ ការសម្របសម្រួលការព្យាបាល ការណែនាំអំពីការប៉ាន់ប្រមាណតម្លៃ ការគាំទ្រទាក់ទងនឹងការទូទាត់ ការរៀបចំកន្លែងស្នាក់នៅ ការជូនរថយន្តទទួលពីព្រលានយន្តហោះ និងការណែនាំទាក់ទងនឹងទិដ្ឋាការ (Visa) នៅពេលចាំបាច់។ អ្នកជំងឺក៏ទទួលបាននូវជំនួយជាភាសាខ្មែរ និងការគាំទ្រជាបន្តទៀត បន្ទាប់ពីការព្យាបាល តាមរយៈដៃគូក្នុងប្រទេស ដែលជួយពួកគេឱ្យរក្សាទំនាក់ទំនងជាមួយក្រុមថែទាំសុខភាពរបស់ពួកគេ ទោះបីជាបានត្រឡប់មកផ្ទះវិញក៏ដោយ។
តាមរយៈការចូលរួម និងកិច្ចសហការជាបន្តបន្ទាប់នៅក្នុងប្រទេសកម្ពុជា IHH Healthcare Malaysia នៅតែបន្តផ្តោតលើការធ្វើអោយប្រើសើរឡើងលទ្ធភាពទទួលបានការថែទាំពីគ្រូពេទ្យជំនាញឯកទេស និងការគាំទ្រអ្នកជំងឺជាមួយនឹងការផ្តល់ព័ត៌មាន ការណែនាំ និងទំនុកចិត្តដែលត្រូវការ នៅពេលធ្វើការសម្រេចចិត្តលើការថែទាំសុខភាព៕

ប្រយោជន៍ នៃការប្រើប្រាស់ផលិតផលដើម្បីជំនួយដល់សុខភាព

ក្រុមហ៊ុនទឹក​ត្រចៀក​កាំ ​ចេ.រ៉ូយ៉ាល់ ​បាន​នាំ​យក​នូវ​កា​ដូ​សំណាង​លើក​ទី៣ ​ជូន​ដល់​អតិថិជន​របស់ខ្លួនដល់​គេហដ្ឋាន។

ដើម្បី​ថ្លែង​អំណរ​គុណ​ដល់​អតិ​ថិជន​ដែល​គាំ​ទ្រ​ទឹក​ត្រចៀក​កាំ ​ចេ.រ៉ូយ៉ាល់ ​ក្រុម​ហ៊ុន​បាន​បង្កើត​នូវ​កម្មវិធី​ផ្សង​សំណាង​យក​កាដូ​សំណាង​ជា​ច្រើន​សន្ធឹក​សន្ធាប់។ ​សម្រាប់​ជា​កាដូ​សំណាង​លើក​ទី៣​នេះមាន៖​ ម៉ូតូហុងដា​ Wave 2025​ ១គ្រឿង​ កង់​អគ្គិសនី ​១គ្រឿង ​ទូរសព្ទដៃ​​០១គ្រឿង ​ឆ្នាំងដុត​អគ្គិសនី​១គ្រឿង​ និងទឹក​ត្រចៀក​កាំ​ជាច្រើន​កេស។

បន្ទាប់​ពី​រក​ឃើញ​តារា​សំណាង​របស់​ក្រុមហ៊ុន​ នៅ​ក្នុង​ការ​ផ្សាយ​ផ្ទាល់​លើ​ទំព័រ​ហ្វេស​ប៊ុក​ទឹក​ត្រចៀក​កាំ ​ចេ.រ៉ូយ៉ាល់​ ថ្ងៃទី​ ៣០ ​ខែកញ្ញា​ ឆ្នាំ២០២៥​ ក្រុមហ៊ុន​បាន​​ដឹក​យក​កា​ដូ​សំណាង​ជូន​អតិ​ថិជន​ដល់​គេហដ្ឋាន​ថ្ងៃទី ​១៦ ​ខែតុលា ​ឆ្នាំ២០២៥។

លោក ស៊ឹម សុភ័ក្រ​ ប្រធាន​ផ្នែក​ប្រតិ​បត្តិការ​ក្រុមហ៊ុន​ទឹក​ត្រចៀកកាំ ​ចេ.រ៉ូយ៉ាល់ ​មាន​ប្រសាសន៍បញ្ជាក់​ថា​ អតិ​ថិជន​​ដែល​ទិញ​ទឹក​ត្រចៀក​កាំ ​ចេ.រ៉ូយ៉ាល់ ​ចាប់​ពី​១យួរ​ នឹង​ទទួល​បាន​សន្លឹក​ប័ណ្ណ១សន្លឹក​ ដើម្បី​ផ្សង​សំណាង​ ដោយ​ត្រូវ​បំពេញ​ព័ត៌​មាន​ និង​ថត​សន្លឹក​ប័ណ្ណ​ផ្ញើ​ចូល​ហ្វេស​ប៊ុក​ផេក​ទឹក​ត្រចៀក​កាំ ចេ.រ៉ូយ៉ាល់។​

កញ្ញា ​ម៉ាត់ សហ្វីណា ​រស់​នៅ​ភូមិ៥​ ឃុំ​ស្វាយ​ឃ្លាំង ​ស្រុក​ក្រូចឆ្មា ​ខេត្ត​ត្បូងឃ្មុំ ​ដែល​ទទួល​បាន​កាដូ​សំណាង​ពីក្រុមហ៊ុន​ បាន​សម្ដែង​នូវ​ក្ដី​រីក​រាយ​មិន​នឹក​ស្មាន​ដល់។

លោក ង៉ែត សារុន ​រស់​នៅ​សង្កាត់​វត្តភ្នំ ​ខណ្ឌ​ដូន​ពេញ ​រាជធានី​ភ្នំពេញ ​អះអាង​ថា​ ក្រុមហ៊ុន​ពិត​ជា​បានផ្ដល់​នូវ​កាដូ​​សំ​ណាង​ជូន​អតិ​ថិជន​ពិត​ប្រាកដ​មែន។

លោក ហ៊ាង សុខឃីន ​រស់​នៅ​ខណ្ឌដូនពេញ ​រាជ​ធានី​ភ្នំពេញ​ដែរ​នោះ ​មាន​ប្រសាសន៍ថា​ លោក​បាន​ទិញ​ទឹក​ត្រចៀក​កាំ ​ចេ.រ៉ូយ៉ាល់​ទទួល​ទាន​ខ្លួនឯង​ និង​ជូន​ឪពុក​ម្ដាយ​ ព្រោះ​ទឹក​ត្រចៀក​កាំ ​ចេ.រ៉ូយ៉ាល់ ​មាន​ច្រើន​រសជាតិ ​ដែល​ឪពុក​ម្ដាយ​លោក​ចូលចិត្ត។

ហ៊ាទី ​ជាតារា​សម្ដែង​ល្បី​មួយរូប ​បាន​សរសើរ​ថា ​ទឹក​ត្រចៀកកាំ ​ចេ.រ៉ូយ៉ាល់ ​មាន​រស​ជាតិ​ឆ្ងាញ់ ​បាន​ទាំង​សុខភាព​ បាន​ទាំងកាដូ​សំណាង។

លោក ស៊ឹម សុភ័ក្រ ​ប្រធាន​ផ្នែក​ប្រតិ​បត្តិការ​ក្រុមហ៊ុន​ទឹក​ត្រចៀក​កាំ ​ចេ.រ៉ូយ៉ាល់ ​បញ្ជាក់ថា​ ក្រុម​ហ៊ុននឹង​បន្ត​ផ្ដល់​ជូន​​កាដូ​​សំណាង​សម្រាប់​អតិ​ថិជន​បន្ថែម​ទៀត ​ហើយ​ការ​ជូន​ដំណឹង​នូវ​គ្រប់​ Promotion​ កម្ម​វិធី​ពិសេសៗ ​នឹង​ផ្សព្វ​ផ្សាយ​លើ​ទំព័រ​ហ្វេសប៊ុក ​ទឹក​ត្រចៀកកាំ ​ចេ.រ៉ូយ៉ាល់ (J. Royal Bird’s Nest)។

សូមរម្លឹក​ជូនថា ៖​ ភ្ជាប់​នឹង​កម្មវិធី​ប្រគល់​កាដូ​សំណាង​ដល់​អតិថិជន​ ក្រុមហ៊ុន​ទឹក​ត្រចៀក​កាំ​ ចេ.រ៉ូយ៉ាល់ ​ចូល​រួម​ពី ហ៊ាទី ​ក៏បាន​នាំយក​នូវ​សម្ភារៈ​សិក្សា ​ថវិកា ​និង​ទឹក​ត្រចៀកកាំ​មួយ​ចំនួន​ជូន​ដល់​លោក​គ្រូ​អ្នកគ្រូ ​សិស្សា​នុសិស្ស​ជាង៤០០នាក់ ​នៅ​សាលា​បឋម​សិក្សា​ភូមិ​៥ សង្កាត់​ស្វាយ​ឃ្លាំង ​ស្រុក​ក្រូចឆ្មា​ ខេត្ត​ត្បូង​ឃ្មុំ ​ផងដែរ៕