ទីភ្នាក់ងារចារកម្មកូរ៉េខាងត្បូង បានទម្លាយថាកូនស្រីជំទង់របស់មេដឹកនាំកូរ៉េខាងជើង គីម ជុងអ៊ុន នឹងស្នងតំណែងពីឪពុក ស្របពេលថ្មីៗនាងកំពុងបើកបររថក្រោះជាមួយឪពុកខ្លួននៅកន្លែងវឹកហាត់។

ក្រុមស៊ើបការណ៍សម្ងាត់ជាតិ (NIS) បានឱ្យដឹងថា រូបភាពរបស់ Kim Ju Ae មានអាយុប្រហែល ១៣ឆ្នាំ កំពុងបើកបររថក្រោះគឺមានបំណងបង្ហាញពីសមត្ថភាពយោធារបស់នាង និងបំបាត់ការសង្ស័យលើអ្នកស្នងតំណែងស្ត្រីផ្សេងៗទៀតដែលមានអំណាចនៅក្នុងដៃ។

ចាប់តាំងពីខែមុន ប្រព័ន្ធផ្សព្វផ្សាយរដ្ឋកូរ៉េខាងជើង KCNA តែងតែផ្សាយរូបថតរបស់លោក គីម និងកូនស្រី បើកបររថក្រោះថ្មី បាញ់កាំភ្លើងនៅទីលានបាញ់កាំភ្លើង និងប្រើប្រាស់កាំភ្លើងខ្លី។

ការបង្ហាញបែបនេះ គឺដូចគ្នាទៅនឹងលោក គីម ជុងអ៊ុន ក្នុងអំឡុងដើមទសវត្សរ៍ឆ្នាំ ២០១០ នៅពេលដែលលោកកំពុងត្រៀមខ្លួនដើម្បីស្នងតំណែងពីឪពុករបស់លោកផ្ទាល់។

ទោះជាយ៉ាងណាក៏ដោយ លោក Hong Min អ្នកវិភាគនៅវិទ្យាស្ថានកូរ៉េសម្រាប់ការបង្រួបបង្រួមជាតិកូរ៉េខាងត្បូង បានលើកឡើងថា ការបង្ហាញខ្លួនរបស់ Ju Ae ក្នុងរថក្រោះតែម្នាក់ឯងមិនគ្រប់គ្រាន់ដើម្បីសន្និដ្ឋានថានាងត្រូវបានបញ្ជាក់ថាជាអ្នកស្នងតំណែងរបស់លោកគីមនោះទេ ដោយកត់សម្គាល់ថានាងបានបង្ហាញខ្លួនជាមួយឪពុករបស់នាងជាជាងដោយឯករាជ្យ មិនដូចការបង្ហាញខ្លួនជាយោធាតែម្នាក់ឯងរបស់លោកគីមជុងអ៊ុនក្នុងអំឡុងពេលនៃការរៀបចំខ្លួនឡើងស្នងតំណែងរបស់លោកនោះឡើយ៕

ហើយស្នាក់នៅលំនៅដ្ឋានរបស់នាងនៅក្នុងស្រុកសំឡូត ខេត្តបាត់ដំបង នៅថ្ងៃទី ២ មេសានេះ បានធ្វើដំណើរទៅកាន់ក្រុងបាត់ដំបង ដោយបានចូលពិនិត្យមើលអគាររោងភាពយន្តដ៏ចំណាស់ពីរដែលនៅសេសសល់នៅឡើយ គឺមហោស្រពប្រាសាទមាស និងរោងភាពយន្តបាត់ដំបង។

ដំណើរទស្សនកិច្ចនេះមានការទទួលស្វាគមន៍ពីអភិបាលខេត្តបាត់ដំបង ដោយមានការនាំដំណើរពីប្រធានមន្ទីរវប្បធម៌ និងវិចិត្រសិល្បៈខេត្ត និងអាជ្ញាធរក្រុងបាត់ដំបងផងដែរ។

លោក គឹម សោភ័ណ ប្រធានមន្ទីរវប្បធម៌ និងវិចិត្រសិល្បៈខេត្តបាត់ដំបង បានឱ្យ Netra Post ដឹងថា ទស្សនកិច្ចរបស់អ្នកស្រី Angelina Jolie នាពេលនេះធ្វើឡើងតាមការអញ្ជើញរបស់តំណាងសមាគមហ្វារពន្លឺសិល្បៈ។ ការអញ្ជើញនេះក្នុងគោលបំណងដើម្បីស្នើឱ្យតារាភាពយន្តល្បីលំដាប់ពិភពលោករូបនេះ ជួយជួសជុលកែលម្អរោងកុនចាស់ទាំងពីរ។

លោក គឹម សោភ័ណ រំលឹកឱ្យដឹងថា រោងភាពយន្តដ៏ល្បីល្បាញនៅក្រុងបាត់ដំបងទាំងពីរនេះ ត្រូវបានសាងសង់ឡើងក្នុងអំឡុងទសវត្សឆ្នាំ៦០ ហើយបច្ចុប្បុន្នកំពុងមានសភាពទ្រុតទ្រោមយ៉ាងខ្លាំង៕

ប្រាសាទបាគង ប្រាសាទព្រះគោ ប្រាសាទលលៃ រួមនិងប្រាសាទផ្សេងៗទៀតដែលនៅក្បែរនោះ សុទ្ធសឹងស្ថិតនៅក្នុងរាជធានីហរិហរាល័យ ដែលជាអតីតរាជធានីដើមសម័យអង្គរ។ ប្រាសាទបាគង គឺជាប្រាសាទភ្នំ សង់លើខឿនបីជាន់ ក្នុងរាជកាលព្រះបាទ ឥន្រ្ទវរ្ម័នទី១។ ក្រៅពីសំណង់ប្រាសាទថ្មភក់នៅកណ្តាល ជុំវិញក៏មានប្រាង្គឥដ្ឋមួយចំនួន។ តាមរយៈការយកចិត្តទុកដាក់លើការងារអភិរក្ស និងជួសជុលឡើងវិញដោយអាជ្ញាធរជាតិអប្សរា ប្រាសាទកណ្តាល ក៏ដូចជាប្រាង្គឥដ្ឋមួយចំនួន បានឈររឹងមាំឡើងវិញ សម្រាប់ការទស្សនា ការសិក្សា និងស្រាវជ្រាវ។ ប្រាសាទបាគង ត្រូវបានចាត់ជាប្រាសាទមួយដ៏មានការទាក់ទាញ​ពីភ្ញៀវទេសចរនៅតំបន់រលួស។ ក្រៅពីប្រាសាទ ក៏មានទីតាំងសិប្បកម្មស្បែក ចម្លាក់ថ្ម កុលាលភាជន៍ និងទេសភាពវប្បធម៌ជុំវិញសហគមន៍ ដែលទេសចរបានចូលទស្សនាជាហូរហែមិនដាច់៕