ពត៌មានទូទៅ
រកឃើញបំណែកយន្តហោះដែលបានបាត់នៅរដ្ឋអាឡាស្កា រួមជាមួយសពមនុស្ស ១០នាក់
ឆ្មាំល្បាតឆ្នេរនៅរដ្ឋអាឡាស្កា (Alaska) សហរដ្ឋអាមេរិក កាលពីថ្ងៃទី៧ កុម្ភៈ បានរកឃើញបំណែកយន្តហោះខ្នាតតូចមួយគ្រឿងនៅលើទឹកកកផ្ទៃសមុទ្រ ក្រោយពីយន្តហោះមួយនេះបានបាត់ដានភ្លាមៗពីប្រព័ន្ធសញ្ញាទាក់ទងក្នុងលំហរអាកាស នៅថ្ងៃទី៦ កុម្ភៈ។
ផ្នែកឆ្មាំល្បាតឆ្នេរអាមេរិកដែលទៅដល់កន្លែងយន្តហោះធ្លាក់ បាននិយាយថា មានសាកសព 0៣នាក់នៅខាងក្នុងតួយន្តហោះ ចំណែក ៧នាក់ទៀត ជាប់នៅក្នុងគំនរបាក់បែក។
ដោយសារបញ្ហាអាកាសធាតុត្រជាក់ខ្លាំង មានការចំណាយពេលច្រើនម៉ោង ឬច្រើនថ្ងៃដើម្បីយកសាកសពមនុស្សទាំង១០នាក់ចេញពីកន្លែងធ្លាក់នៅតំបន់ដាច់ស្រយាលនេះ។
យន្តហោះប្រភេទ Cessna 208B Grand Caravan មានអាកាសយានិកម្នាក់ និងអ្នកដំណើរពេញវ័យ 0៩ នាក់។ ឧប្បត្តិហេតុធ្លាក់នេះ នៅពុំទាន់មានព័ត៌មានលម្អិតអំពីមូលហេតុដែលនាំឱ្យមានគ្រោះថ្នាក់ឡើយទេ គ្រាន់តែបង្ហាញព័ត៌មានពីទិន្នន័យរ៉ាដា ថា យន្តហោះបានបាត់បង់រយៈកម្ពស់ និងល្បឿនយ៉ាងលឿន៕
ពត៌មានទូទៅ
រថភ្លើង និងការគ្រប់គ្រងផ្លូវរត់គួរត្រូវបានរៀបចំប្រសើរជាងនេះ ដើម្បីបញ្ជៀសគ្រោះថ្នាក់ !
ក្រសួងសាធារណការ និងដឹកជញ្ជូន ជូនដំណឹងថា៖ ព្រឹកថ្ងៃទី១៧ ខែសីហានេះ កំណាត់ផ្លូវដែកភាគខាងជើងដែលស្រុតប្រមាណ៧០ម៉ែត្រ បានជួសជុលរួចរាល់ និងដាក់ឱ្យដំណើរការបណ្តោះអាសន្នហើយ បន្ទាប់ពីគ្រោះថ្នាក់ ដែលអះអាងថា ដោយសារកត្តាផ្លូវស្រុត។ ករណីនេះបណ្តាលឲ្យធ្លាក់៤ទូ ក្នុងនោះក្រឡាប់ចេញប្រេងចំនួន៣ទូ។ ជាសំណាងដែលហេតុការណ៍នេះពុំមានរងគ្រោះដល់មនុស្ស បើទោះបីប្រេងហូរចេញពេញផ្លូវក៏ដោយ។
គួររំលឹកថា វេលាម៉ោងជាង១១ព្រឹក ថ្ងៃទី១៦ ខែសីហា មានករណីរថភ្លើងដឹកប្រេង ធ្លាក់ផ្លូវខ្សែផ្លូវដែក (ខ្សែរថភ្លើងទិសដៅភ្នំពេញ ទៅបឹងព្រីង ខេត្តបាត់ដំបង) ចំនុចស្ថិតភូមិទួលតាឯក សង្កាត់ទួលតាឯក នៅក្រុងបាត់ដំបង។
ទោះយ៉ាងណាសាធារណជនមានការបញ្ចេញមតិថា ស្ថានភាពរថភ្លើង និងកត្តាផ្លូវ គួរណាអភិវឌ្ឍឲ្យប្រសើរជាងនេះ ជាពិសេសការគ្រប់គ្រងផ្លូវរត់ (ចំនុចផ្លូវឆ្លងកាត់) ទាំងនៅតាមបណ្តាខេត្ត និងក្នុងរាជធានីភ្នំពេញ ដើម្បីបញ្ចៀសបានទាំងគ្រោះថ្នាក់ចរាចរដែលឃើញកើតឡើងជាបន្តបន្ទាប់ ខណៈក្នុងប្រទេសនីមួយៗករណីគ្រោះថ្នាក់រថភ្លើងនេះមានតិចលើកណាស់៕
Michael B Alfaro ជានរណា?
«អាល់ហ្វារ៉ូ» មិនមែនជាអ្នកកាសែត ឬជាអ្នកឆ្លើយឆ្លងព័ត៌មានប្រចាំសេតវិមាន នៅះទេ !
ការយល់ច្រឡំ ដោយសារតែសារព័ត៌មានក្នុងស្រុកមួយចំនួនចម្លងតគ្នាពីតួនាទីគាត់«ខុស» !
នេះជាដកស្រង់ បង្ហាញពី Alfaro របស់ លោក សួន សេរីរដ្ឋា ៖
– គាត់ជា Founder, CEO, Correspondence, Lobbyist and Consultant របស់ Lobby Firms មួយនៅ Washington D.C មានឈ្មោះថា The Capitol Hill & Friends
– គាត់ជា PR, Federal Lobbyists and Political Financial Consultants ដែលមាន Accreditation ជាមួយ White House ពិសេសគាត់មានទំនាក់ទំនងល្អជាមិត្តភក្តិជាមួយលោក Garry Franci ប្រធានអ្នកឆ្លើយឆ្លងព័ត៌មាននៅ សេតវិមាន ។
– គាត់ជាមនុស្សសំខាន់ម្នាក់ ក្នុងចំណោមមនុស្សជាច្រើននាក់ ក្នុងក្រុមការងារយុទ្ធនាការដំណែងប្រធានាធិបតីរបស់លោក Trump និងព្រឹទ្ធសមាជិកសាធារណរដ្ឋជាច្រើនរូបទៀត ឲ្យជាប់ឆ្នោត ដោយសារគាត់ជាសកម្មជនរៃអង្គាសថវិកាយុទ្ធនាការបោះឆ្នោតបានរាប់សិបលានដុល្លារឲ្យ GOP
– គាត់ជា PR ដ៏ជោគជ័យដែលបានជួយប្រជាជននិងក្មេងរងគ្រោះនៅប្រទេសឡាវ និងបានរៃអង្គាសថវិកាសង់មន្ទីពេទ្យនៅខេត្ត អាតពើ ប្រទេសឡាវ
– គាត់ជា PR Lobby បានជោគជ័យនៅ អាហ្គានីស្ថាន ជួយស្ថានការនយោបាយ អាហ្គានីស្ថានឲ្យប្រសើរ
– ពិសេសសម្រាប់កម្ពុជា គាត់ជាអតីតៈមនុស្សម្នាក់ក្នុងចំណោមមនុស្សជាច្រើននាក់ដែលបានជាប់នៅក្នុងកប៉ាល់ Westerdam ក្នុងសម័យ Covid-19 ដែលត្រូវបានកម្ពុជាសង្គ្រោះ ឲ្យចូលចត…. ។
គាត់មកប្រទេសកម្ពុជា គឺក្នុងបំណងជួយប្រជាជន និងប្រទេសកម្ពុជាយើងពិតប្រាកដ ពិសេសគឺចង់សងគុណថ្នាក់ដឹកនាំ និងប្រជាជនកម្ពុជា ដែលគាត់ចងចាំពេលកម្ពុជាបើកបេះដូងឲ្យកាប៉ាល់ Westerdam ចូលចត សង្គ្រោះពីមហន្តរាយ Covid-19 កាលពីថ្ងៃទី១៣ កុម្ភៈ ២០២០ កន្លងទៅ ។
គាត់ក៏ជា PR & Lobbyists High Profile ម្នាក់ថ្នាក់ Federal នៃអាណត្តិរដ្ឋបាលរបស់ President Trump ដែរ ។ ដូចនេះសំឡេងរបស់គាត់គឺពិតណាស់បានទៅដល់លោក Trump ពិតប្រាកដ និងធ្វើឲ្យពិភពលោកបានដឹងការពិតពីកម្ពុជា ក្នុងពេលសៀមឈ្លានពានកម្ពុជា ។
តែសោកស្តាយដោយសារមន្ត្រី និងសារព័ត៌មានមួយចំនួនបានហៅ តួរនាទីរបស់គាត់ខុស ដែលនាំឲ្យមានប្រតិកម្មនិងការបកស្រាយពីសំណាក់ពួកសត្រូវឈ្លានពាន មកមកវ៉ៃប្រហាលើរូបគាត់ និងចោទថា គាត់ត្រូវបានទិញជួលដោយរដ្ឋាភិបាលកម្ពុជាទៅវិញ ៕
ដោយ ៖ សួន សេរីរដ្ឋា
ក្រុមហ៊ុនទឹកត្រចៀកកាំ ចេ.រ៉ូយ៉ាល់ រកឃើញអ្នកមានសំណាង១៤នាក់ទៀតហើយ ដែលទទួលបានកាដូសំណាងពីក្រុមហ៊ុន។ កម្មវិធីប្រគល់កាដូសំណាងលើកទី២ ត្រូវបានធ្វើឡើងកាលពីថ្ងៃទី ១៥ ខែកក្កដា ឆ្នាំ ២០២៥ នេះ។
លោក ស៊ឹម សុភ័ក្រ ប្រធានប្រតិបត្តិការផ្នែកលក់ និងតំណាងក្រុមហ៊ុនទឹកត្រចៀកកាំ ចេ.រ៉ូយ៉ាល់ ថ្លែងថា រហូតមកដល់ពេលនេះ ក្រុមហ៊ុនបានផ្តល់កាដូសំណាង ២លើកហើយ។ លើកទី១ កាលពីថ្ងៃទី ០២ ឧសភា និង លើកទី២ គឺថ្ងៃទី ២៧ មិថុនា។ ក្រុមហ៊ុនបានរៀបចំពិធីប្រគល់កាដូសំណាង មានម៉ូតូ កង់អគ្គិសនី និងទូរសព្ទដៃលើកទី២ នៅភ្នំពេញ ចំណែកកាដូសំណាងជាច្រើនផ្សេងទៀត ដូចជា ឆ្នាំងដុតអគ្គិសនី ទឹកត្រចៀកកាំ ចេ,រ៉ូយ៉ាល់ ជាច្រើនកេស ក្រុមហ៊ុនបានផ្ញើជូនដល់គេហដ្ឋានតែម្ដង។
លោក ហ៊ា ទី ដែលជាពិធីករ បានប្រកាសឈ្មោះអ្នកដែលទទួលបានកាដូសំណាងមានចំនួន ៣រូប រួមមាន ៖
ទី១: អ្នកទទួលកាដូសំណាង ទូរសព្ទដៃ ឈ្មោះ អៀ ជានបូផា
ទី២: អ្នកទទួលកាដូសំណាង កង់អគ្គិសនី ឈ្មោះ ខូវ សៀវយ៉េង
ទី៣: អ្នកទទួលកាដូសំណាង ម៉ូតូ ឈ្មោះ ហេង ឡែន
អ្នកស្រី ហេង ឡែន មកពីខេត្តបាត់ដំបង ដែលទទួលបានកាដូសំណាងធំជាងគេ គឺ ម៉ូតូហុងដាវេវ សេរី២០២៥ សប្បាយចិត្ត និងអះអាងថា ជាសំណាងពិតប្រាកដ។
សូមបញ្ជាក់ជូនថា ទឹកត្រចៀកកាំ ចេ.រ៉ូយ៉ាល់ ត្រូវបានផលិត ចែកចាយលក់លើទីផ្សារជូនអតិថិជនបានទទួលទាន តាំងពីឆ្នាំ២០២២ ក្រោមពាក្យស្លោកថា «ចេរ៉ូយ៉ាល់ អាថ៌កំបាំងនៃសុខភាព» ហើយក្រុមហ៊ុននឹងបន្តផ្ដល់សំណាងជូនអតិថិជនរហូតដំណាច់ឆ្នាំ ២០២៥៕
រថភ្លើង និងការគ្រប់គ្រងផ្លូវរត់គួរត្រូវបានរៀបចំប្រសើរជាងនេះ ដើម្បីបញ្ជៀសគ្រោះថ្នាក់ !
Michael B Alfaro ជានរណា?
អតិថិជន ១៤រូបទៀតហើយទទួលបានកាដូសំណាង ទឹកត្រចៀកកាំ ចេ.រ៉ូយ៉ាល់
-
ចំណេះដឹងទូទៅ5 months agoចាក់ «បំណិនជីវិត» ចូលទៅកុមារកុំឲ្យធុញទ្រាន់នឹងការរៀនសូត្រ
-
កម្សាន្ត5 months ago«ទាក់ដំរី»
-
ពត៌មានទូទៅ5 months agoអ្នករស់នៅក្នុងសំណង់អតីតសណ្ឋាគារអង្គរមានជ័យ តម្រូវឱ្យចាកចេញជាបន្ទាន់!
-
កម្សាន្ត4 months agoវិចារណកថា ! « សាទរឆ្នាំថ្មី ភាពជោគជ័យ និងផលជះដល់សង្គម »
-
សង្គម និងការអប់រំ4 months agoព្រះសក្យមុនីចេតិយ !
-
កម្សាន្ត5 months agoប្រវត្តិ និងការហាត់រៀនរបាំក្ងោកសិល្ប៏ នៅសាលាមធ្យមវិចិត្រសិល្បះ
-
ចំណេះដឹងទូទៅ6 months agoការបង្ហាត់បង្រៀនកុមារអំពីរបៀបដើរឆ្លងផ្លូវ
-
ពត៌មានទូទៅ3 months agoកម្ពុជាបានក្លាយជាប្រធានប្ដូរវេណ សន្ធិសីទ្ធអន្តរជាតិ ស្ដីអំពីដើមសម័យប្រវត្តិសាស្រ្ដរបស់អាស៊ីអាគ្នេយ៍