ពត៌មានទូទៅ
ក្រុមហ៊ុនទឹកត្រចៀកកាំ ចេ.រ៉ូយ៉ាល់ រកឃើញអ្នកមានសំណាង!
ក្រុមហ៊ុនទឹកត្រចៀកកាំ ចេ.រ៉ូយ៉ាល់ តាមរយៈការផ្សាយផ្ទាល់លើទំព័រហ្វេសប៊ុក ចេ.រ៉ូយ៉ាល់ កាលពីថ្ងៃទី០២ ឧសភា កន្លងទៅបានរកឃើញអ្នកមានសំណាងចំនួន១៤រូប ដែលទទួលបានរង្វាន់ប្រចាំខែមេសា។ លោក ស៊ឹម សុភ័ក្រ ប្រធានប្រតិបត្តិការផ្នែកលក់ និងតំណាងក្រុមហ៊ុនទឹកត្រចៀកកាំ ចេរ៉ូយ៉ាល់ បានដឹកនាំក្រុមការងារចុះជូនរង្វាន់ធំដល់គេហដ្ឋានអ្នកត្រូវរង្វាន់ មានកង់អគ្គិសនី និងម៉ូតូ HONDA WAVE ២០២៥។
ថ្ងៃទី១៧ ខែឧសភា ឆ្នាំ២០២៥ លោកប្រធានផ្នែកលក់ និងក្រុមការងារ បានដឹកកង់អគ្គិសនី១គ្រឿង ទៅប្រគល់ជូនអ្នកមានសំណាងគឺ អ្នកស្រី ទ្រី វួចទីន រស់នៅភូមិរកាកោង ឃុំរកាកោង ស្រុកមុខកំពូល ខេត្រកណ្ដាល។ អ្នកស្រី វួចទីន អះអាងថា ការទទួលបានរង្វាន់នេះ គឺជាសំណាងពិតប្រាកដ។ អ្នកស្រីបន្តថា «ពេលទិញទឹកត្រចៀកកាំ ចេ.រ៉ូយ៉ាល់ គាត់យកសន្លឹកបណ្ណក្នុងកេសមកបំពេញព័ត៌មាន ហើយថតផ្ញើរមកក្រុមហ៊ុន ដើម្បីផ្សងសំណាង»
ដោយឡែក លោក ចៀវ ចាន់ដា រស់នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ដែលទទួលបានរង្វាន់ម៉ូតូហុងដាវេវ២០២៥ មួយគ្រឿងពីក្រុមហ៊ុន បានបង្ហាញចំណាប់អារម្មណ៍ដែរថា «មិននឹកស្មានថា ខ្ញុំមានសំណាងធំដូច្នេះឡើយ...កំពុងតាមដានការផ្សាយផ្ទាល់កម្មវិធីចាប់រង្វាន់ជាមួយភរិយា ស្រាប់តែតំណាងក្រុមហ៊ុន ចាប់ចំសន្លឹកបណ្ណដែលជាឈ្មោះ និងលេខកូដរបស់លោក។ លើកទី១ ជាការទទួលបានសំណាង»។
លោក ស៊ឹម សុភ័ក្រ តំណាងក្រុមហ៊ុនទឹកត្រចៀកកាំ ចេ.រ៉ូយ៉ាល់ អះអាងថា ដើម្បីជាការតបស្នងចំពោះអតិថិជន ដែលតែងគាំទ្រផលិតផលក្រុមហ៊ុន ក្រៅពីរង្វាន់ទាំងពីរនេះ គឺមានរង្វាន់សន្ធឹកសន្ធាប់ផ្សេងទៀតដូចជា ទូរសព្ទដៃ ឆ្នាំងដុតឬអាំងសាច់អគ្គិសនី ទឹកត្រចៀកកាំ ចេ.រ៉ូយ៉ាល់ ជាច្រើនកេស។ ចំពោះការចាប់រង្វាន់ជាបន្តទៀត ក្រុមហ៊ុននឹងជូនដំណឹងនៅលើទំព័រហ្វេសប៊ុក J. Royal Bird’s Nest ។
សូមបញ្ជាក់ជូនថា ទឹកត្រចៀកកាំ ចេ.រ៉ូយ៉ាល់ ត្រូវបានផលិត ចែកចាយលក់លើទីផ្សារជូនអតិថិជនបានទទួលទាន តាំងពីឆ្នាំ២០២២ ក្រោមសម្លោកថា «ចេរ៉ូយ៉ាល់ អាថ៌កំបាំងនៃសុខភាព»។
ពត៌មានទូទៅ
អ្នកបច្ចេកទេសកំពុងសិក្សាស្រាវជ្រាវ និងវាយតម្លៃពីលក្ខណៈជីវសាស្រ្ត និងផលប៉ះពាល់ធនធានត្រី និងជីវចម្រុះនៅក្នុងទន្លេសាប
ក្រុមមន្រ្តីបច្ចេកទេសអជ្ញាធរទន្លេសាប កំពុងចុះសិក្សាស្រាវជ្រាវ តាមដាន វិភាគ និងវាយតម្លៃពីលក្ខណៈជីវសាស្រ្ត និងផលប៉ះពាល់ធនធានត្រី និងជីវចម្រុះគ្រប់ប្រភេទនៅក្នុងខេត្តកំពង់ឆ្នាំង ពោធិ៍សាត់ និងខេត្តកំពង់ធំ។
ការចុះសិក្សានេះអ្នកជំនាញត្រូវធ្វើការលើ ៖
១. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សា
២. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ និងពិនិត្យលើលំនៅដ្ឋានធនធានជលផល ។
៣. សម្ភាសន៍ជាមួយអ្នកពាក់ព័ន្ធនៅតំបន់អភិរក្សសត្វស្លាប និងជីវចម្រុះគ្រប់ប្រភេទក្នុងតំបន់សិក្សា ដើម្បីប្រមូលទិន្នន័យ/ព័ត៌មានលើប្រភេទនីមួយៗ។
កិច្ចការនេះគឺជាសកម្មភាពមួយក្នុងចំណោមសកម្មភាពជាច្រើន ដែលត្រូវបានអនុម័តដាក់ឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៥ របស់អាជ្ញាធរទន្លេសាប ក្នុងគោលបំណង ៖
– តាមដាន និងវាយតម្លៃប្រភេទធនធានជលផល ទៅតាមប្រភេទឧបករណ៍នេសាទក្នុងតំបន់សិក្សា
– បច្ចុប្បន្នភាពប្រភេទសត្វស្លាប និងថនិកសត្វក្នុងតំបន់សិក្សា៕
(ចិន)៖ តែមួយទសវត្សរ៍ប៉ុណ្ណោះ តំបន់ Guizhou ជាខេត្តមួយរបស់ប្រទេសចិនដែលជាប់ឈ្មោះថាក្រីក្រលំបាក បានផ្លាស់ប្តូរទៅជាខេត្តសេដ្ឋកិច្ចរីកចម្រើនយ៉ាងឆាប់រហ័សដោយសារតែការចង្អុលបង្ហាញរបស់ប្រធានាធិបតី ស៊ី ជីនពីង ឱ្យប្រែក្លាយទៅជាខេត្តនាំមុខគេផ្នែកសេដ្ឋកិច្ចឌីជីថលរបស់ប្រទេសចិន។
លោក ស៊ី បានថ្លែងថា ខេត្ត Guizhou ត្រូវផ្តោតលើព័ត៌មានវិទ្យា អភិវឌ្ឍឧស្សាហកម្មព័ត៌មានអេឡិចត្រូនិក និងចាប់យកឱកាសផ្នែកសេដ្ឋកិច្ចឌីជីថល។ តាមរយៈការណែនាំរបស់លោក ស៊ី នៅអំឡុងឆ្នាំ ២០១៣-២០១៤ ខេត្ត Guizhou បានផ្តល់អាទិភាពលើ ការកសាងមជ្ឈមណ្ឌលទិន្នន័យដ៏ធំ និងការផ្សព្វផ្សាយ។ ខេត្ត Guizhou ត្រូវបានគេទទួលស្គាល់ទាំងក្នុងប្រទេសចិន និងទូទាំងពិភពលោកថាជាមជ្ឈមណ្ឌលទិន្នន័យដ៏អស្ចា្យដោយមានក្រុមហ៊ុនធំៗ ដូចជា Apple, Tencent និង Huawei បានបង្កើតមជ្ឈមណ្ឌលទិន្នន័យរបស់ខ្លួននៅទីនោះ។ អាកាសធាតុត្រជាក់ និងតម្លៃអគ្គិសនីថោក ក៏ជាកត្តាអំណោយផលដល់មជ្ឈមណ្ឌលទិន្នន័យផងដែរ។
GDP សរុបរបស់ខេត្ត Guizhou បានកើនពីជាង ៧៦ ពាន់លានដុល្លារ ក្នុងឆ្នាំ ២០១១ ដល់ជិត ២៦៩ ពាន់លានដុល្លារ ក្នុងឆ្នាំ ២០២១ ដែលជាកំណើន ៣៥០% ក្នុងរយៈពេល១០ឆ្នាំ។ ក្នុងអំឡុងពេលនេះ ស្រុកក្រីក្រទាំង ៦៦ របស់ខេត្តនេះក៏ត្រូវបានរំដោះចេញពីភាពក្រីក្រ ហើយប្រជាជនចំនួន ៩.២៣ លាននាក់ចាប់ផ្តើមមានជីវភាពល្អប្រសើរឡើង។
Guizhou ធ្លាប់ជាខេត្តដាច់ស្រយាល និងក្រីក្របំផុតមួយរបស់ប្រទេសចិន ដោយសារតែគុណវិបត្តិនៃធម្មជាតិ ដូចជាតំបន់ភ្នំជាង៩០% ដីគ្មានជីវជាតិ និងកង្វះទឹក។
ក្នុងរយៈពេល១០ឆ្នាំ ប្រជាជនក្នុងខេត្ត Guizhou បានកើនឡើងជិត ៤លាននាក់ អត្រាកំណើន១១% ដែលខ្ពស់ជាងអត្រាមធ្យមមិនលើសពី១០%។ មូលហេតុមួយនៃកំណើនប្រជាជន គឺដោយសារតែកំណើនសេដ្ឋកិច្ចដែលទាក់ទាញមនុស្សកាន់តែច្រើនមកកាន់ខេត្តមួយនេះដើម្បីស្វែងរកឱកាសការងារ និងកម្រិតជីវភាពកាន់តែខ្ពស់។
សរុបមក ខេត្ត Guizhou រីកចម្រើន និងក្លាយជាខេត្តអ្នកមាន ដោយសារតែការបង្កើតនិងអភិវឌ្ឍសេដ្ឋកិច្ចឌីជីថល៕
អត្ថបទខាងលើនេះ ជាសំណេររបស់លោក ពុយ គា
«សូមបងប្អូនប្រជាពលរដ្ឋ ៤គ្រួសារដែលកំពុងស្នាក់នៅប្រើប្រាស់ និងប្រកបអាជីវកម្មក្នុងអគារនេះត្រូវបញ្ឈប់ការរស់នៅ និងការប្រកបអាជីវកម្មជាបន្ទាន់ និងត្រូវចាកចេញពីអគារនេះក្នុងរយៈពេល១៥ថ្ងៃ គិតចាប់ថ្ងៃទី៥ ខែឧសភា តទៅ»។ នេះជាខ្លឹមសារជូនដំណឹងរបស់ក្រសួងដែនដី នាថ្ងៃទី៥ ខែឧសភា។
ក្រុមការងារក្រសួងនឹងបន្តសម្របសម្រួលដោះស្រាយសំណងជូនពលរដ្ឋទាំង៤គ្រួសារនោះ ខណៈដែលចំណាត់ការបន្ទាប់គឺត្រូវចាត់វិធានការបន្ទាន់នូវការហ៊ុំព័ទ្ធ ហាមចូល និងហាមប្រើប្រាស់អគារនេះ ចាប់ពីថ្ងៃទី៥ ខែឧសភា តទៅ ដើម្បីធានាសុវត្ថិភាព សន្តិសុខ និងសណ្តាប់ធ្លាប់សាធារណៈ។ ជាមួយនេះក្រសួងដែនដី នឹងសហការជាមួយរដ្ឋបាលរាជធានីភ្នំពេញ ដើម្បីវាយរំលំសំណង់អគារចាស់ទ្រុឌទ្រោមនេះ ក្រោយផុតពេលកំណត់ នៃការចាកចេញរបស់ក្រសួងប្រជាពលរដ្ឋចុងក្រោយទាំងចំនួន៤គ្រួសារនោះ។
អគារអតីតសណ្ឋាគារអង្គរជ័យ កំពុងស្ថិតក្នុងស្ថានភាពទ្រុឌទ្រោមខ្លាំងនេះ បានសាងសង់ឡើងតាំងពីអំឡុងឆ្នាំ១៩៥០។ គិតមកដល់បច្ចុប្បន្ន សំណង់អគារនេះមានអាយុកាល ៧៥ឆ្នាំ៕
ក្រុមហ៊ុនទឹកត្រចៀកកាំ ចេ.រ៉ូយ៉ាល់ រកឃើញអ្នកមានសំណាង!
អ្នកបច្ចេកទេសកំពុងសិក្សាស្រាវជ្រាវ និងវាយតម្លៃពីលក្ខណៈជីវសាស្រ្ត និងផលប៉ះពាល់ធនធានត្រី និងជីវចម្រុះនៅក្នុងទន្លេសាប
ខេត្តក្រីក្របំផុតមួយរបស់ចិន ក្លាយជាតំបន់អ្នកមាន
-
ពត៌មានទូទៅ4 weeks agoមានការលួចចាក់ដីចូលទន្លេជាង៧០ម៉ែត្រ ដោយអាជ្ញាធរពុំបានដឹង
-
ចំណេះដឹងទូទៅ2 months agoចាក់ «បំណិនជីវិត» ចូលទៅកុមារកុំឲ្យធុញទ្រាន់នឹងការរៀនសូត្រ
-
ចំណេះដឹងទូទៅ3 months agoការប្រុងប្រយ័ត្ន សារធាតុពុលតាមប្រភពទឹកធម្មជាតិនៅតំបន់អាជីវកម្មរ៉ែ
-
កម្សាន្ត2 months agoប្រវត្តិ និងការហាត់រៀនរបាំក្ងោកសិល្ប៏ នៅសាលាមធ្យមវិចិត្រសិល្បះ
-
ចំណេះដឹងទូទៅ6 months agoទង់ជាតិនៃព្រះរាជាណាចក្រកម្ពុជា
-
សង្គម និងការអប់រំ6 months agoម្ចាស់មេដៃមាសអូឡាំពិកឆ្នាំ១៩៩២ និង១៩៩៦ លោកស្រី YUKO Arimori រួមចំណែកសំខាន់ក្នុងទិវាពាក់កណ្តាលម៉ារ៉ាតុងនៅសៀមរាប
-
ពត៌មានទូទៅ2 months agoសង្ឃដីការរបស់ព្រះអង្គ ជួន កក្កដា ទៅកាន់ពុទ្ធបរិស័ទ មុនពេលលាចាកសិក្ខាបទ
-
កម្សាន្ត2 months ago«ទាក់ដំរី»