ព័ត៌មានអន្តរជាតិ
នគរបាលអេស្ប៉ាញ បំបែកការប្រមូលផ្ដុំជនអន្តោប្រវេសន៍មកពីម៉ារ៉ុកនៅទីក្រុងសេអ៊ូតា
នគរបាលអេស្ប៉ាញបានបំបែកក្រុមជនអន្តោប្រវេសន៍នៅក្នុងទីក្រុងសេអ៊ូតា(Ceuta) ប្រទេសអេស្ប៉ាញកាលពីថ្ងៃអាទិត្យ ២ សីហា បន្ទាប់ពីក្រុមនេះបានទៅដល់ផ្លូវក្បែរនោះ មន្ត្រីនគរបាលដែលកាន់ដំបង និងខែល បានបំបែកហ្វូងពួកគេ បន្ទាប់មកបុរសនោះត្រូវបាននគរបាលជួយ។
មនុស្សជាង ៥០.០០០ នាក់បានឆ្លងចូលទៅក្នុងទីក្រុង Ceuta តាមផ្លូវគោក និងផ្លូវទឹកក្នុងការកើនឡើងមិនធ្លាប់មាន ដែលបានចាប់ផ្តើមកាលពីថ្ងៃព្រហស្បតិ៍ ៣០ កក្កដា នៅព្រំដែនគោកមួយក្នុងចំណោមព្រំដែនគោកពីររបស់សហភាពអឺរ៉ុបជាមួយទ្វីបអាហ្វ្រិក ដែលបង្កឱ្យមានការភ្ញាក់ផ្អើលនៅទូទាំងប្លុក ហើយគិតត្រឹមថ្ងៃអាទិត្យចុងសប្ដាហ៍មុននេះ ចំនួនអ្នកស្លាប់បានកើនឡើងជាង៧០នាក់ហើយ ដោយសារលង់ទឹក។
ជាមួយគ្នានោះ ក្រុមអ្នកតវ៉ាអេស្ប៉ាញ បានប្រមូលផ្ដុំគ្នានៅខាងក្រៅស្ថានទូតម៉ារ៉ុកក្នុងរដ្ឋធានីម៉ាឌ្រីដកាលពីថ្ងៃអាទិត្យដោយក្រវីទង់ជាតិអេស្ប៉ាញ និង តវ៉ានូវអ្វីដែលពួកគេបានហៅថាជាការឈ្លានពានពីក្រុមជនអន្តោប្រវេសន៍ចូលទៅក្នុងតំបន់សេអ៊ូតារបស់អេស្ប៉ាញ។
អ្នកតវ៉ានិយាយថា ពួកគេមិនចង់ឲ្យមានការឈ្លានពានពីប្រទេសណាមួយឡើយ។ពួកគេមិនអាចធ្វើអ្វីតាមការចង់បានរបស់អ្នកណាម្នាក់បានឡើយ៕