​អគ្គិ​ភ័យ​បាន​ឆាប​ឆេះ​ហាង​លក់​ទំនិញ​បញ្ចុះ​តម្លៃ​មួយ​កន្លែង​ ​នៅ​កណ្តាល​ទី​ក្រុង​ ​Hermosillo​ ​ដោយ​បាន​បណ្ដាល​ឲ្យ​មនុស្ស​យ៉ាង​ហោច​ណាស់​ ​២៣​នាក់​ស្លាប់​ ​ហើយ​រាប់​សិប​នាក់​ទៀត​រងរ​បួស​។​

​ប្រ​ទេស​ម៉ិក​ស៊ិក​កំពុង​ប្រា​រព្ធ​«​បុណ្យ​មរណៈ​»​ ​នៅ​ចុង​សប្តាហ៍​នេះ​ ​ដោយ​មាន​ការ​ស្លៀក​ពាក់​តុប​តែង​មុខ​មាត់​ចម្រុះ​ពណ៌​ ដែល​ក្រុម​គ្រួ​សារ​សម្ដែង​ក្ដី​គោរព​ ​និង​ចង​ចាំ​ដល់​មនុស្ស​ជា​ទី​ស្រ​លាញ់​ដែល​បាន​លា​ចាក​លោក​នេះ​ទៅ​ហើយ​។​

​អ​ភិ​បាល​រដ្ឋ​ ​Sonora​ ​លោក​ Alfonso​ ​Durazo​ ​បាន​លើក​ឡើង​នៅ​ក្នុង​វី​ដេ​អូ​លើ​បណ្ដាញ​សង្គម​ថា​៖​ ​«​ខ្ញុំ​បាន​បញ្ជា​ឲ្យ​មាន​ការ​ស៊ើប​អង្កេត​យ៉ាង​ហ្មត់​ចត់​ ​និង​តម្លា​ភាព​ ​ដើម្បី​បញ្ជាក់​ពី​មូល​ហេតុ​នៃ​ហេតុ​ការណ៍​នេះ​»​។​  ក្មេង​ៗ​​ក៏​មាន​ស្ថិត​នៅ​ក្នុង​ចំ​ណោម​ជន​រង​គ្រោះ​ទាំង​នោះ​ដែរ​។​ចំ​ណែក​លោក​ ​Gustavo​ ​Salas​ ​អគ្គ​​រដ្ឋ​អា​ជ្ញា​របស់​រដ្ឋ​នេះ​ បាន​និយាយ​ថា​ ​អ្នក​បាត់​បង់​ជីវិត​ភាគ​ច្រើន​ ​គឺ​ទំនង​ជា​ដោយ​សារ​ស្រូ​ប​យក​ហ្គាស​ពុល​។​ ​កាក​បាទ​ក្រ​ហម​របស់​រដ្ឋ​ ​Sonora​ ​ឲ្យ​ដឹង​ថា​ ​បុគ្គ​លិក​របស់​ខ្លួន​ចំនួន​ ​៤០​នាក់​ ​និង​រថយន្ត​សង្គ្រោះ ​១០​គ្រឿង​ ​បាន​ចូល​រួម​ក្នុង​កិច្ច​ប្រឹង​ប្រែង​ជួយ​សង្គ្រោះ​នេះ​។ ​​មូល​ហេតុ​នៃ​ការ​ឆាប​ឆេះ​នេះ​ ​មិន​ទាន់​ដឹង​ច្បាស់​នៅ​ឡើយ​ទេ​ ​បើ​ទោះ​ជា​បណ្តាញ​សារ​ព័ត៌​មាន​មួយ​ចំនួន​ ​បាន​រាយ​ការណ៍​ការ​ថា​ ​អាច​មក​ពី​ឆ្លង​ចរន្ត​អគ្គិ​សនី​ក៏​ដោយ​៕​