អារ៉ាប៊ីសាអូឌីត បានវាយប្រហារដោយសម្ងាត់លើអ៊ីរ៉ង់

 
(រីយ៉ាដ/ឌូបៃ)៖ ការវាយប្រហាររបស់អារ៉ាប៊ីសាអូឌីត ដែលមិនត្រូវបានរាយការណ៍ពីមុនមក ពេលនេះត្រូវបានមន្ត្រីលោកខាងលិចពីររូប ទម្លាយឱ្យដឹងថាប្រទេសមួយនេះបានធ្វើសកម្មភាពយោធាដោយផ្ទាល់នៅលើទឹកដីអ៊ីរ៉ង់ ហើយបង្ហាញថាខ្លួនកំពុងកាន់តែមានភាពក្លាហានក្នុងការការពារខ្លួនប្រឆាំងនឹងគូប្រជែងក្នុងតំបន់ដ៏ខ្លាំងក្លារបស់ខ្លួន។
បើយោងតាមអង្គភាពរ៉យទ័របានឱ្យដឹងនៅថ្ងៃទី១២ ខែឧសភានេះថា មិនទាន់មានការបញ្ជាក់ច្បាស់លាស់ពីគោលដៅដែលរងការវាយប្រហារដោយកងទ័ពអាកាសអារ៉ាប៊ីសាអូឌីតនៅឡើយ។
អារ៉ាប៊ីសាអូឌីត ដែលមានទំនាក់ទំនងយោធាយ៉ាងជ្រាលជ្រៅជាមួយសហរដ្ឋអាម៉េរិក ជាប្រពៃណីពឹងផ្អែកលើកម្លាំងយោធាអាម៉េរិក ប៉ុន្តែសង្គ្រាមរយៈពេល ១០ សប្តាហ៍បានធ្វើឱ្យប្រទេសនេះធ្លាក់ក្នុងភ្នក់សង្គ្រាមរវាងអាម៉េរិក-អ៊ីស្រាអែល និងអ៊ឺរ៉ង់។
ការវាយប្រហាររបស់អារ៉ាប៊ីសាអូឌីតបានបង្ហាញពីភាពរីករាលដាលនៃជម្លោះ និងវិសាលភាពសង្គ្រាមដែលបានចាប់ផ្តើមនៅពេលដែលអាម៉េរិក និងអ៊ីស្រាអែលបានបើកការវាយប្រហារតាមអាកាសលើអ៊ីរ៉ង់នៅថ្ងៃទី២៨ ខែកុម្ភៈ បានអូសតំបន់មជ្ឈិមបូព៌ាជាប់នឹងសង្គ្រាមរុំារៃជាសកល។
ចាប់តាំងពីការវាយប្រហារនៅមជ្ឈិមបូព៌ា មីស៊ីល និងយន្តហោះគ្មានមនុស្សបើក មិនត្រឹមតែវាយប្រហារលើទីតាំងជនស៊ីវិលប៉ុណ្ណោះទេ ថែមទាំងអាកាសយានដ្ឋាន និងហេដ្ឋារចនាសម្ព័ន្ធប្រេង និងបានបិទច្រកសមុទ្រហ័រមូស ដែលបិទខ្ទប់ពាណិជ្ជកម្មពិភពលោក៕