​ចំនួន​អ្នក​ស្លាប់​ដោយ​សារព្យុះ​ទីហ្វុង​ ​Kalmaegi​ ​និង​ ​Fung-wong​ ​បាន​កើន​ឡើង​រហូត​ដល់​ជាង​ ​២៤០​នាក់​ ខណៈ​​ ​មនុស្ស​ ​១​លាន​ ​៤សែន​នាក់​ ​ត្រូវ​បាន​ជម្លៀស​ចេញ​ពី​ទី​ជម្រក​នៅ​ក្នុង​ប្រទេស​ហ្វី​លី​ពីន​។​

​មនុស្ស​ ​១១២​ ​នាក់​ត្រូវ​បាន​រាយ​ការណ៍​ថា​ ​បាត់​ខ្លួន​ផង​ដែរ​ ​ក្នុង​នោះ​ ​៥៧​ ​នាក់​នៅ​ខេត្ត​​ ​Cebu​ ​៥០​ ​នាក់​នៅ​ខេត្ត​ ​Negros​ ​Occidental​ ​និង​ ​៥​ ​នាក់​នៅ​ខេត្ត​ ​Negros​ ​Oriental​។
​ព្យុះ​ទី​​ណូ​ក៏​បាន​បណ្តាល​ឱ្យ​មនុស្ស​ចំនួន​ ​៥២៣​ ​នាក់​រង​របួស​ផង​ដែរ​។​

​គ្រួ​សារ​ដែល​រង​ផល​ប៉ះ​ពាល់​ដោយ​ព្យុះ​ទី​ហ្វុង​ឥឡូវ​នេះ​មាន​ចំនួន​ជិត​ ​១​លាន​២​សែន​គ្រួសារ​​ ​ស្មើ​នឹង​ ​៤.១៦៤.៣៥៨​នាក់​ ​រស់​នៅ​ក្នុង​ភូមិ​ចំនួន​ ​៧.៦៩៥​ ​ក្នុង​តំបន់​ចំនួន​ប្រាំ​បី​។​ ​គិត​ត្រឹម​ព្រឹក​ថ្ងៃ​ទី​ ​១១​ ​វិច្ចិកានេះ​ ​ពល​រដ្ឋ​ចំនួន​ជាង​ ​៦​ម៉ឺន​គ្រួ​សារ​កំ​ពុង​តែ​នៅ​ជ្រក​កោន​ក្នុង​មជ្ឈ​មណ្ឌល​​ជម្លៀស​ចំនួន​ ​៨៦៨​ ​កន្លែង​ ខណៈ​ពល​រដ្ឋ​ចំនួន​ ​៣៣.០៣០​ ​គ្រួសារ​ផ្សេង​ទៀត​កំពុង​ត្រូវ​បាន​ផ្ដល់​ជំនួយ​នៅ​កន្លែង​ផ្សេង​ទៀត​៕​