គ្មានពិធីបុណ្យ គ្មានសេចក្តីរីករាយ៖ ប្រជាជនហ្គាហ្សាប្រារព្ធពិធីបុណ្យ Eid ក្រោមពន្លឺដ៏ខ្មៅងងឹត

(ហ្គាហ្សា)៖ សម្លៀកបំពាក់ថ្មីៗសម្រាប់កុមារ សត្វចៀមសម្រាប់បូជា និងនំប៊ីសស្គី Eid ដែលជាសញ្ញាសម្គាល់នៃថ្ងៃឈប់សម្រាករបស់សាសនាមូស្លីម សុទ្ធតែមិនអាចទិញបាន ឬមិនមាននៅក្នុងទីក្រុងហ្គាហ្សា ហើយវាជាពេលវេលានៃការប្រារព្ធពិធី និងសេចក្តីរីករាយសម្រាប់ប្រជាជនមូស្លីមទាំងមូល។

ទោះបីជាមានបទឈប់បាញ់ដែលសម្របសម្រួលដោយសហរដ្ឋអាម៉េរិក ដែលបានចាប់ផ្តើមនៅក្នុងខែតុលា ឆ្នាំ២០២៥ក៏ដោយ ការវាយប្រហារតាមអាកាសរបស់អ៊ីស្រាអែលនៅតែជារឿងធម្មតានៅក្នុងទីក្រុងហ្គាហ្សា ជាកន្លែងដែលអគារប្រហែល ៨០ភាគរយត្រូវបានខូចខាតនៅក្នុងសង្គ្រាម ហើយប្រជាជនភាគច្រើនពឹងផ្អែកលើជំនួយសម្រាប់តម្រូវការជាមូលដ្ឋាន។

យោងតាមអង្គការមិនមែនរដ្ឋាភិបាលនៅតំបន់សង្គ្រាមបាននិយាយថា អ៊ីស្រាអែលគ្រប់គ្រងចំណុចចូលទាំងអស់ទៅកាន់តំបន់ហ្គាហ្សា ហើយអនុញ្ញាតឱ្យរថយន្តដឹកទំនិញជំនួយបរទេស និងទំនិញរបស់វិស័យឯកជនចូលមកក្នុងចំនួនទាបពេកមិនអាចកាត់បន្ថយតម្លៃ ឬកង្វះខាតដែលបង្កឡើងដោយសង្គ្រាមបានឡើយ។

កង្វះចៀម

ចំណុចកណ្តាលនៃការប្រារព្ធពិធី Eid al-Adha ដែលជាការបញ្ចប់នៃធម្មយាត្រា Hajj ទៅកាន់ទីក្រុង Mecca គឺការបូជាសត្វចៀម។

យោងតាមប្រពៃណីអ៊ីស្លាម ព្រះបានសុំឱ្យព្យាការី Ibrahim ឬ Abraham ក្នុងប្រពៃណីជ្វីហ្វ និងគ្រិស្តសាសនា បូជាកូនប្រុសរបស់លោកជាការសាកល្បងជំនឿ ដោយគ្រាន់តែបញ្ឈប់លោកនៅពេលវិនាទីចុងក្រោយ ហើយផ្តល់សត្វមួយដើម្បីបូជាជំនួសវិញ។

ប៉ុន្តែនៅក្នុងតំបន់ហ្គាហ្សាតូចមួយ សត្វពាហនៈមិនអាចចូលពីខាងក្រៅបានទេ ហើយមានតែមួយភាគបួននៃចំនួនចៀមមុនសង្គ្រាមដែលនៅសល់ ឬប្រហែល ១៥,០០០ ក្បាលសម្រាប់ប្រជាជន ២.១ លាននាក់នៃតំបន់ឆ្នេរសមុទ្រ នេះបើយោងតាមអង្គការស្បៀងអាហារ និងកសិកម្មរបស់អង្គការសហប្រជាជាតិ (FAO)។

លោក Raafat Asaliya អ្នកនាំពាក្យក្រសួងកសិកម្មហ្គាហ្សាបាននិយាយថា «ទាក់ទងនឹងតម្លៃនៅឆ្នាំនេះ សត្វសម្រាប់បូជាកំពុងឃើញការកើនឡើងដែលមិនធ្លាប់មានពីមុនមក ដោយសារតែការផ្គត់ផ្គង់មានកំណត់ និងការកើនឡើងនៃថ្លៃដើមនៃការបង្កាត់ពូជ ចំណី និងការដឹកជញ្ជូន និងការបិទកសិដ្ឋានជាច្រើន»។

សូមជម្រាបដែរថា រហូតមកដល់ពេលនេះកិច្ចព្រមព្រៀងសន្តិភាពមិនត្រូវបានអនុវត្តន៍នៅឡើយ ខណៈអ៊ីស្រាអែលនៅតែបន្តវាយប្រហារនៅតំបន់ហ្គាហ្សា ដោយខ្លួនអះអាងថានឹងកម្ទេចក្រុមហាម៉ាស់ឱ្យផុតពីផែនដី។ ប៉ុន្តែវាជាគំនិត និងក្តីស្រមៃដែលមិនអាចទៅរួច ព្រោះថាក្រុមនេះមានសម្ព័ន្ធ​មិត្តចាំជួយផ្តល់ជំនួយពីក្រោយគ្រប់ពេលវេលា៕

ដោយ៖ ចិន្តា ទីទិ