ព័ត៌មានអន្តរជាតិ
យោធាអ៊ីស្រាអែលជិត១០០០នាក់បានពលីជីវិត ក្រោយប្រកាសសង្គ្រាម
យោធាអ៊ីស្រាអែល យ៉ាងហោចណាស់ជិត១០០០នាក់ បានបាត់បង់ជីវិតក្នុងសង្គ្រាម ដែលអ៊ីស្រាអែលបានប្រកាសចាប់តាំងពីថ្ងៃទី៧ខែតុលាឆ្នាំ២០២៣ ពេលដែលក្រុមហាម៉ាស បានបើកការវាយឆ្មក់ចូលទៅក្នុងទឹកដីអ៊ីស្រាអែល ដោយសម្លាប់មនុស្សជាង១២០០នាក់ និងចាប់ពង្រត់មនុស្សជាង២៤០នាក់។
បើយោងតាមបណ្តាញសង្គម Israel Today បានបង្ហោះរូបភាពនៃការស្មិងស្មាធិ៍ របស់ក្រុមនៃឧត្តមសេនីយ៍ជាន់ខ្ពស់របស់អ៊ីស្រាអែល ដើម្បីរៀបចំសន្និសីទរយៈពេល១០០០ថ្ងៃនៃសង្គ្រាមចាប់តាំងពីការចាប់ផ្តើមវាយលុកចូលតំបន់ហ្គាហ្សាដើម្បីកម្ចាត់ក្រុមហាម៉ាស។
ការអង្គុយស្មិងស្មាធិ៍ (moment of silence) គឺសម្រាប់ទាហាន៩៦៤នាក់ដែលបានពលីជីវិតចាប់តាំងពីថ្ងៃទី៧ខែតុលាឆ្នាំ២០២៣។
យោងតាមនាយសេនាធិការចម្រុះនៃកងកម្លាំងការពារជាតិអ៊ីស្រាអែល Eyal Zamir បានឱ្យដឹងថា «យើងបច្ចុប្បន្ននេះស្ថិតនៅចំណុចរបត់យុទ្ធសាស្រ្តដ៏សំខាន់ក្នុងយុទ្ធនាការយោធា។ រយៈពេល១០០០ថ្ងៃនិង១០០០យប់ ដែលយើងបានប្រយុទ្ធនៅក្នុងយុទ្ធនាការដ៏វែងបំផុត និង ស្មុគ្រស្មាញបំផុតដែលយើងមិនធ្លាប់ជួប»៕