អន្តរជាតិ
មេដឹកនាំថៃ អានុទីន ធ្វើឱ្យវិបត្តិបំណុលកសិកម្មថៃកាន់តែធ្ងន់ធ្ងរឡើង
(ក្រុងបាងកក)៖ មុនការបោះឆ្នោតសកលនៅប្រទេសថៃនៅខែកុម្ភៈ អ្នកនយោបាយថៃ អានុទីន តែងតែមករាក់ទាក់ និងដោះស្រាយបញ្ហាបំពុលឱ្យប្រជាកសិករនៅខេត្តអយុធ្យា ចម្ងាយប្រហែល ៨០គីឡូម៉ែត្រ ភាគខាងជើងនៃរដ្ឋធានីបាងកក ដើម្បីបង្កើនសម្លេងសន្លឹកឆ្នោតគាំទ្រជានាយករដ្ឋមន្ត្រីថៃ។
យោងតាមអង្គភាពរ៉យទ័រចេញផ្សាយនៅថ្ងៃទី១១ ខែមិថុនានេះថា កសិករថៃកំពុងតស៊ូដើម្បីរកប្រាក់ចិញ្ចឹមជីវិត ខណៈដែលការកើនឡើងនៃតម្លៃប្រេងឥន្ធនៈ និងជីដែលបង្កឡើងដោយសង្គ្រាមអ៊ីរ៉ង់ រួមផ្សំជាមួយនឹងការធ្លាក់ចុះនៃតម្លៃអង្ករ ធ្វើឱ្យកសិករខឹងសម្បារ បានស្រែកក្រែងៗថា «នៅពេលដែលពួកគេឈ្នះឆ្នោត ក្លាយជានាយករដ្ឋមន្ត្រី ពួកគេបានបាត់ខ្លួន រដ្ឋាភិបាលមិនបានដោះស្រាយបញ្ហានេះទេ»។
តម្លៃប្រេងម៉ាស៊ូតលក់រាយនៅក្នុងប្រទេសថៃបានកើនឡើងយ៉ាងខ្លាំងជាង ៦០% ដោយសារតែជម្លោះ ខណៈដែលតម្លៃជីបានកើនឡើងជាង ៣០%។
ការមិនពេញចិត្តរបស់កសិករថៃ ឆ្លុះបញ្ចាំងពីហានិភ័យនយោបាយរបស់លោកនាយករដ្ឋមន្ត្រីថៃ អានុទីន ដែលបានឈ្នះការបោះឆ្នោតយ៉ាងភ្លូកទឹកភ្លូកដីជាមួយនឹងការគាំទ្រពីអ្នកបោះឆ្នោតនៅជនបទ ប៉ុន្តែឥឡូវនេះកំពុងប្រឈមមុខនឹងកំដៅ ខណៈដែលការភ្ញាក់ផ្អើលនៃតម្លៃដែលជំរុញដោយសង្គ្រាមធ្វើឱ្យវិបត្តិបំណុលកសិកម្មរបស់ប្រទេសថៃកាន់តែធ្ងន់ធ្ងរឡើង។
ត្រឹមតែប៉ុន្មានខែប៉ុណ្ណោះក្នុងអាណត្តិបួនឆ្នាំរបស់ខ្លួន ការគាំទ្រចំពោះរដ្ឋបាលរបស់លោក អានុទីន កំពុងថយចុះរួចទៅហើយ។
ជាមួយគ្នានេះ អ្នកនាំពាក្យរងរដ្ឋាភិបាល លោកស្រី Ploythalay Laksameesaengjan បានប្រាប់ប្រជាជនខ្លួនថា រដ្ឋាភិបាលនឹងដាក់ចេញវិធានការបន្ថែមទៀតដើម្បីគាំទ្រដល់ប្រជាជន និងបង្កើនទំនុកចិត្តលើការងាររបស់ប្រជាកសិករឡើងវិញ ដោយបន្ថែមថា តម្លៃប្រេងខ្ពស់ដែលបណ្តាលមកពីសង្គ្រាមគឺហួសពីការគ្រប់គ្រងរបស់រដ្ឋបាល។
ប្រទេសថៃ បានចាប់ផ្តើមដើរយឺតជាងប្រទេសដទៃទៀតចាប់តាំងពីមានជំងឺរាតត្បាតខូវីដ-១៩ ដោយសារតែសេដ្ឋកិច្ចរបស់ខ្លួនពឹងផ្អែកលើវិស័យទេសចរណ៍ ខណៈដែលតម្រូវការក្នុងស្រុកនៅតែខ្សោយ ត្រូវបានរារាំងដោយបំណុលគ្រួសារខ្ពស់៕
ដោយ៖ ចិន្តា ទីទិ
