មេដឹកនាំមីយ៉ាន់ម៉ានឹងជួបជាមួយនាយករដ្ឋមន្ត្រីថៃនៅដើមខែសីហា ទីក្រុងបាងកក

មេដឹកនាំមីយ៉ាន់ម៉ា លោក មីន អ៊ុង លាំង នឹងជួបជាមួយនាយករដ្ឋមន្ត្រីថៃ លោក អនុទីន ឆានវីរៈគុល នៅថ្ងៃទី ៦ និង ៧ ខែសីហា នៅទីក្រុងបាងកក នេះបើយោងតាមរដ្ឋមន្ត្រីការបរទេសថៃ ដើម្បីបញ្ហាតាមបណ្តោយព្រំដែន។

លោក ស៊ីហាសាក់ ភួងកេតកែវ បានបញ្ជាក់ក្នុងកិច្ចប្រជុំរដ្ឋមន្ត្រីការបរទេសអាស៊ីអាគ្នេយ៍ នៅទីក្រុងម៉ានីល អំពីវិធីសាស្ត្រដ៏ល្អបំផុត ដើម្បីឱ្យវិលត្រឡប់របស់មីយ៉ាន់ម៉ា មកកាន់វិស័យការទូតវិញ។

ខណៈពេលដែលនៅតែជាសមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) មីយ៉ាន់ម៉ាត្រូវបានដកចេញជាផ្លូវការពីកិច្ចប្រជុំសំខាន់ៗរបស់ប្លុក ចាប់តាំងពីរដ្ឋប្រហារឆ្នាំ ២០២១ របស់របបយោធា បានផ្តួលរំលំរដ្ឋាភិបាលដែលជាប់ឆ្នោតតាមបែបប្រជាធិបតេយ្យរបស់លោកស្រី អ៊ុង សានស៊ូជី។

រដ្ឋមន្ត្រីការបរទេសថៃ បានគូសបញ្ជាក់ថា ដំណើរទស្សនកិច្ចនាពេលខាងមុខរបស់មេដឹកនាំរដ្ឋប្រហារដែលបានក្លាយជាប្រធានាធិបតី មីន អ៊ុងឡាំង ទៅកាន់ប្រទេសថៃ គឺជាផ្នែកមួយនៃ «វិធីសាស្រ្តទ្វេភាគី»។

លោកថា «មានបញ្ហាទ្វេភាគីបន្ទាន់ដែលយើងត្រូវដោះស្រាយ បញ្ហានៃ…ឧក្រិដ្ឋកម្មឆ្លងដែន ការឆបោក ឬបញ្ហាគ្រឿងញៀន» ដោយបន្ថែមថាវិធីសាស្រ្តនេះមិនមានន័យថាការបោះបង់ចោលផែនការសន្តិភាពប្រាំចំណុចយូរអង្វែងរបស់អាស៊ាននោះទេ។

គូសបញ្ជាក់ថា រយៈពេលថ្មីៗនេះប្រទេសថៃបានរងការបំផ្លិចបំផ្លាញដោយគ្រាប់កាំភ្លើងរបស់ការ៉ែនមីយ៉ាន់ម៉ា ដែលកំពុងប្រយុទ្ធប្រឆាំងជាមួយកងទ័ពលោក មីន អ៊ុនឡាំង ដើម្បីប្រជាធិបតេយ្យឡើងវិញ តាមបណ្តោយព្រំដែន៕