ពត៌មានទូទៅ
មហាជនសាទរចំពោះចំណាត់ការមិនអោយដាក់រង្វាន់លើគ្រឿងស្រវឹង និងភេសជ្ជៈ!
មានការសាទរច្រើនជាងបដិសេធ លើករណីបិទមិនឳ្យមានដាក់រង្វាន់តាមរយៈក្រវិលកំប៉ុង គម្របដប លើគ្រឿងស្រវឹង និងភេសជ្ជៈ។
មហាជនភាគច្រើនអបអរសាទរចំពោះការគិតគូរបែបនេះរបស់រាជរដ្ឋាភិបាល ទោះជាកិច្ចការនេះគ្រោងប្រជុំជជែកគ្នាជាមួយម្ចាស់ក្រុមហ៊ុននាពេលខាងមុខក៏ដោយ។ បន្ទាប់ពីឃើញ ស.ជ.ណ របស់ទីស្តីការគណរដ្ឋមន្រ្តី នាថ្ងៃទី ២៥ មេសា ពួកគាត់យល់ថា ការប្រើប្រាស់មធ្យោបាយទីផ្សារដែលមានភាពទាក់ទាញតាមរយៈប្រជែងគ្នាដាក់រង្វាន់នេះ ផលប៉ះពាល់ពីអ្នកចំណាយទិញទទួលទាន ច្រើនជាងផលដែលពលរដ្ឋទទួលបាន។
ក្រុមហ៊ុនផលិតគ្រឿងស្រវឹង និងភេសជ្ជៈក្នុងស្រុកដែលកំពុងសម្រុកធ្វើទីផ្សារ«ឈ្នះរង្វាន់ធំ» ពិតជាបានទទួលផលខ្លាំងជាងអ្នកប្រើប្រាស់របស់ខ្លួន ហើយផលអវិជ្ជមានទាំងឡាយបានជះមកលើប្រជាពលរដ្ឋ និងក្លាយជាបន្ទុករបស់រដ្ឋាភិបាល និងសង្គមជាតិទៅវិញ៕