ព័ត៌មានអន្តរជាតិ
មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី
71 Views
ក្រុមមន្ត្រីសន្តិសុខបានឱ្យដឹងនៅថ្ងៃទី២ ខែសីហានេះថា មនុស្សយ៉ាងហោចណាស់បីនាក់បានស្លាប់ និង ២១ នាក់រងរបួស បន្ទាប់ពីគ្រឿងផ្ទុះផលិតក្នុងស្រុកមួយត្រូវបានបំផ្ទុះនៅភោជនីយដ្ឋានអ៊ីតាលីមួយក្នុងទីក្រុងមូស្គូ ។
ការផ្ទុះនេះបានកើតឡើងនៅម៉ោងប្រហែល ២០:០០នាទី ម៉ោងក្នុងស្រុក នៅលើទីលានចតុរង្គ Kudrinskaya ជិតកណ្តាលទីក្រុង។
គណៈកម្មាធិការជាតិប្រឆាំងភេរវកម្ម (NAK) បាននិយាយថា ស្ត្រីម្នាក់ដែលកាន់គ្រឿងផ្ទុះបានព្យាយាមចូលទៅក្នុងភោជនីយដ្ឋាន ប៉ុន្តែត្រូវបានឆ្មាំសន្តិសុខបញ្ឈប់។ ឧបករណ៍នេះបានផ្ទុះ ដោយសម្លាប់ស្ត្រីនោះ ឆ្មាំ និងអ្នកឈរមើលហេតុការណ៍ម្នាក់នៅភោជនីយដ្ឋាននោះ។
ភោជនីយដ្ឋាននេះ ដែលមានទីតាំងនៅក្នុងអគារខ្ពស់ៗសម័យស្តាលីនដ៏ល្បីល្បាញមួយរបស់ទីក្រុងមូស្គូ បានរៀបចំពិធីឯកជនមួយ។
ក្រុមអាជ្ញាធរពុំបានបង្ហាញពីបញ្ជីភ្ញៀវ ឬនិយាយអ្វីទាំងអស់អំពីអ្នកណាដែលពួកគេជឿថាជាគោលដៅនៃការវាយប្រហារនោះទេ៕
