ពេជ្រខៀវ (Blue Diamond) ដ៏កម្របំផុតក្នុងលោក បានបាត់ខ្លួនឈឹង

តើអ្នកជឿទេថា កម្មករសាមញ្ញម្នាក់អាចលួចមាសពេជ្រទម្ងន់ ៩០ គីឡូក្រាម ចេញពីរាជវាំងអារ៉ាប៊ីសាអ៊ូឌីត ហើយដឹកមកដល់ផ្ទះដោយសុវត្ថិភាព? រឿងនេះមិនមែនភាពយន្តទេ តែជាប្រវត្តិសាស្ត្រពិតដែលធ្វើឱ្យទំនាក់ទំនងថៃ-អារ៉ាប៊ីសាអ៊ូឌីត ត្រូវបង្កកជិត ៣០ឆ្នាំ!
នៅឆ្នាំ ១៩៨៩ គ្រៀងក្រៃ តេឆាមោង ជាកម្មករថៃ បានលួចគ្រឿងអលង្ការរាជវង្សអារ៉ាប់។ សំណួរគឺ តើគាត់យកចេញបានដោយរបៀបណា?
មិនមែនញាត់តាមខ្លួនទេ គាត់បានលាក់ពេជ្រក្នុងថង់ម៉ាស៊ីនបូមធូលី កំប៉ុងសាប៊ូ និងប្រអប់ផ្លែឈើ រួចផ្ញើតាម សេវាកម្មដឹកជញ្ជូន (Cargo) ក្នុងនាមជា “សម្ភារៈប្រើប្រាស់ក្នុងផ្ទះ”។

ដោយសារសម័យនោះ ទំនុកចិត្តលើជនជាតិថៃមានខ្ពស់ ហើយប្រព័ន្ធ X-ray មិនទាន់ទំនើប បូករួមទាំងការ «សូកប៉ាន់» មន្ត្រីគយនៅថៃ ទើបកេសកំណប់នេះធ្លាក់ដល់ផ្ទះនៅខេត្តឡាំប៉ាងដោយរលូន។

ពីចោរកម្ម ក្លាយជាឃាតកម្ម និងការបោកប្រាស់ថ្នាក់ជាតិ នៅពេលរឿងបែកធ្លាយ ប៉ូលីសថៃតាមចាប់បានវិញ។ តែអ្វីដែលគួរឱ្យខ្មាសអៀនគឺ៖
របស់ដែលសងទៅអារ៉ាប់វិញ មួយភាគធំគឺជា របស់ក្លែងក្លាយ។

ពេជ្រខៀវ (Blue Diamond) ដ៏កម្របំផុតក្នុងលោក បានបាត់ខ្លួនឈឹង!
ស្រាប់តែមានរូបថតបែកធ្លាយថា ជំទាវមន្ត្រីធំម្នាក់ បានពាក់ខ្សែកពេជ្រដែលមានរូបរាងដូចពេជ្រខៀវបេះបិទ ក្នុងកម្មវិធីជប់លៀង!

បណ្តាសាពេជ្រខៀវ (The Blue Diamond Curse) រឿងនេះបានក្លាយជាសោកនាដកម្ម ដោយសារភាពលោភលន់របស់អ្នកមានអំណាច៖
មន្ត្រីទូតអារ៉ាប៊ីសាអ៊ូឌីត ៣នាក់ និងអ្នកជំនួញត្បូងម្នាក់ ត្រូវបានសម្លាប់នៅបាងកក។ ជាងត្បូងដែលដឹងរឿង ត្រូវគេសម្លាប់ទាំងប្រពន្ធកូន។
ឧត្តមសេនីយ៍ឯក ឆាឡ គើតទេស (មេប៉ូលីសកាន់សំណុំរឿង) ត្រូវបានកាត់ទោសប្រហារជីវិត (ក្រោយមកជាប់គុកមួយជីវិត) ពីបទកេងបន្លំ និងសម្លាប់បំបិទមាត់។

តើពេជ្រខៀវនៅឯណា? រហូតមកដល់ឆ្នាំ ២០២៥ នេះ គ្មាននរណាហ៊ានសារភាពថាពេជ្រនៅឯណាទេ។ មានទ្រឹស្តី ៣៖
ត្រូវបានកែច្នៃ (កាត់ជាគ្រាប់តូចៗ) លក់បាត់ទៅហើយ។កំពុងនៅក្នុងដៃអ្នកមានអំណាចបំផុតម្នាក់ ដែលមិនហ៊ានពាក់ចេញក្រៅ។ត្រូវបានកប់ចោលក្នុងទូដែកជារៀងរហូត ព្រោះខ្លាចបណ្តាសា។

ចំណុចគួរឱ្យអស់សំណើច៖ មនុស្សតែម្នាក់គត់ដែលរួចផុតពីសេចក្តីស្លាប់ និងគ្រោះថ្នាក់ គឺ «អាចោរ គ្រៀងក្រៃ»។ គាត់ជាប់គុកខ្លី ចេញមកបួស និងរស់នៅជាមនុស្សសាមញ្ញក្រីក្រ។ ចំណែកឯពួកមន្ត្រីធំៗដែលដណ្ដើមពេជ្រពីចោរ គឺវិនាសអន្តរាយទាំងអស់។
ចុះបងប្អូនយល់យ៉ាងណាដែរ? តើគិតថាពេជ្រខៀវឥឡូវនេះ នៅឯណា?

ប្រភព : អតីតរដ្ឋមន្រ្តីក្រសួងព័ត៌មាន