​មាន​ជន​សង្ស័យ​ចំនួន​៦៥៨​នាក់​ ​ភាគ​ច្រើន​ជា​ជន​បរទេស​ ​ត្រូវ​បាន​កម្លាំង​សមត្ថ​កិច្ច​ឃាត់​ខ្លួន​ភ្លាម​ៗ​ ​​ក្នុង​ប្រ​តិ​បត្តិ​ការ​ចុះ​ត្រួត​ពិ​និត្យ​ឆែក​ឆេរ​ទី​តាំង​ចំនួន​២​កន្លែង​ពាក់​ព័ន្ធ​ករណី​សង្ស័យ​ប្រ​ព្រឹត្ត​បទ​ល្មើស​ឆ​បោក​តាម​ប្រ​ព័ន្ធ​ ​បច្ចេក​វិទ្យា​ ​(Online Scams)​ ​ក្នុង​ក្រុង​បា​វិត​ ​ខេត្ត​ស្វាយ​រៀង​។​

​ប្រ​តិ​បត្តិ​ការ​នេះ​ ​ធ្វើ​ឡើង​កាល​ពី​ថ្ងៃ​ទី​៤​ ​ខែ​វិច្ឆិកា​ ​ឆ្នាំ​២០២៥​។​

​បើ​តាម​ការ​ផ្សាយ​របស់​អគ្គ​ស្នង​ការ​ដ្ឋាន​ន​គរ​បាល​ជាតិ​ ​នៅ​ថ្ងៃ​ទី​៨​ ​ខែ​វិច្ឆិកា​ ​ឆ្នាំ​២០២៥​ ​បាន​ឲ្យ​ដឹង​ថា​ ​ដោយ​គោល​ដៅ​ទី​១​ ​គឺ​អ​គារ​ស្ថិត​នៅ​លើ​ផ្លូវ​បេ​តុង​ ​ភូមិ​បា​វិត​កណ្តាល​ ​សង្កាត់​បា​វិត​ ​ក្រុង​បា​វិត​ ​ខេត្ត​ស្វាយ​រៀង​ ​ជា​លទ្ធ​ផល​រក​ឃើញ​ជន​បរទេស​សរុប​ ​៥៧​នាក់​ ​មាន​៦​សញ្ជាតិ​ ​ក្នុង​នោះ​មាន​ជន​ជាតិ​ខ្មែរ​ចំនួន​១២​នាក់​ដែល​ធ្វើ​ការ​ផ្នែក​អនា​ម័យ​ ​សន្តិ​សុខ​ ​និង​បក​ប្រែ​។​

​​ចំណែក​គោល​ដៅ​ទី​២​ ​គឺ​អគារ​ភ្លោះ​កម្ពស់​៩​ជាន់​ ​ស្ថិត​នៅ​លើ​ផ្លូវ​កំ​ពង់​ស្ពាន​ ​ភូមិ​បា​វិត​កណ្តាល​ ​សង្កាត់​បា​វិត​ ​ក្រុង​បា​វិត​ ​ខេត្ត​ស្វាយ​រៀង​ ​ដោយ​ជា​លទ្ធ​ផល​ ​រក​ឃើញ​ជន​បរទេស​សរុប​ចំនួន​៦០១​នាក់​ ​មាន​៤​​សញ្ជាតិ​។

​តាម​រយៈ​ការ​ត្រួត​ពិ​និត្យ​វត្ថុ​តាង​ ​និង​ធ្វើ​កោស​ល្យ​វិច្ច័​យ​បឋម​​ ​គណៈ​កម្ម​ការ​ចំ​ពោះ​កិច្ច​សន្និ​ដ្ឋាន​ថា​ គោល​​ដៅ​ទី​១​ ​ជា​ទី​តាំង​ធ្វើ​សកម្ម​ភាព​ឆ​បោក​តាម​ប្រ​ព័ន្ធ​បច្ចេក​វិទ្យា​ ​(Online​ ​Scam​)​ ​តាម​រូប​ភាព​ក្លែង​បន្លំ​ជា​ស​មត្ថ​កិច្ច​ដើ​ម្បី​គំ​រាម​ជន​រង​គ្រោះ​។​

​ចំ​ណែក​គោល​ដៅ​ទី​២​ ​ជា​ទី​តាំង​ធ្វើ​ស​កម្ម​ភាព​ឆ​បោក​តាម​ប្រ​ព័ន្ធ​បច្ចេក​វិទ្យា​(Online Scam)​ ​ក្រោម​រូប​ភាព​វិ​និ​យោគ​ទទួល​បាន​ប្រាក់​ចំ​ណេញ​ខ្ពស់​ ​ការ​បង្កើត​រូប​ភាព​ប្រ​តិ​បត្តិ​ការ​ធ​នា​គារ​ក្លែង​ក្លាយ​ ​ការ​បង្កើត​ទំ​នាក់​ទំ​នង​ក្រោម​រូប​ភាព​ស្នេហា​ ​ការ​ចុះ​ឈ្មោះ​រត់​កី​ឡា​ម៉ា​រ៉ា​តុង​ក្លែង​ក្លាយ​ ​និង​ការ​ប្រើ​ប្រាស់​ ​បច្ចេក​វិទ្យា​ ​Ai​ Deep​ Fake​ ​ក្លែង​វី​ដេ​អូ​ ​និង​រូប​ភាព​ ​សម្រាប់​ក្លែង​អត្ត​សញ្ញាណ​៕​