ព័ត៌មានអន្តរជាតិ
មនុស្ស៩នាក់ស្លាប់ និង ៤១ នាក់បាត់ខ្លួនក្នុងអគ្គីភ័យសាឡាងឥណ្ឌូនេស៊ី
សាឡាងឥណ្ឌូនេស៊ីមួយបានឆេះនៅលើសមុទ្រកាលពីថ្ងៃអាទិត្យទី២ ខែសីហានេះ ដោយបានសម្លាប់មនុស្សប្រាំនាក់ និងបន្សល់ទុកមនុស្ស ៤១ នាក់ផ្សេងទៀតបាត់ខ្លួន បន្ទាប់ពីអ្នកខ្លះលោតចុះពីលើទូក។
នេះបើយោងតាមទីភ្នាក់ងារស្វែងរក និងជួយសង្គ្រោះក្នុងតំបន់ Surabaya ដែលបានផ្តល់តួលេខចុងក្រោយបំផុតបានឱ្យដឹងថា មនុស្សសរុបចំនួន ២២៥ នាក់នៅលើនាវាត្រូវបានជួយសង្គ្រោះ។ ខណៈអ្នកដំណើរមួយចំនួនបានលោតចូលទៅក្នុងសមុទ្រ ហើយត្រូវបានជួយសង្គ្រោះដោយនាវានៅក្បែរនោះ។
យ៉ាងណាម៉ិញ គេក៏សង្កេតឃើញថាមាននាវាចំនួនបួនគ្រឿងផ្សេងទៀតកំពុងត្រៀមលក្ខណៈនៅជិតសាឡាង ប៉ុន្តែមិនអាចចូលទៅជិតបានទេ ដោយសារតែហានិភ័យដែលបង្កឡើងដោយសម្ភារៈងាយឆេះនៅលើសាឡាង។
គូសបញ្ជាក់ថា គ្រោះថ្នាក់សមុទ្រជារឿងធម្មតាកើតឡើងនៅក្នុងប្រទេសឥណ្ឌូនេស៊ី ដែលជាប្រជុំកោះមួយដែលមានកោះជាង ១៧,០០០ ដោយសារស្តង់ដារសុវត្ថិភាពធូររលុង និងអាកាសធាតុមិនអាចទាយទុកជាមុនបាន។ សាឡាងដឹកមនុស្សជាង ៧០ នាក់បានលិចកាលពីខែមុន ខណៈពេលកំពុងធ្វើដំណើរនៅជិត Selayar ដែលជាកោះត្រូពិចតូចមួយនៅភាគខាងត្បូងនៃតំបន់ Sulawesi៕