វិបត្តិនយោបាយ! សមាជិកព្រឹទ្ធសភាហ្វីលីពីនតែងតាំងអនុប្រធានាធិបតីថ្មី ជំនួសលោកស្រី Sara Duterte

ក្រុមអ្នកតាក់តែងច្បាប់ហ្វីលីពីនមួយក្រុមកាលពីថ្ងៃទី៣មិថុនាម្សិលម៉ិញនេះ បានដណ្តើមយកការគ្រប់គ្រងព្រឹទ្ធស​ភាដែលមានការបែកបាក់យ៉ាងជូរចត់ ដោយជ្រើសរើសអនុប្រធានាធិបតីស្តីទីម្នាក់ក្នុងចំណោមអ្នកធ្វើពហិការគាំទ្រអនុប្រធានាធិបតី អ្នកស្រី Sara Duterte មុនពេលការកាត់ក្តីចោទប្រកាន់នាង។

អ្នកតាក់តែងច្បាប់ដែលគាំទ្រអ្នកស្រី Sara Duterte បានចាប់ផ្តើមធ្វើពហិការព្រឹទ្ធសភាក្នុងការជ្រើសរើសអនុប្រធានាធិបតីស្តីទីនៅសប្តាហ៍នេះ បន្ទាប់ពីបាត់បង់ការគ្រប់គ្រងភាគច្រើន ដោយសមាជិកសភាម្នាក់ត្រូវបានចាប់ខ្លួនពីបទពុករលួយទ្រង់ទ្រាយធំ និងម្នាក់ទៀតកំពុងលាក់ខ្លួនដើម្បីជៀសវាងការចាប់ខ្លួនដោយតុលាការព្រហ្មទណ្ឌអន្តរជាតិ។

ការផ្លាស់ប្តូរភាពជាអ្នកដឹកនាំត្រូវបានធ្វើឡើងបន្ទាប់ពីសមាជិកព្រឹទ្ធសភាលោក Francis Escudero មកពីប្លុកដែលគាំទ្រអ្នកស្រី Sara Duterte បានចូលរួមសម័យប្រជុំ ដែលអនុញ្ញាតឱ្យអ្នកតាក់តែងច្បាប់បង្ខំចិត្តជ្រើស​រើសលោក Sherwin Gatchalian ធ្វើជាអនុប្រធានាធិបតីបណ្តោះអាសន្ន។

ទន្ទឹមគ្នានេះ លោក Gatchalian បាននិយាយថា «ព្រឹទ្ធសភាត្រូវបានផ្អាក ហើយមិនអាចបន្តសម័យប្រជុំឡើងវិញក្នុងរយៈពេលពីរថ្ងៃកន្លងមកនេះ ដែលធ្វើឱ្យយើងស្ថិតនៅលើបន្ទាត់នៃការរំលោភរដ្ឋធម្មនុញ្ញ ប្រសិនបើយើងមិនបានកោះប្រជុំនៅថ្ងៃនេះ»។

លោកបន្តថា ភាគច្រើននៃសមាជិកព្រឹទ្ធសភាទាំង ២២រូប ដែលព្រឹទ្ធសភាអាចទទួលបានយុត្តាធិការ ដោយមិនរាប់បញ្ចូលអ្នកតាក់តែងច្បាប់ដែលត្រូវបានចាប់ខ្លួន និងម្នាក់ទៀតកំពុងលាក់ខ្លួន។

ដោយឡែក លោកសមាជិកព្រឹទ្ធសភា Alan Peter Cayetano ដែលជាមេដឹកនាំនៃប្លុកគាំទ្រអ្នកស្រី Sara Duterte បានជំទាស់នឹងរដ្ឋធម្មនុញ្ញនៃការបោះឆ្នោត ដោយអះអាងថាសភាដែលមានសមាជិក ២៤ រូបទាំងមូលគួរតែត្រូវបានរាប់បញ្ចូល។

ការកាត់ក្តីចោទប្រកាន់អនុប្រធានាធិបតីនៅព្រឹទ្ធ​សភាត្រូវបានគេរំពឹងថានឹងចាប់ផ្តើមនៅថ្ងៃទី ៦ ខែកក្កដា។ អ្នកស្រី Sara Duterte ត្រូវការសំឡេងគាំទ្រតែប្រាំបួនប៉ុណ្ណោះពីសមាជិកព្រឹទ្ធសភា-ចៅក្រម ដើម្បីឲ្យនាងត្រូវបានលើកលែងទោសបាន៕

ដោយ៖ ចិន្តា ទីទិ