ព័ត៌មានអន្តរជាតិ
មីយ៉ាន់ម៉ាអនុម័តទោសប្រហារជីវិតជនឆបោកតាមអ៊ីនធឺណិត
សភាមីយ៉ាន់ម៉ាដែលគាំទ្រដោយយោធាបានអនុម័តច្បាប់មួយនៅថ្ងៃអង្គារ ទី២៨ ខែកក្កដានេះ អនុញ្ញាតឲ្យមានទោសប្រហារជីវិតចំពោះអ្នកដែលឃុំខ្លួន ឬបង្ខំជនរងគ្រោះដោយហិង្សាឲ្យធ្វើការនៅក្នុងមជ្ឈមណ្ឌលឆបោកតាមអ៊ីនធឺណិត នេះបើតាមប្រធានសភា។
លោក Aung Lin Dwe ប្រធានសភាសហភាពបានឱ្យដឹងថា «សេចក្តីព្រាងច្បាប់ប្រឆាំងការឆបោកតាមអ៊ីនធឺណិត» ត្រូវបានអនុម័តបន្ទាប់ពីសមាជិកសភាបានអនុម័តការផ្លាស់ប្ដូរសេចក្តីព្រាងច្បាប់នៅក្នុងកិច្ចប្រជុំរួមគ្នារបស់សភាជាន់ទាប និងសភាជាន់ខ្ពស់នៅព្រឹកថ្ងៃអង្គារនៅរដ្ឋធានី Naypyidaw។
បន្ថែមពីនោះ លោក Aye Chan សមាជិកសភាជាន់ទាបបានបញ្ជាក់ប្រាប់ថា «ការកាត់ទោសប្រហារជីវិតនៅតែមាននៅក្នុងច្បាប់ដែលបានអនុម័ត»។
ប្រទេសមីយ៉ាន់ម៉ា បានក្លាយជាមជ្ឈមណ្ឌលសកលឧក្រិដ្ឋកម្មតាមអ៊ីនធឺណិតទ្រង់ទ្រាយធំ និងការបោកប្រាស់តាមអ៊ីនធឺណិតដោយបង្ខំ ដែលភាគច្រើនប្រមូលផ្តុំនៅតំបន់ព្រំដែនដាច់ស្រយាលដូចជា Myawaddy, Shwe Kokko និង Laukkai ដែលពីមុនជាតំបន់ហាមឃាត់។ ដំណើរការដោយក្រុមឧក្រិដ្ឋជនឆ្លងដែន ប្រតិបត្តិការទាំងនេះបង្កើតប្រាក់ចំណូលរាប់ពាន់លានដុល្លារជារៀងរាល់ឆ្នាំតាមរយៈការក្លែងបន្លំវិនិយោគ និងការបោកប្រាស់ស្នេហា៕