កម្ពុជាការចាប់ផ្តើមដំណើរការជាផ្លូវការប្រតិបត្តិការសេវាទូរសព្ទចល័ត ជំនាន់ទី៥ (5G)

​ក្រ​សួង​ប្រៃស​ណី​យ៍​និង​ទូរ​គម​នា​គមន៍​ ​(ក.ប.ទ.)​ ​បាន​ប្រ​កាស​ជា​ផ្លូវ​ការ​ដាក់​ឱ្យ​ដំណើរ​ការ​ប្រ​តិប​ត្តិ​ការ​ សេ​វា​ទូរ​សព្ទ​ចល័ត​ជំ​នាន់​ទី​៥​ ​ឬសេវា​ ​5G​ ​នៅ​ក្នុង​ព្រះ​រា​ជា​ណា​ច​ក្រ​កម្ពុជា​ ​ចាប់​ពី​ខែ​មករា​ ​ឆ្នាំ២០២៦​ ត​ទៅ​។​ ​ក្នុង​ន័យ​នេះ​ ​ក​.​ប​.​ទ​.​ ​បាន​សហ​ការ​ជា​មួយ​គ្រប់​ប្រ​តិប​ត្តិ​ករ​ទូរ​សព្ទ​ចល័ត​ធំ​ៗ​ទាំង​ ​៣​ ​​គឺ​ ​ក្រុម​ហ៊ុន​ Cellcard (CamGSM)​ ​ក្រុម​ហ៊ុន​ Metfone​ ​(Viettel Cambodia)​ ​និង​ក្រុម​ហ៊ុន​ ​Smart (Smart Axiata) ​ជំរុញ​ការ​សាង​សង់​ស្ថា​នី​យ​អង់​តែ​នទូរ​គម​​នា​គមន៍​និង​បំពាក់​ឧបក​រណ៍​ផ្តល់​សេវា​ ​5G​ ​នៅ​តាម​ទី​តាំង​ដូច​មាន​ផែន​ទីល​ម្អិត​ក្នុង​ឧប​សម្ព័ន្ធ​ជូន​ភ្ជាប់​។

​ដូច្នេះ​ចូល​ឆ្នាំ​ថ្មី​ ​ឆ្នាំ​សក​ល​នេះ​ ​អ្នក​ប្រើ​ប្រាស់​សេ​វារ​បស់​ប្រ​តិប​ត្តិ​ករ​ទូរ​សព្ទ​ចល័ត​ទាំង​ ​៣ ​នឹង​អាច​ចាប់​ផ្តើ​ម​ប្រើ​ប្រាស់​សេវា​ ​5G​ ​បាន​ ​ចាប់ពី​ម៉ោង​ ​០០:០១​ ​នៃ​ថ្ងៃ​ទី​១ ​ខែមករា​ ​ឆ្នាំ២០២៦​ ​នេះត​ទៅ​ ​នៅ​តាម​ទី​តាំង​ដូច​បាន​ជម្រាប​ជូន​ខាង​លើ​ ដែល​នៅ​ដំណាក់​កាល​ដំបូង​ គឺ​នៅ​រាជ​ធា​នី​ភ្នំពេញ​ ​និង​តំបន់​សំខាន់​ៗមួយ​ចំនួន​នៅ​ក្នុង​ខេត្ត​សៀមរាប​ ​ខេត្ត​កណ្តាល​ ​ខេត្តស្វាយរៀង​ ​ខេត្តកំពង់​ស្ពឺ​ ​ខេត្តតាកែវ​ ​ខេត្តកំពង់​ចាម ​ខេត្ត​កំព​ង់​ធំ​ ​ខេត្ត​ព្រៃវែង​ ​ខេត្ត​ក្រ​ចេះ​ ខេត្ត​កំពង់​ឆ្នាំង​ ​ខេត្ត​ពោធិ៍​សាត់​ ​ខេត្តព្រះ​សីហនុ​ ​ខេត្ត​ស្ទឹង​ត្រែ​ង​​ និង​ខេត្ត​កំពត​។ ​ជាជំ​​​ហានៗ​ប​ន្ត​ទៀ​ត​​ ​វិ​សាល​ភាព​គ្រប​ដណ្តប់​នៃ​សេវា​ ​5G​ ​នឹង​ពង្រីក​ឱ្យ​បាន​កាន់​តែទូលំទូ​លាយ​បន្ថែម​ទៀត​ ​និង​ទៅ​កាន់​គ្រប់​បណ្តា​ខេត្ត​ផ្សេង​ទៀត​នៅ​ទូ​ទាំង​ប្រទេស​។​

​សេ​វា​ ​5G​ ​មិន​មែន​ត្រឹម​តែ​មាន​ ​“​អ៊ីន​ធឺណិត​ល្បឿន​លឿន​”​ ​ប៉ុណ្ណោះ​ទេ​ ​ប៉ុន្តែ​សេវា​នេះ​ នឹង​ក្លាយ​ជា​ហេដ្ឋា​រច​នា​សម្ព័ន្ធ​ឌី​ជី​ថល​សម្រាប់​អនាគ​តឌី​ជី​ថល​ ​នវា​នុវ​ត្ត​ន៍​ ​និង​កាលា​នុវ​ត្ត​ភាព​ថ្មី​ៗ​របស់​ព្រះ​រាជា​ណា​ចក្រ​កម្ពុជា​។​