Connect with us
7 Views ទិន្នន័យដែលចេញផ្សាយដោយរដ្ឋបាលជាតិស្ថិតិចិនកាលពីថ្ងៃទី ១៨ ខែឧសភា បានបង្ហាញថា សេដ្ឋកិច្ចជាតិចិនបានរក្សានិន្នាការអភិវឌ្ឍន៍ប្រកបដោយស្ថិរភាព និងរីកចម្រើនចាប់ពីខែមករាដល់ខែមេសា ឆ្នាំ ២០២៦ នេះ ។ លោក Fu Linghui អ្នកនាំពាក្យរដ្ឋបាលជាតិស្ថិតិចិន បានថ្លែងនៅក្នុងសន្និសីទសារព័ត៌មានរបស់ការិយាល័យព័ត៌មាននៃក្រុមប្រឹក្សាកិច្ចការរដ្ឋចិននៅថ្ងៃដដែលនោះថា ចាប់ពីខែមករាដល់ខែមេសា ប្រទេសចិនបានអនុវត្តគោលនយោបាយម៉ាក្រូសេដ្ឋកិច្ចកាន់តែសកម្ម និងមានប្រសិទ្ធភាព ដែលនាំឱ្យផលិតកម្ម និងការផ្គត់ផ្គង់មានការកើនឡើងជាលំដាប់ ទំហំលក់ដូរក្នុងទីផ្សារបន្តពង្រីក ពាណិជ្ជកម្មជាមួយបរទេសបង្ហាញពីភាពធន់ជាបន្តបន្ទាប់ ឱកាសការងារនិងតម្លៃទំនិញមានស្ថិរភាពជាទូទៅ ហើយការអភិវឌ្ឍប្រកបដោយគុណភាពខ្ពស់ឆ្ពោះទៅរកទិសដៅថ្មី...
27 Views យោធាមីយ៉ាន់ម៉ាបានចាប់ផ្តើមការវាយលុកឡើងវិញទៅកាន់តំបន់ព្រំដែនជាច្រើន រួមទាំងតំបន់មានរ៉ែដ៏កម្រ និងផ្លូវពាណិជ្ជកម្មសំខាន់ៗផ្សេងទៀត មួយខែបន្ទាប់ពីរដ្ឋបាលថ្មីបានគ្រប់គ្រងជាផ្លូវការលើប្រទេសដែលហែកហួរដោយសង្គ្រាម។ យោងតាមអង្គភាពរ៉យទ័របានផ្សាយនៅថ្ងៃទី២៦ឧសភានេះថា មេបញ្ជាការយោធាថ្មី លោក Ye Win Oo ដែលបានឡើងកាន់តំណែងថ្មីៗនេះ កំពុងធ្វើការជំរុញយ៉ាងខ្លាំងក្លាដើម្បីទាមទារយកបន្ទាយយុទ្ធសាស្ត្រព្រំដែនពីកងទ័ពជនជាតិភាគតិច។ ការវាយលុកថ្មីៗនេះរបស់យោធាបានផ្តោតលើរដ្ឋកាឈីន ដែលជាតំបន់សម្បូរទៅដោយធាតុរ៉ែដ៏កម្រដែលជាប់នឹងប្រទេសចិន ក៏ដូចជារដ្ឋឈីននៅតាមព្រំដែនឥណ្ឌា និងច្រករបៀងពាណិជ្ជកម្មសំខាន់មួយនៅក្នុងរដ្ឋការេន ជាប់នឹងប្រទេសថៃ។ ការវាយដណ្តើមទីតាំងនេះបានកើតឡើងបន្ទាប់ពីអតីតមេដឹកនាំយោធាដែលបានក្លាយជាប្រធានាធិបតី លោក មីន អ៊ុង ឡាំង កាលពីខែមុនបានស្នើសុំឱ្យក្រុមឧទ្ទាមដែលប្រឆាំងនឹងរបបយោធាចូលរួមក្នុងការចរចាសន្តិភាពក្នុងរយៈពេល ១០០...
6 Views ពិព័រណ៍ចិន-រុស្ស៊ីលើកទី ១០ បានបើកធ្វើនៅថ្ងៃទី ១៧ ខែឧសភានៅទីក្រុងហាប៊ីន ខេត្តហីឡុងជាំងប្រទេសចិន ។ ក្រោមប្រធានបទ “ទំនុកចិត្ត កិច្ចសហប្រតិបត្តិការ និងឈ្នះ-ឈ្នះ” ដើម្បីបង្ហាញដោយគ្រប់ជ្រុងជ្រោយពីឧស្សាហកម្មមានប្រៀប ផលិតផលដែលមានគុណភាពខ្ពស់និងសមិទ្ធផលថ្មីៗនៃកិច្ចសហប្រតិបត្តិការរវាងចិននិងរុស្ស៊ី ។ ពិព័រណ៍លើកនេះមានផ្ទៃក្រឡាសរុប ៥៥.០០០ ម៉ែត្រការ៉េ មានតំបន់តាំងពិព័រណ៍សំខាន់ៗចំនួន ៨ បូក រួមទាំងតំបន់ដែលបង្ហាញពីកិច្ចសហប្រតិបត្តិការចិន-រុស្ស៊ី សហគ្រាសរដ្ឋនិងក្រុមហ៊ុនជាតិនិងអន្តរជាតិល្បីៗ ហើយនឹងដាក់បង្ហាញផលិតផលបញ្ចេញថ្មីជាង ៥០០...
6 Views តបតាមការអញ្ជើញរបស់លោក Xi Jinping ប្រធានរដ្ឋចិន លោកដូណាល់ ត្រាំ ប្រធានាធិបតីអាមេរិកបានអញ្ជើញមកបំពេញទស្សនកិច្ចផ្លូវរដ្ឋនៅប្រទេសចិនពីថ្ងៃទី ១៣ ដល់ ១៥ ខែឧសភា ។ លោក Wang Yi សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជារដ្ឋមន្ត្រីការបរទេសចិនបានធ្វើបទបង្ហាញទៅកាន់ប្រព័ន្ធសារព័ត៌មានអំពីលទ្ធផលនៃកិច្ចជំនួបពិភាក្សារវាងប្រមុខរដ្ឋចិន-អាមេរិកនិងគំនិតឯកភាពរួមកាលពីថ្ងៃទី ១៥ ខែឧសភា ។ លោក Wang Yi បានថ្លែងថា នេះគឺជាកិច្ចជំនួបពិភាក្សាប្រកបដោយលក្ខណៈជាប្រវត្តិសាស្ត្រ ។ ទីមួយ នេះគឺជាកិច្ចជំនួបពិភាក្សាដ៏សំខាន់មួយលើកដែលប្រទេសទាំងពីរឈានចូលដំណាក់កាលអភិវឌ្ឍន៍ដ៏សំខាន់រៀងៗខ្លួន ។ ទីពីរ នេះគឺជាកិច្ចជំនួបពិភាក្សាដ៏សំខាន់មួយលើកដែលទំនាក់ទំនងចិន-អាមេរិកឈរលើទីចាប់ផ្តើមថ្មីនៃប្រវត្តិសាស្ត្រ ។...
40 Views កងកម្លាំងអាម៉េរិកបានវាយប្រហារទីតាំងមីស៊ីលនៅភាគខាងត្បូងអ៊ីរ៉ង់ និងទូកដែលកំពុងព្យាយាមដាក់មីន ដែលអាមេរិកអះអាងថាធ្វើឱ្យប៉ះពាល់ដល់បទឈប់បាញ់ដ៏ផុយស្រួយ និងបង្កឱ្យមានការសង្ស័យថ្មីលើកិច្ចព្រមព្រៀងដើម្បីបញ្ចប់សង្គ្រាមមជ្ឈិមបូព៌ា។ ការវាយប្រហារនៅថ្ងៃទី២៦ឧសភានេះ បានកើតឡើងនៅពេលដែលអ្នកចរចាកំពូលរបស់អ៊ីរ៉ង់បានមកដល់ទីក្រុងដូហាសម្រាប់ការចរចាជុំចុងក្រោយបំផុតដើម្បីបញ្ចប់ជម្លោះរយៈពេលជាច្រើនខែ និងខណៈពេលដែលយោធាអ៊ីស្រាអែលបានបង្កើនអរិភាពជាមួយក្រុមហេសបូឡាដែលគាំទ្រដោយអ៊ីរ៉ង់នៅភាគខាងត្បូងប្រទេសលីបង់។ លោក Tim Hawkins អ្នកនាំពាក្យបញ្ជាការកណ្តាលសហរដ្ឋអាម៉េរិកបានចេញសេចក្តីថ្លែងការណ៍មួយថា «កងកម្លាំងអាម៉េរិកបានធ្វើការវាយប្រហារការពារខ្លួននៅភាគខាងត្បូងអ៊ីរ៉ង់នៅថ្ងៃអង្គារិ៍ ដើម្បីការពារកងទ័ពពីការគំរាមកំហែងដែលបង្កឡើងដោយកងកម្លាំងអ៊ីរ៉ង់»។ លោកមិនបានលម្អិតអំពីការវាយប្រហារនោះទេ គ្រាន់តែនិយាយថាគោលដៅទាំងនោះរួមមានទីតាំងបាញ់មីស៊ីល និងទូកដែលកំពុងព្យាយាម «ដាក់មីន»តែប៉ុណ្ណោះ។ ដោយឡែក ទូរទស្សន៍រដ្ឋអ៊ីរ៉ង់ IRIB បានរាយការណ៍ថា សំឡេងផ្ទុះខ្លាំងៗជាច្រើនត្រូវបានគេឮនៅក្នុងតំបន់ជុំវិញទីក្រុង Bandar Abbas...
53 Views (វិមានក្រឹមឡាំង)៖ កាលពីយប់ថ្ងៃទី២៤ ឧសភាម្សិលម៉ិញនេះ រុស្ស៊ីបានវាយប្រហារទីក្រុងគៀវ និងតំបន់ជុំវិញដោយយន្តហោះគ្មានមនុស្សបើក និងមីស៊ីលរាប់រយគ្រាប់ ដែលជាការបាញ់ផ្លោងដ៏ខ្លាំងក្លាបំផុតមួយនៅក្នុងទីក្រុងចាប់តាំងពីការចាប់ផ្តើមនៃសង្គ្រាមរយៈពេលបួនឆ្នាំ ដោយបានបាញ់មីស៊ីលល្បឿនលឿនជាងសំឡេង Oreshnik តែម្តងគត់ក្នុងខែវិច្ឆិកា ឆ្នាំ២០២៤។ ដូចនេះ តើមីស៊ីល Oreshnik មានលក្ខណៈពិសេស និងជះឥទ្ធិពលខ្លាំងបែបណាដល់ផែនដីទាំងមូល? មីស៊ីល Oreshnik អាចផ្ទុកក្បាលគ្រាប់ច្រើនគ្រាប់ដែលមានសមត្ថភាពវាយប្រហារគោលដៅផ្សេងៗគ្នាក្នុងពេលដំណាលគ្នា ជាធម្មតាត្រូវបានផ្សារភ្ជាប់ជាមួយនឹងមីស៊ីលបាលីស្ទិកអន្តរទ្វីបរយៈចម្ងាយឆ្ងាយ (ICBM)។ កាលពីខែធ្នូ ឆ្នាំ២០២៤ មន្ត្រីអាម៉េរិកម្នាក់បានអះអាងថា...
13 Views លោក Li Qiang នាយករដ្ឋមន្ត្រីចិនគូសបញ្ជាក់ពីការជំរុញការបន្ស៊ីគ្នាយ៉ាងស៊ីជម្រៅរវាងបញ្ញាសិប្បនិម្មិតនិងឧស្សាហកម្មកម្មន្តសាលជឿនលឿនដើម្បីពន្លឿនការពូនជ្រំឧត្តមភាពថ្មីនិងកម្លាំងចលករថ្មីសម្រាប់ជំរុញការអភិវឌ្ឍសេដ្ឋកិច្ច។ ថ្ងៃទី ១៨ ខែឧសភា លោក Li Qiang នាយករដ្ឋមន្ត្រីចិនបានអញ្ជើញចុះត្រួតពិនិត្យនិងស្វែងយល់ការងារនៅក្រុងប៉េកាំង។ លោកបានគូសបញ្ជាក់ថា ត្រូវអនុវត្តជាក់ស្តែងនិងស៊ីជម្រៅនូវស្មារតីនៃការអធិប្បាយ និងអនុសាសន៍ណែនាំសំខាន់របស់ប្រធានរដ្ឋចិនលោក Xi Jinping ស្តីពីការអភិវឌ្ឍកម្លាំងផលិតកម្មគុណភាពថ្មី និងកសាងប្រព័ន្ធឧស្សាហកម្មទំនើបដើម្បីជំរុញការបន្ស៊ីគ្នាយ៉ាងស៊ីជម្រៅរវាងបញ្ញាសិប្បនិម្មិតនិងឧស្សាហកម្មកម្មន្តសាលជឿនលឿន ប្រកាន់ខ្ជាប់នូវការអភិវឌ្ឍប្រកបដោយនវានុវត្តន៍ ផ្តោតលើការប្រើប្រាស់ជាក់ស្តែង ជំរុញការធ្វើបច្ចុប្បន្នភាពនៃមនុស្សយន្តវៃឆ្លាត ជំរុញឱ្យបញ្ញាសិប្បនិម្មិតផ្តល់កម្លាំងចលករដល់ឧស្សាហកម្មកម្មន្តសាលដោយគ្រប់ជ្រុងជ្រោយនិងស៊ីជម្រៅដើម្បីពន្លឿនកាកពូនជ្រំឧត្តមភាពថ្មីនិងកម្លាំងចលករថ្មីសម្រាប់ជំរុញការអភិវឌ្ឍសេដ្ឋកិច្ច។ លោក Li...
30 Views ខណៈដែលតួកគីនិងនិងប៉ាគីស្ថាន កំពុងព្យាយាមដើរតួជាអ្នកសម្របសម្រួលដ៏សំខាន់ បំផុតដើម្បីស្វែងរកដំណោះស្រាយដោយសន្តិវិធីដើម្បីបញ្ចប់ជម្លោះរវាងទីក្រុងវ៉ាស៊ីនតោន និងទីក្រុងតេហេរ៉ង់ ប៉ុន្តែប្រទេសអ៊ីរ៉ង់បែរជាបានបង្កើនការអនុវត្តទណ្ឌកម្មប្រហារជីវិតយ៉ាងគំហុកទៅលើប្រជាជនខ្លួនឯងទៅវិញ។ បើតាមការផ្សាយរបស់ទីភ្នាក់ងារ DW បានឱ្យដឹងនៅថ្ងៃទី២១ ខែឧសភានេះថា ស្ថានភាពនៅអ៊ឺរ៉ង់បានបង្កើតជាចម្ងល់យ៉ាងខ្លាំងដល់សហគមន៍អន្តរជាតិ ប៉ុន្តែអ្នកវិភាគ និងអង្គការសិទ្ធិមនុស្ស យល់ថាវាគឺជាយុទ្ធសាស្ត្រដ៏ច្បាស់លាស់មួយរបស់របបដឹកនាំក្រុងតេហេរ៉ង់ ក្នុងការរក្សាអំណាច និងការបង្ក្រាបការបះបោរផ្ទៃក្នុង។ ឫសគល់ចម្បងដែលធ្វើឲ្យអ៊ីរ៉ង់បន្តប្រហារជីវិតមនុស្សជាបន្តបន្ទាប់ គឺដើម្បីបំបាក់ស្មារតីប្រជាជនផ្ទាល់ខ្លួន ក្រោយពេលមានបាតុកម្មប្រឆាំងរដ្ឋាភិបាលទ្រង់ទ្រាយធំ កាលពីចុងឆ្នាំ២០២៥ និងដើមឆ្នាំ២០២៦។ រដ្ឋាភិបាលអ៊ីរ៉ង់ក៏យល់ឃើញថា ភាពមិនច្បាស់លាស់នៃសង្គ្រាមជាមួយអាម៉េរិក និងអ៊ីស្រាអែល អាចធ្វើឲ្យសន្តិសុខផ្ទៃក្នុងរង្គោះរង្គើ និងជំរុញឲ្យប្រជាជនក្រោកឈរឡើងប្រឆាំងរបបដឹកនាំម្តងទៀត។...
16 Views តបតាមការអញ្ជើញរបស់លោក Xi Jinping ប្រធានរដ្ឋចិន លោក ពូទីន ប្រធានាធិបតីរុស្ស៊ីបានបំពេញទស្សកិច្ចផ្លូវរដ្ឋនៅប្រទេសចិនចាប់ពីថ្ងៃទី ១៩ ដល់ថ្ងៃទី ២០ ខែឧសភា។ ព្រឹកថ្ងៃទី ២០ ខែឧសភា លោក Xi Jinping ប្រធានរដ្ឋចិនបានជួបពិភាក្សាការងារជាមួយលោក Putin ប្រធានាធិបតីរុស្ស៊ីនៅទីក្រុងប៉េកាំង ។ ប្រមុខរដ្ឋទាំងពីរបានឈានដល់គំនិតឯកភាពគ្នាស្តីពីការពន្យារ « សន្ធិសញ្ញាស្តីពីភាពជាអ្នកជិតខាងល្អនិងកិច្ចសហប្រតិបត្តិការមិត្តភាពរវាងចិននិងរុស្ស៊ី...
43 Views ដំណើរទស្សនកិច្ចរបស់ប្រធានាធិបតីរុស្ស៊ី វ្ល៉ាឌីមៀរ ពូទីន នៅទីក្រុងប៉េកាំង ត្រូវបានពិភពលោកតាមដានយ៉ាងយកចិត្តទុកដាក់បំផុត ក្រោយប៉ុន្មានថ្ងៃប៉ុណ្ណោះ បន្ទាប់ពីមេដឹកនាំអាម៉េរិក ដូណាល់ ត្រាំ បញ្ចប់ទស្សនកិច្ចនៅប្រទេសចិន។ ជុំវិញទស្សនកិច្ចការទូតត្រូវបានមើលឃើញថា រុស្ស៊ីនិងចិន គឺជាមិត្តជិតស្និទ្ធិនឹងគ្នា ខុសពីអាម៉េរិកនិងចិន ដែលតែងតែមានភាពរកាំរកូសមិនស៊ីចង្វាក់គ្នា។ ដូច្នេះ លោកពូទីន ត្រូវគេមើលឃើញថា ទទួលបានផ្លែផ្កាជាងលោក ត្រាំ។ ក្នុងនោះផលចំណេញធំៗចំនួន៣ ដែលលោកពូទីន សម្រេចបានពីប្រទេស៖ ១. ការពង្រឹងសម្ព័ន្ធភាពយុទ្ធសាស្ត្រគ្មានដែនកំណត់ ចិន-រុស្ស៊ី បានចុះហត្ថលេខាលើកិច្ចព្រមព្រៀងទ្វេភាគីប្រហែល ៤០ រួមទាំងសេចក្តីថ្លែងការណ៍រួមដ៏សំខាន់ ស្តីពីការធ្វើឲ្យស៊ីជម្រៅ និងការលើកកម្ពស់ទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ។ ២. ការជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងថាមពល នៅក្នុងបរិបទ ដែលប្រទេសលោកខាងលិច បន្តដាក់សម្ពាធទណ្ឌកម្ម លើទីក្រុងមូស្គូ លោក ពូទីន បានទៅដល់ទីក្រុងប៉េកាំង ជាមួយនឹងការសម្រេចបាននូវកិច្ចព្រមព្រៀងដ៏ហ្មត់ចត់ លើវិស័យប្រេងនិងហ្គាស។ ដំណើរទស្សនកិច្ចនេះ បានជួយឲ្យរុស្ស៊ី ពង្រឹងលំហូរនៃការនាំចេញថាមពល ទៅកាន់ទីផ្សារប្រើប្រាស់ ដ៏ធំសម្បើមមួយនេះ។ ទន្ទឹមនោះ គណៈប្រតិភូជាច្រើនរូប ដូចជាមន្ត្រីជាន់ខ្ពស់ផ្នែកហិរញ្ញវត្ថុ និងធនាគារ...
