អ៊ីរ៉ង់ ពង្រឹងផ្នែកការទូត ខណៈត្រៀមយោធាវាយប្រហារ

ប្រទេសអ៊ីរ៉ង់កំពុងជំរុញផ្នែកការទូតក្នុងតំបន់របស់ខ្លួនយ៉ាងសកម្ម ខណៈក៏រក្សាឥទ្ធិពលជាយុទ្ធសាស្ត្រនៅច្រកសមុទ្រ Hormuz។ សារដ៏រឹងមាំមួយពីរដ្ឋមន្ត្រីការបរទេស លោក Abbas Araghchi ប្រាប់រដ្ឋាភិបាលថា ការចរចាជាមួយប្រទេសអូម៉ង់ស្តីពីច្រកសមុទ្រ Hormuz កំពុងស្ថិតក្នុងដំណាក់កាលចុងក្រោយ។

ទន្ទឹមនឹងនេះ លោក Araghchi បានបន្តការពិគ្រោះយោបល់ក្នុងតំបន់ ការពិគ្រោះយោបល់កម្រិតខ្ពស់ដោយបានធ្វើការសន្ទនាតាមទូរស័ព្ទជុំមួយផ្សេងទៀតជាមួយរដ្ឋមន្ត្រីការបរទេសអារ៉ាប៊ីសាអ៊ូឌីត លោក Faisal bin Farhan និងមេបញ្ជាការកងទ័ពប៉ាគីស្ថាន លោក Asim Munir។
យោងតាមក្រសួងការបរទេសអ៊ីរ៉ង់បានឲ្យដឹងថា ការពិភាក្សាបានផ្តោតសំខាន់លើគំនិតផ្តួចផ្តើមដើម្បីរក្សាសន្តិសុខ និងស្ថិរភាពក្នុងតំបន់។ ដោយឡែក អ្នកនាំពាក្យក្រសួងការបរទេស លោក Esmaeil Baghaei បាននិយាយថា ការចរចាជាមួយប្រទេសអូម៉ង់កំពុងផ្តោតលើការស្វែងរកក្របខ័ណ្ឌសមុទ្រដើម្បីរៀបចំការឆ្លងកាត់ច្រកសមុទ្រ Hormuz និងដើម្បីរក្សាផលប្រយោជន៍របស់ទាំងប្រទេសអូម៉ង់ និងអ៊ីរ៉ង់។ លោកបានសង្កត់ធ្ងន់ថាការចរចាមានតែទ្វេភាគីប៉ុណ្ណោះ វាពុំមែនជាផ្នែកនៃការចរចាណាមួយជាមួយសហរដ្ឋអាមេរិកនោះទេ ហើយការចរចាមិនធានាថាច្រកសមុទ្រ Hormuz នឹងត្រូវបានបើកឡើងវិញនោះដែរ។ លោកក៏បានបញ្ជាក់ថា ស្ថានភាពនៅច្រកសមុទ្រ Hormuz នឹងមិនវិលត្រឡប់ទៅរកស្ថានភាពនៅមុនសង្គ្រាមវិញឡើយ និងបានចោទប្រកាន់សហរដ្ឋអាមេរិកពីការវាយប្រហារលើអ៊ីរ៉ង់នៅមុនពេលនៃពេលវេលាកំណត់ដែលបានព្រមព្រៀងគ្នា ហួសពេលកំណត់។
ដូច្នេះវាទំនងជាទីក្រុងតេអេរ៉ង់ កំពុងស្វែងរកយុទ្ធសាស្ត្រជាពីរផ្លូវដោយពង្រីកការឈោងចាប់ផ្នែកការទូតរបស់ខ្លួនជាមួយភាគីពាក់ព័ន្ធនៅក្នុងតំបន់ ហើយក្នុងពេលជាមួយគ្នានេះក៏រក្សាកម្លាំងទប់ដោយយោធាផងដែរ និងរក្សាច្រកសមុទ្រ Hormuz ជាប្រភពចម្បងនៃឥទ្ធិពលជាយុទ្ធសាស្ត្ររបស់ខ្លួន៕