ព័ត៌មានអន្តរជាតិ
អាកាសយានដ្ឋានទីក្រុងមូស្គូចំនួន៤ ត្រូវបានបិទហោះហើរ បន្ទាប់ពីយន្តហោះគ្មានមនុស្សបើកជិត ៦០ គ្រឿងចូលវាយប្រហារ
88 Views
អាជ្ញាធរអាកាសចរណ៍រុស្ស៊ី បានបិទអាកាសយានដ្ឋានចំនួន ៤ របស់ទីក្រុងមូស្គូមួយរយៈខ្លីកាលពីថ្ងៃទី២២ ខែមិថុនានេះ បន្ទាប់ពីយន្តហោះគ្មានមនុស្សបើករបស់អ៊ុយក្រែនចូលវាយវាយប្រហារ។
អភិបាលក្រុងមូស្គូលោក Sergei Sobyanin បានឱ្យដឹងថា យន្តហោះគ្មានមនុស្សបើកចំនួន ៥៩ គ្រឿងដែលធ្វើដំណើរឆ្ពោះទៅទីក្រុងត្រូវបានស្ទាក់ចាប់ដោយរ៉ាដា ខណៈមួយចំនួនទៀតបានវាយប្រហារចំគោលដៅសំខាន់ៗរបស់រុស្ស៊ី។
ទីក្រុង Kyiv បានបញ្ជូនយន្តហោះគ្មានមនុស្សបើកចូលទៅក្នុងប្រទេសរុស្ស៊ី ជាការសងសឹកចំពោះទីក្រុងមូស្គូ ដែលបានទម្លាក់គ្រាប់បែកលើទីក្រុងរបស់ខ្លួន ទោះបីជា អភិបាលក្រុងមូស្គូមិនបានបញ្ជាក់ថា យន្តហោះគ្មានមនុស្សបើកហោះមកពីអ៊ុយក្រែនក៏ដោយ៕
