អន្តរជាតិ
ការផ្ទុះដ៏ធំនៃរ៉ុក្កែត Blue Origin អាចប៉ះពាល់ដល់បេសកកម្មឋានព្រះច័ន្ទ
ការផ្ទុះដ៏ធំមួយបានបំផ្លាញរ៉ុក្កែត New Glenn មួយគ្រាប់របស់ក្រុមហ៊ុន Blue Origin ក្នុងអំឡុងពេលធ្វើតេស្តមុនពេលបាញ់បង្ហោះនៅ Cape Canaveral ដោយបានបញ្ជូនដុំភ្លើងដ៏ធំមួយឡើងលើមេឃ ដែលអាចមើលឃើញ និងមានអារម្មណ៍ថាក្តៅចម្ងាយរាប់ពាន់គីឡូម៉ែត្រ ខណៈគ្មាននរណាម្នាក់រងរបួសនោះទេ។
ការផ្ទុះនេះបានកើតឡើង ខណៈដែលវិស្វករកំពុងសាកល្បងម៉ាស៊ីនដំណាក់កាលដំបូងដែលប្រើប្រេងមេតាន មុនពេលបាញ់បង្ហោះដែលបានគ្រោងទុក។ Blue Origin បានកំពុងរៀបចំបញ្ជូនផ្កាយរណបអ៊ីនធឺណិត Amazon “LEO” ចំនួន ៤៨ ទៅកាន់គន្លងតារាវិថី។
យោងតាមគេហទំព័រ Blue Origin បានបង្ហោះនៅលើបណ្តាញ X ថា កម្ទេចកម្ទីពីភាពមិនប្រក្រតីនៃភ្លើងឆេះរ៉ូកែតនេះអាចនឹងអណ្តែតមកដល់ច្រាំងក្នុងរយៈពេលប៉ុន្មានថ្ងៃ/សប្តាហ៍ខាងមុខនេះ។ ប្រសិនបើអ្នកជួបប្រទះកម្ទេចកម្ទីណាមួយ សូមកុំប៉ះ ឬចូលទៅជិតវាដើម្បីសុវត្ថិភាពរបស់អ្នក។
គូសបញ្ជាក់ថា លើកចុងក្រោយដែលរ៉ុក្កែតបានផ្ទុះនៅលើបន្ទះបាញ់បង្ហោះនៅ Cape Canaveral គឺនៅឆ្នាំ២០១៦ នៅពេលដែល SpaceX Falcon 9 ត្រូវបានបំផ្លាញ។ ក្នុងករណីនោះ បន្ទះបាញ់បង្ហោះត្រូវបានផ្អាកដំណើរការអស់រយៈពេលមួយឆ្នាំ ដែលបង្ខំឱ្យ SpaceX ពឹងផ្អែកលើកន្លែងផ្សេងទៀត៕
