ពិភពលោកជាមហាអំណាចពហុប៉ូល ខណ:អំណាចធំៗមាន ២ តែមហាអំណាចឥណ្ឌារក្សជំហរឈរលើពហុប៉ូល។ សូមស្តាប់ការវិភាពពីបណ្ឌិត ភី វាសនា អ្នកសិក្សាស្រាវជ្រាវភូមិសាស្ត្រនយោបាយ។

មហាសេដ្ឋីប្រព័ន្ធផ្សព្វផ្សាយនៅទីក្រុងហុងកុង លោក Jimmy Lai វ័យ ៧៨ឆ្នាំ ត្រូវបានតុលាការកាត់ទោសនាថ្ងៃចន្ទ ទី៩ ខែកុម្ភៈ ឆ្នាំ២០២៦នេះ ឱ្យជាប់ពន្ធនាគារសរុបរយៈពេល ២០ ឆ្នាំ ក្រោមបទចោទប្រកាន់ចំនួន ៣ករណី រួមមាន៖ ការឃុបឃិតគ្នា ២ករណី ក្នុងការរួមដៃជាមួយកងកម្លាំងបរទេស និង ១ករណីទៀត គឺពីបទបោះពុម្ពផ្សាយសម្ភារៈញុះញង់ នៅក្នុងសំណុំរឿងសន្តិសុខជាតិដ៏សំខាន់បំផុតរបស់មជ្ឈមណ្ឌលហិរញ្ញវត្ថុមួយនេះ។

សូមរម្លឹកថា កាលពីថ្ងៃទី១៥ ខែធ្នូ ឆ្នាំ២០២៥ កន្លងទៅ តុលាការហុងកុង បានចេញសាលក្រមមានទោសចំពោះលោក Lai លើបទចោទប្រកាន់ទាំង ៣ករណីនេះ។ លោក Lai ដែលជាស្ថាបនិកនៃស្ថាប័នកាសែត Apple Daily ដែលបច្ចុប្បុន្នបានបិទទ្វារហើយ ត្រូវបានចាប់ខ្លួនជាលើកដំបូងនៅក្នុងខែសីហា ឆ្នាំ២០២០។

ក្នុងចំណោមរឿងផ្សេងទៀត ក្រុមចៅក្រមបានសម្រេចថា បទល្មើសរបស់លោក Lai គឺ «ធ្ងន់ធ្ងរ» ហើយការឃុបឃិតគ្នាទាំងនោះស្ថិតក្នុងប្រភេទ «ធ្ងន់ធ្ងរបំផុត»។ ក្រុមចៅក្រមបន្តថា ការឃុបឃិតគ្នាជាមួយបរទេសត្រូវបាន «គ្រោងទុកយ៉ាងល្អ» និង «មានការគិតទុកជាមុន» នេះបើយោងតាមសេចក្ដីរាយការណ៍របស់ទីភ្នាក់ងារសារព័ត៌មានរ៉យទ័រ។

ទោសជាប់ពន្ធនាគាររយៈពេល ២០ឆ្នាំរបស់បុរសវ័យ ៧៨ឆ្នាំរូបនេះ គឺជាសេចក្ដីសម្រេចដ៏ធ្ងន់ធ្ងរបំផុតដែលត្រូវបានកាត់ទោសក្រោមច្បាប់សន្តិសុខជាតិរបស់ចិន បើគិតមកដល់ពេលនេះ។
ក្រុមគ្រួសាររបស់លោក Lai បានបង្ហាញក្ដីបារម្ភអំពីសុខភាពកាន់តែយ៉ាប់យ៉ឺនរបស់លោកក្នុងពន្ធនាគារ ប៉ុន្តែអាជ្ញាធរក្រុងហុងកុង និងប្រទេសចិន បាននិយាយថា លោកមានសុខភាពល្អជា ហើយសិទ្ធិរបស់លោក ត្រូវបាន «ការពារយ៉ាងពេញលេញ»៕

ប្រាសាទ​ក្រវ៉ាន់​តាំង​នៅចន្លោះលើដងផ្លូវពីអង្គរវត្ត​ ​ស្រះស្រង់ និងបន្ទាយក្តី។ ប្រាសាទនេះ មាន​តួ​ប៉ម​ចំនួន​​៥​សាងសង់​​ពី​ឥដ្ឋ​នៅ​លើ​ខឿន​ថ្ម​បាយ​ក្រៀម​តែ​មួយ ដែល​​ជា​គំរូ​ប្រាសាទឥដ្ឋតែមួយគត់នៅប្រ​ទេសកម្ពុជា។

ប្រាសាទ​នេះ កសាង​ឡើងនៅ​​ដើម​សតវត្ស​រ៍ទី​១០ ​នៃ​គ្រិស្ដ​សករាជ​ក្នុង​រាជ្យ​ព្រះបាទ​ហស៌វ​រ្ម័ន​ទី១ ​ដើម្បី​ឧទ្ទិស​ចំពោះ​ព្រះនារាយណ៍(វិស្ណុ) ​ក្នុង​ព្រហ្មញ្ញសាសនា។ ​បើទោះបីជា​ប្រាសាទ​នេះ មាន​ទ្រង់ទ្រាយ​តូច​ តែ​ចម្លាក់​បដិមានៅ​លើ​ជញ្ជាំង​ឥដ្ឋ​ពុំមានពីរទេ។ ​

តួ​ប៉ម​ទាំង​ប្រាំ​របស់​ប្រាសាទ​នេះ​ បែរ​មុខ​ទៅ​ទិស​ខាង​កើតតាមខ្លោង​ទ្វារ​មួយ​បើក​ចំហ ​និងទិសបីទៀតមាន​​ទ្វារ​បញ្ឆោត ​សសរ​ និង​ផ្តែរ​ធ្វើ​អំពី​ថ្មភក់។

ក្នុងចំណោមតួទាំងប្រាំនេះ មានតែតួកណ្តាល និងតួជាប់ខាងជើងទេ ដែលមានចម្លាក់បដិមាលើជញ្ជាំងឥដ្ឋផ្ទៃខាងក្នុង។ រីឯជញ្ជាំងលើតួដទៃទៀត ទំនងជាពុំទាន់បានឆ្លាក់រចនាសម្រេច។ ​នៅ​តាម​ជញ្ជាំងទាំងបីនៃតួកណ្តាល ​មាន​ក្បាច់​ចម្លាក់​រឿង​ព្រះនារាយណ៍ (វិស្ណុ) សំខាន់ៗ ដូចជា ត្រីវិក្រម (អវតាជា​ព្រាហ្ម​តឿ) ព្រះនារាយណ៍ព្រះហត្ថប្រាំបីដែលមានរូបក្រពើនៅពីលើ និងជាពិសេសចម្លាក់ព្រះនារាយណ៍គង់លើយានជំនិះគ្រុឌ។ លើសពីចម្លាក់លើឥដ្ឋ ក៏មានរូបគំនូរត្របកផ្កាឈូកសំយុងចុះក្រោមមួយជួរព័ទ្ធជុំវិញផ្នែកខាងលើជាប់ពិដាន ដែលសព្វថ្ងៃរលុបស្ទើរអស់។ ចំណែកឯលើជញ្ជាំងក្នុងតួខាងជើង បង្ហាញពីចម្លាក់រឿងព្រះជយាព្រះនារាយណ៍ គឺព្រះ​នាង​លក្ស្មី។

ជាពិសេស លើជញ្ជាំងខាងត្បូងមានបង្ហាញព្រះនាងលក្ស្មីអមដោយអ្នកហែរហមពីររូបអង្គុយសងខាង។