​កង​រាជ​អា​វុ​ធហត្ថ​ ​បាន​យល់​ព្រម​ទទួល​យក​ការ​«​ធ្វើ​កិច្ច​សន្យា​»របស់​ ​លោក​ ​ផែង​ ​វណ្ណៈ​ ​ចំពោះ​ ​មុខ​នាយ​ឧត្តម​សេ​នីយ៍​ ​សៅ​ ​សុខា​ ​អគ្គមេបញ្ជាការរង​ ​នៃ​កង​យោធ​ពល​ខេម​រភូមិន្ទ​ ​និង​ជា​មេ​បញ្ជា​ការ​កង​រាជ​អាវុធហត្ថ​លើ​ផ្ទៃ​ប្រទេស​ ​បន្ទាប់​ពី​មាន​ការ​ចេញ​ញតិ​​ថ្កោល​ទោស​យ៉ាង​ព្រោង​ព្រាត​ចំពោះ​អ្នក​សារ​ព័ត៌​មា​ន​រូប​នេះ​ពី​សំណាក់​មន្រ្តីក​ងរាជ​អាវុធហត្ថ​។​
សូម​បញ្ជាក់​ថា​ ​Live Show​ ​លោក​ ​ផែង​ វណ្ណៈ​ ​នៅ​ក្នុង​សប្តាហ៍​នេះ​ ​និយាយ​ធ្ងន់​ៗ​ទៅ​លើ​ករណី​«​បទ​ល្មើស​ព្រៃ​ឈើនៅ​ខេត្ត​ក្រ​ចេះ​»​ ​ហើយ​ដែល​វាយ​ប្រ​ហារ​មន្រ្តី​អាវុធហត្ថ​ ​ដែល​បញ្ហា​នេះ​មាន​ទាំង​អ្នក​រិះគន់​ ​និង​អ្នកសរសើរ​ពីមហាជន​។​
រិះ​គន់​ពី​ការ​ចេញ​ថ្កោល​ទោល​ថ្កោល​ទោស​ ​ឯ​សរសើរ​វិញ​ ​ថា​ ​លោក​ហ៊ាន​និយាយ​ការ​ពិត​។​
​ទោះ​យ៉ាង​ណា​ក៏​មាន​មតិ​រិះ​គន់​ថា​ ​ការ​និ​យាយ​របស់​លោក​ ផែង​ ​វណ្ណៈ​ ​ហាក់​«​លើស​»​ពីវិជ្ជាជីវៈ​សារ​ព័ត៌​មាន​ ដោយ​ការ​និយាយ​ទាំង​ឡុាយនោះ​ ​ខ្លះ​ជា​ការ​បង្គាប់​បញ្ជា​ ​ប្រើ​ពាក្យ​ខ្វះ​សីលធម៌​ ​ប្រៀប​ដូច​ជា​ខ្លួន​ជា​ ​មន្រ្តី​ជាន់​ខ្ពស់​ ​ជា​សមត្ថកិច្ច​ ​ជាតុលាការ​ ​និង​ក៏​ជា​ប្រជាជន​ ​នៅ​ពេល​អត្ថា​ធិប្បាយ​ព័ត៌​មាន​ ​ឬ​សកម្មភាព​មួ​យ​ចំនួន​។​
​ទន្ទឹម​នេះ​ ​ភាព​អវិជ្ជមាន​របស់​មន្រ្តី​ក៏​ត្រូវ​បាន​មហាជន​យល់​ស្រប​ថា​ ​ពិត​ជា​កើត​មាន​ពិត​ប្រាក​ដដែរ​​ ​តែ​មិន​សូវ​មាន​អ្នក​ហ៊ាន​និយាយ​ ​ខណៈ​ដែល​អ្នក​សារ​ព័ត៌​មាន​កំពុង​មាន​ឥទ្ធិពល​លើ​បណ្តាញ​សង្គម​រូប​នេះ ​តែង​ប្រ​មូល​ព័ត៌​មាន​ ​និង​ភស្តុតាង​បាន​ ​ហើយ​យក​មក​វាយ​ប្រហារ​ចំ​ៗ​លើក​រណី​ខ្លះ​ដែល​លោក​មិន​ពេញ​ចិត្ត​៕​