ព័ត៌មានអន្តរជាតិ
អបអរសាទរ! អេស្ប៉ាញ ក្លាយជាជើងឯកពិភពលោក World Cup 2026 ក្រោយឈ្នះ អាហ្សង់ទីន
ក្រុមបាល់ទាត់ជម្រើសជាតិអេស្ប៉ាញ បានក្លាយជាម្ចាស់ជើងឯកបាល់ទាត់ពិភពលោក FIFA World Cup ២០២៦ បន្ទាប់ពីប្រើពេល ១២០ នាទី យកឈ្នះអាហ្សង់ទីន ដោយលទ្ធផល ១-០ ក្នុងវគ្គផ្តាច់ព្រ័ត្រ នៅថ្ងៃទី២០ ខែកក្កដានេះ។
សម្រាប់ការប្រកួត ៩០ នាទី ក្រុមទាំងពីរគ្មានគ្រាប់បាល់កើតឡើងទេដែលបញ្ចប់ដោយលទ្ធផលស្មើគ្នា ០-០។ ស្របពេលជាមួយគ្នានេះ កីឡាកររបស់អាហ្សង់ទីន Enzo Fernández ទទួលបានកាតលឿនពីរដង ហើយក៍ទទួលបានកាតក្រហមបណ្តេញចេញពីទីលាន។
ការប្រកួតនេះពិតជារងសម្ពាធខ្លាំងណាស់ ដោយសារ អេស្ប៉ាញ មានគ្នា ១១នាក់ ខណៈអាហ្សង់ទីនមានគ្នា ១០ នាក់តែប៉ុណ្ណោះ។
យ៉ាងណាម៉ិញការបន្ថែមម៉ោង ១៥នាទីដង បានធ្វើអេស្ប៉ាញ មានឱកាសទម្លាយសំណាញ់ទីរបស់អាហ្សង់ទីនបានសម្រេចដោយកីឡាករ Ferran Torres ដើម្បីនាំមុខ ១-០ នៅនាទី១០៦។
លទ្ធផលនេះធ្វើឱ្យក្រុមគោជល់អេស្ប៉ាញ បានក្លាយជាម្ចាស់ជើងឯកបាល់ទាត់ពិភពលោក FIFA World Cup ឆ្នាំ ២០២៦ ហើយ អាហ្សង់ទីន ទទួលបានចំណាត់ថ្នាក់លេខ ២ និង អង់គ្លេស ទទួលបានចំណាត់ថ្នាក់លេខ៣ ខណៈបារាំងទទួលចំណាត់ថ្នាក់លេខ៤៕