ព័ត៌មានអន្តរជាតិ
ផ្ទុះឃ្លាំងស្តុកគ្រាប់រំសេវឥណ្ឌូណេស៊ី បណ្តាលឱ្យស្លាប់កងទ័ព និងរបួសជាច្រើននាក់
ករណីផ្ទុះឃ្លាំងស្តុកគ្រាប់រំសេវយោធាមួយនៅលើកោះជ្វារបស់ប្រទេសឥណ្ឌូនេស៊ីកាលពីថ្ងៃទី១៦ ខែកក្កដានេះ ទាហានម្នាក់បានបាត់បង់ជីវិត និងរបួសប្រាំមួយនាក់ផ្សេងទៀត នេះបើយោងតាមអ្នកនាំពាក្យកងទ័ពលោក Donny Pramono។ ខណៈដែលទាហានកំពុងអនុវត្ត «នីតិវិធីត្រួតពិនិត្យ និងថែទាំ» នៅទីតាំងនោះក្នុងស្រុក Madiun។
លោក Donny បានបញ្ជាក់ថា កងទ័ពម្នាក់ត្រូវបានប្រកាសថាស្លាប់ បួននាក់រងរបួសធ្ងន់ធ្ងរ និងពីរនាក់ទៀតរងរបួសស្រាល ដោយបន្ថែមថា អ្នកស៊ើបអង្កេតយោធានឹងស៊ើបអង្កេតលើហេតុការណ៍នេះ។
កាលពីឆ្នាំមុន យ៉ាងហោចណាស់ទាហានបួននាក់ និងជនស៊ីវិលប្រាំបួននាក់ត្រូវបានសម្លាប់ នៅពេលដែលកងទ័ពឥណ្ឌូនេស៊ីបានបោះចោលគ្រាប់រំសេវចូលទៅក្នុងរណ្តៅមួយដើម្បីបំផ្ទុះចោល។
នៅឆ្នាំ ២០២៤ ក៏មានការផ្ទុះឡើងនៅឃ្លាំងស្តុកគ្រាប់រំសេវយោធាមួយនៅជាយក្រុងហ្សាការតា ដោយបង្ខំឱ្យមានការជម្លៀសប្រជាពលរដ្ឋក្បែរនោះចេញ ប៉ុន្តែមិនបណ្តាលឱ្យមានអ្នកស្លាប់ និងរបួសនោះទ្បើយ៕