អន្តរជាតិ
គ្រោះរញ្ជួយដីដ៏ខ្លាំងបំផុតក្នុងរយៈពេលជិត ១៥០ឆ្នាំ វាយប្រហារប្រទេសគុយបា ញ័រម៉ិកស៊ិក និងរដ្ឋផ្លរីដា
យោងតាមរបាយការណ៍ផ្លូវការ គ្រោះរញ្ជួយដីដ៏ខ្លាំងក្លាមួយបានកើតឡើងនៅឆ្នេរសមុទ្រភាគពាយ័ព្យនៃប្រទេសគុយបាកាលពីថ្ងៃចន្ទ ដោយបានរញ្ជួយតំបន់មួយចំនួននៃប្រទេសគុយបា ម៉ិកស៊ិក និងរដ្ឋផ្លរីដា ដែលជាធម្មតាមិនងាយនឹងរងគ្រោះរញ្ជួយដីនោះទេ។
ការស្ទង់មតិភូគព្ភសាស្ត្រសហរដ្ឋអាម៉េរិក (USGS) នៅថ្ងៃទី៨ ខែមិថុនា បានវាស់ស្ទង់គ្រោះរញ្ជួយដីនេះក្នុងកម្រិត ៦.១ រ៉ិចទ័រ ក្នុងជម្រៅ ២៦ គីឡូម៉ែត្រ និងចំណុចកណ្តាលរបស់វាស្ថិតនៅចម្ងាយ ១០៤ គីឡូម៉ែត្រភាគពាយ័ព្យនៃទីក្រុងម៉ាន់ទូ ប្រទេសគុយបា។
លោក Paul Earle អ្នកជំនាញខាងរញ្ជួយដីនៅ USGS បាននិយាយថា ការរញ្ជួយដីដ៏ខ្លាំងក្លាបែបនេះមិនធ្លាប់បានវាយប្រហារនោះឡើយចាប់តាំងពីឆ្នាំ១៨៨០។
អាជ្ញាធរមិនទាន់បានរាយការណ៍ពីការខូចខាត ឬអ្នកស្លាប់ និងរបួសធ្ងន់ធ្ងរណាមួយនៅឡើយទេ ប៉ុន្តែការរញ្ជួយដីនេះបានធ្វើឱ្យមានការព្រួយបារម្ភនៅក្នុងប្រទេសគុយបា ជាកន្លែងដែលវិបត្តិសេដ្ឋកិច្ចរាប់ទសវត្សរ៍បានធ្វើឱ្យអគារនានាស្ថិតក្នុងស្ថានភាពទ្រុឌទ្រោមយ៉ាងខ្លាំង។ ការដាច់ចរន្តអគ្គិសនីជាបន្តបន្ទាប់នៅទូទាំងតំបន់បានធ្វើឱ្យការរស់នៅមានការលំបាកខ្លាំង។
គិតត្រឹមថ្ងៃនេះ សេវាអាកាសធាតុជាតិសហរដ្ឋអាម៉េរិក មិនមានការព្រមានពីរលកយក្សស៊ូណាមិណាមួយត្រូវបានចេញបន្ទាប់ពីការរញ្ជួយដីនោះទេ៕
ដោយ៖ ចិន្តា ទីទិ
