កោះរ៉ុង៖ ពីភូមិនេសាទទៅឋានសួគ៌ទេសចរណ៍ពេញនិយមចំពោះឆ្នេរខ្សាច់ ធម្មជាតិ និងជីវិតរាត្រី
ខេត្ដព្រះសីហនុ៖ កោះរ៉ុង ជាកោះមួយតភ្ជាប់ឆ្នេរសមុទ្រនៃក្រុងព្រះសីហនុ បានផ្លាស់ប្តូរមុខមាត់គួរឱ្យកត់សម្គាល់ពីភូមិនេសាទប្រពៃណី ទៅជាគោលដៅទេសចរណ៍ដ៏ពេញនិយមបំផុតមួយរបស់ប្រទេស។
កោះនេះត្រូវបានគេកំណត់ជាផ្លូវការថាជាទីក្រុងក្នុងឆ្នាំ២០១៩ ឥឡូវនេះបានទាក់ទាញទេសចរមកពីជុំវិញពិភពលោក ដោយចង់ទទួលបានបទពិសោធន៍សម្រស់ឆ្នេរដ៏ស្រស់ស្អាត ជីវិតពេលរាត្រីដ៏រស់រវើក និងសម្រស់ធម្មជាតិ។
កោះរ៉ុងមានភូមិនេសាទចំនួន ៤ គឺភូមិកោះតូច ភូមិដើមថ្កូវ ភូមិព្រៃស្វាយ និងភូមិសុខសាន្ដ។ ភូមិនីមួយៗមានផែនេសាទផ្ទាល់ខ្លួន ដែលបម្រើជាមជ្ឈមណ្ឌលនៃសកម្មភាពសេដ្ឋកិច្ចក្នុងតំបន់។
លោក នួន ប៊ុនថុល អភិបាលក្រុងកោះរ៉ុង បានថ្លែងថា៖ «រហូតមកដល់ថ្ងៃនេះ ការប្រកបរបរនេសាទនៅតែមាន តែតិចតួចទេ ដែលត្រឹមប្រមាណ ១៥ ទៅ ២០នាទីប៉ុណ្ណោះ។ ពួកគាត់ងាកមកផ្ដល់សេវាកម្មវិស័យទេសចរណ៍វិញ។ ជីវភាពរបស់ពួកគាត់ ពីមួយថ្ងៃទៅមួយថ្ងៃ មានការរីកចម្រើនលើវិស័យទេសចរណ៍»។
ជាច្រើនជំនាន់មកហើយ អ្នកស្រុកនៅលើកោះនេះពឹងផ្អែកលើទឹកដ៏សម្បូរបែបជុំវិញកោះរ៉ុង ដើម្បីទ្រទ្រង់ជីវភាពរបស់ពួកគេ ជាមួយនឹងការនេសាទជាប្រចាំ។ទោះជាយ៉ាងណាក៏ដោយ នៅពេលដែលវិស័យទេសចរណ៍ចាប់ផ្តើមរីកចម្រើននៅកម្ពុជា សេដ្ឋកិច្ចរបស់កោះនេះបានផ្លាស់ប្តូរ ហើយអ្នកភូមិជាច្រើនបានងាកទៅរកសេវាកម្មដែលទាក់ទងនឹងទេសចរណ៍ដើម្បីទទួលបានប្រាក់ចំណូលប្រកបដោយនិរន្តរភាព និងចំណេញច្រើនជាង។
សព្វថ្ងៃនេះ កោះរ៉ុងគឺជាមេដែកមួយសម្រាប់ភ្ញៀវទេសចរ ដោយមានកំពង់ផែទូកល្បឿនលឿនជំនួសផែនេសាទប្រពៃណីជាមជ្ឈមណ្ឌលនៃសកម្មភាព។ជាពិសេស ភូមិកោះតូច បានក្លាយទៅជាគោលដៅទេសចរណ៍ដ៏សំខាន់របស់កោះ ដែលល្បីល្បាញដោយសារការកម្សាន្តពេលរាត្រីដ៏កក្រើក ភោជនីយដ្ឋាន ផ្ទះសំណាក់ និងបឹងហ្គាឡូ។
បើតាមគេហទំព័រ Visit Koh Rong ភូមិដ៏តូចរបស់សង្កាត់កោះរ៉ុងសំឡឹម ដែលស្ថិតលើដែនកោះរ៉ុងដ៏ច្រើនសន្ធឹកសន្ធាប់ រួមមាន ហាងតូចៗ ម៉ាស៊ីន ATM និងសូម្បីតែគ្លីនិកផងដែរ។
កន្លែងស្នាក់នៅមានចាប់ពីអន្តេវាសិកដ្ឋានតម្លៃសមរម្យ រហូតដល់បឹងហ្គាឡូដ៏ប្រណិត ដែលមានតម្លៃចន្លោះពី ១០ ដុល្លារ ទៅ ៧០ ដុល្លារក្នុងមួយយប់ ដែលផ្តល់ជូនអ្នកធ្វើដំណើរដ៏សម្បូរបែប។
ផ្ទះបែបប្រពៃណីខ្មែរតូចៗសង់ប្រជ្រៀតគ្នារកេតរកូត បារ និងភោជនីយដ្ឋានដែលផ្តល់នូវភាពទាក់ទាញ ផ្លូវដីខ្សាច់សក្បុរ លាយឡំជាមួយតូបលក់ដូរ និងស្លាកសញ្ញាផ្សាយពាណិជ្ជកម្មពីសកម្មភាពក្នុងតំបន់។
ទេសចរអន្ដរជាតិប្រមូលផ្តុំជុំវិញភោជនីយដ្ឋានបែបបុរាណ ជជែកសើចក្អាកក្អាយជាមួយសម្លៀកបំពាក់បែបលម្ហែនៅសមុទ្រ។
ក្របខ័ណ្ឌរដ្ឋបាល
នៅឆ្នាំ២០១៩ អនុក្រឹត្យបានប្រែក្លាយកោះរ៉ុងពីសង្កាត់មួយនៃក្រុងព្រះសីហនុទៅជាក្រុងថ្មី។ សព្វថ្ងៃនេះ កោះនេះមានផ្ទៃដីប្រមាណ ១០២,៥ គីឡូម៉ែត្រក្រឡា និងមានប្រជាជន ១៣៥១ គ្រួសារ ដែលមានប្រជាជនសរុបចំនួន ៣៩៥០ នាក់។
ក្រុងកោះរ៉ុង មានពីរសង្កាត់ និង ៤ភូមិ គឺសង្កាត់កោះរ៉ុង និងសង្កាត់កោះរ៉ុងសំឡឹម ដែលមានវិសាលភាពគ្រប់គ្រងរហូតដល់ ១៨កោះ រួមទាំង កោះតាង និងកោះពូលូវ៉ៃ។
លោកបានឱ្យដឹងថា៖ «ប៉ុន្ដែជាក់ស្ដែង ការគ្រប់គ្រងយើងសព្វថ្ងៃ មានតែពីរកោះនោះទេ គឺកោះរ៉ុង និងកោះរ៉ុងសំឡឹម ហើយនៅតាមបណ្ដាកោះផ្សេងៗ មានតែកម្លាំងកងទ័ពដែលលោកឈរជើងនៅទីនោះ»។
ថ្វីដ្បិតតែសង្កាត់កោះរ៉ុងសំឡឹមមានរដ្ឋបាលផ្ទាល់ខ្លួនយ៉ាងណាក៏ដោយ ក៏ភូមិមួយក្នុងចំណោមពីរភូមិរបស់កោះនេះ គឺភូមិកោះតូច ស្ថិតនៅលើដែនកោះរ៉ុង ដែលស្ថិតលើទីតាំងដាច់ពីគ្នា។
បញ្ហាប្រឈមគឺប្រជាពលរដ្ឋក្នុងភូមិកោះតូចត្រូវប្រើប្រាស់សេវារដ្ឋបាលនៅកោះរ៉ុងសំឡឹម ដែលជាការលំបាករបស់ប្រជាពលរដ្ឋក្នុងការធ្វើដំណើរ។លោកអភិបាលក្រុងកោះរ៉ុង បានពន្យល់ថា៖ «ការធ្វើដំណើរតាមទូកទៅទទួលសេវានៅកោះរ៉ុងសំឡឹមជួបហានិភ័យខ្លះចំពោះបញ្ហាអាកាសធាតុ»។
លោកបានថា ដើម្បីកាត់បន្ថយហានិភ័យ ការចំណាយលើការធ្វើដំណើរគ្រប់បែបយ៉ាងរបស់ប្រជាពលរដ្ឋ មន្ដ្រីសង្កាត់កោះរ៉ុងសំឡឹមតែងតែធ្វើដំណើរដោយផ្ទាល់មកកាន់កោះរ៉ុងដើម្បីផ្ដល់សេវាដល់ប្រជាពលរដ្ឋភូមិកោះតូចរបស់ខ្លួន។
ការអភិវឌ្ឍន៍ហេដ្ឋារចនាសម្ព័ន្ធ
គម្រោងហេដ្ឋារចនាសម្ព័ន្ធសំខាន់ៗបានគាំទ្រការផ្លាស់ប្តូររបស់កោះរ៉ុងទៅជាគោលដៅទេសចរណ៍ទំនើប។ ក្រុមហ៊ុន រ៉ូយ៉ាល់ គ្រុប បានសាងសង់ផ្លូវបេតុងប្រវែង ៤០ គីឡូម៉ែត្រជុំវិញកោះ ដោយបង្កើនការតភ្ជាប់រវាងភូមិរបស់ខ្លួន។អគ្គិសនីក៏ត្រូវបានពង្រីកពីតារ៉ាសាគរទៅកោះរ៉ុងដែរ បើទោះជាកោះរ៉ុងសំឡឹមនៅខ្វះអគ្គិសនីរដ្ឋក៏ដោយ។
ទោះបីជាមានការរីកចម្រើនទាំងនេះក៏ដោយ ក៏កោះនេះប្រឈមមុខនឹងបញ្ហាជាបន្តបន្ទាប់ ដូចជាកង្វះទឹកស្អាតក្នុងរដូវប្រាំង។លោកអភិបាល ប៊ុនថុល បានអំពាវនាវដល់ក្រុមហ៊ុនផ្គត់ផ្គង់ទឹកស្អាតដែលមានអាជ្ញាប័ណ្ណ ពន្លឿនការងាររបស់ខ្លួន ដើម្បីដោះស្រាយតម្រូវការដ៏សំខាន់នេះ។
សេវាថែទាំសុខភាពនៅលើកោះក៏មានភាពប្រសើរឡើងផងដែរ។ មណ្ឌលសុខភាពកោះរ៉ុង ផ្តល់ការថែទាំសង្គ្រោះបន្ទាន់ដល់ប្រជាពលរដ្ឋ និងភ្ញៀវទេសចរ។លោកបានឱ្យដឹងថា៖ «ក្នុងករណីធ្ងន់ធ្ងរ អ្នកជំងឺត្រូវបានបញ្ជូនទៅកាន់ខេត្តព្រះសីហនុ ដើម្បីព្យាបាលបន្ថែម គាំទ្រដោយក្រុមហ៊ុនទូកល្បឿនលឿនរបស់លោក ទៀ វិចិត្រ ដែលមានជំនាញក្នុងការដឹកជញ្ជូនជាបន្ទាន់»។
ឱកាសក្នុងវិស័យអប់រំ
ការអប់រំគឺជាចំណុចស្នូលសម្រាប់ការអភិវឌ្ឍន៍លើកោះរ៉ុង។ កោះនេះពីមុនមានអនុវិទ្យាល័យតែមួយ គឺអនុវិទ្យាល័យព្រៃស្វាយ ដែលបង្ខំសិស្សឱ្យធ្វើដំណើរទៅខេត្តព្រះសីហនុ ដើម្បីសិក្សានៅថ្នាក់វិទ្យាល័យ។
ជារឿយៗនេះនាំឱ្យមានអត្រាបោះបង់ការសិក្សាខ្ពស់ ដោយកុមារជាច្រើនបានចាប់យកការងារក្នុងវិស័យសំណង់ ឬទេសចរណ៍ជំនួសវិញ។លោក ប៊ុនថុល បានថ្លែងថា កន្លងមក សិស្សត្រូវធ្វើដំណើរទៅខេត្តព្រះសីហនុ ដើម្បីរៀននៅវិទ្យាល័យ ដោយបង្ខំឱ្យអ្នកខ្លះបោះបង់ចោលការសិក្សាពីព្រោះខ្វះលទ្ធភាព។
លោក ប៊ុនថុល បានថ្លែងថា៖ «បច្ចុប្បន្ននេះ អនុវិទ្យាល័យភូមិព្រែកស្វាយ ត្រូវបានតំឡើងទៅជាវិទ្យាល័យ ដែលមានអគារ ៤ខ្នង ក្រោមជំនួយរបស់ធនាគារពិភពលោក និងក្រសួងអប់រំ»។
ការផ្លាស់ប្តូរបរិស្ថាន និងសេដ្ឋកិច្ច
ការផ្លាស់ប្តូរពីការនេសាទទៅជាទេសចរណ៍បាននាំមកនូវឱកាស និងបញ្ហាប្រឈម។ បច្ចុប្បន្នអតីតអ្នកនេសាទជាច្រើនធ្វើការក្នុងវិស័យទេសចរណ៍ ដោយផ្តល់សេវាកម្ម ដូចជា ការដឹកជញ្ជូន មគ្គុទ្ទេសក៍ទេសចរណ៍ និងកន្លែងស្នាក់នៅ។
យុវជន ឈួន អាន អាយុ ១៦ឆ្នាំ ជាអ្នកបើកបរតាក់ស៊ី ដែលដឹកភ្ញៀវតាមរថយន្តភីកអាប់ឆ្លងកាត់កោះនោះ បាននិយាយថា ភាគច្រើនខ្លួនដឹកភ្ញៀវពីកំពង់ផែទៅកាន់គោលដៅផ្សេងៗនៅលើកោះ ជាពិសេសភូមិកោះតូច និងសហគមន៍អេកូទេសចរណ៍ព្រៃកោងកាងជាដើម។
យុវជន អាន បានប្រាប់ភ្នំពេញប៉ុស្តិ៍ថា៖ «ខ្ញុំបានឈប់រៀននៅថ្នាក់ទី ៦ និងធ្វើជាកម្មករសំណង់ មុនពេលខ្ញុំរៀនបើកឡាន ហើយចាប់ផ្តើមធ្វើការឱ្យជីតារបស់ខ្ញុំ»។
អាន បាននិយាយថា ខ្លួនចូលចិត្តធ្វើជាអ្នកបើកបរជាងការធ្វើជាអ្នកនេសាទ ព្រោះវាងាយស្រួល មិនប្រឈមគ្រោះថ្នាក់ និងរកចំណូលបានច្រើន។
អ្នកបើកបរដឹកភ្ញៀវរូបនេះ អាចរកប្រាក់បានចន្លោះពី ៤០ ទៅ ៧៥ ដុល្លារក្នុងមួយជើង អាស្រ័យលើទិសដៅដែលអតិថិជនពេញចិត្ត ជារឿយៗជាភ្ញៀវទេសចរដែលធ្វើដំណើរជាក្រុម។
យុវជនរូបនេះ បានបន្ដថា៖ «ប្រសិនបើខ្ញុំទៅនេសាទនៅសមុទ្រ ខ្ញុំត្រូវក្រោកនៅម៉ោង២ទៀបភ្លឺ ហើយត្រលប់មកវិញមុនពេលអាហារថ្ងៃត្រង់។ ថ្វីត្បិតតែក្នុងរដូវមិនសម្បូរភ្ញៀវ ខ្ញុំអាចដឹកភ្ញៀវពីរ-បីក្រុមក្នុងមួយសប្តាហ៍ដែរ ខ្ញុំនៅតែគិតថា វាប្រសើរជាងការនេសាទ។ ក្នុងរដូវកាលនេះ ជាពិសេសពេលចូលឆ្នាំខ្មែរ ខ្ញុំមានអតិថិជនជារៀងរាល់ថ្ងៃ»។
ខណៈពេលដែលវិស័យទេសចរណ៍បានលើកកម្ពស់ជីវភាពរស់នៅក្នុងស្រុក វាក៏បានបង្ហាញពីបញ្ហាប្រឈមផ្នែកបរិស្ថានផងដែរ។អនាម័យឆ្នេរត្រូវបានថែរក្សាជាប្រចាំ ប៉ុន្តែការគ្រប់គ្រងទឹកស្អុយនៅតែមិនគ្រប់គ្រាន់។ ជាឧទាហរណ៍ ភូមិកោះតូច បានជួបប្រទះនូវទឹកសម្អុយដែលហូរចូលទៅក្នុងសមុទ្រ ដែលបង្ហាញពីតម្រូវការបន្ទាន់សម្រាប់រោងចក្រប្រព្រឹត្តិកម្មទឹកស្អុយត្រឹមត្រូវ។
លោក ប៊ុនថុល បានថ្លែងថា៖ «ខ្ញុំសូមសំណើរដែរថា បើសិនជាយើងមានអាងប្រព្រឹត្ដិកម្ម វាពិតជាល្អ។ ជាការពិត ការសាងសង់របស់ប្រជាពលរដ្ឋត្រូវបានធ្វើឡើងចម្រុះ ដោយគ្មានស្ដង់ដាដោះស្រាយបញ្ហាចេញនោះទេ»៕
ប្រភព៖ ភ្នំពេញប៉ុស្តិ៍
អ្នកឈ្នះជ័យលាភីពានរង្វាន់ណូបែលសន្តិភាពឆ្នាំ ២០២៥នេះ គឺជាអ្នកនយោបាយវេណេស៊ុយអេឡា លោកស្រី Maria Corina Machado ។ លោកស្រីត្រូវបានគេទទួលស្គាល់សម្រាប់ការងារឥតនឿយហត់របស់លោកស្រី ក្នុងការលើកកម្ពស់សិទ្ធិប្រជាធិបតេយ្យសម្រាប់ប្រជាពលរដ្ឋវេណេស៊ុយអេឡា ហើយនិងការប្រឹងប្រែងរបស់លោកស្រី ក្នុងការសម្រេចបានការផ្លាស់ប្តូរដោយសន្តិភាព និងយុត្តិធម៌ពីរបបផ្តាច់ការ ទៅជាលទ្ធិប្រជាធិបតេយ្យ ។
ចំណែកឯប្រធានាធិបតីសហរដ្ឋអាមេរិកលោក Donald Trump បាននាំមុខយុទ្ធនាការសាធារណៈ ដើម្បីឈ្នះរង្វាន់មួយនេះ ប៉ុន្តែការតែងតាំងបានបិទបញ្ចប់កាលពីខែមករា នៅពេលចាប់ផ្តើមអាណត្តិទី២របស់លោកនៅសេតវិមាន ។គណៈកម្មាធិការណូបែលន័រវេស និយាយថា លោកស្រី Machado មានគ្រប់លក្ខណៈវិនិច្ឆ័យទាំងអស់ដែលបានដាក់ចេញដោយលោក Alfred Nobel សម្រាប់រង្វាន់មួយនេះ ។
លោកស្រីបានធ្វើឲ្យក្រុមប្រឆាំងវេណេស៊ុយអេឡារួបរួមគ្នា ប្រកាន់ភ្ជាប់ការគាំទ្ររបស់លោកស្រីសម្រាប់ការផ្លាស់ប្តូរដោយសន្តិវិធីឆ្ពោះទៅរកលទ្ធិប្រជាធិបតេយ្យ ។បើតាមគណៈកម្មាធិការណូបែលន័រវេស លោកស្រី Machado បានបង្ហាញថា អាវុធលទ្ធិប្រជាធិបតេយ្យ គឺជាអាវុធសម្រាប់សន្តិភាពផងដែរ ។ ម្ចាស់ជ័យលាភីតំណាងឲ្យក្តីសង្ឃឹមសម្រាប់អនាគត ជាទីដែលសិទ្ធិពលរដ្ឋត្រូវបានការពារ ។
សូមបញ្ជាក់ថា វ៉េណេស៊ុយអេឡាបានវិវត្តន៍ពីប្រទេសប្រជាធិបតេយ្យ និងប្រកបដោយវិបុលភាព ទៅជារដ្ឋផ្តាច់ការ និងឃោរឃៅដែលបច្ចុប្បន្នកំពុងជួបវិបត្តិមនុស្សធម៌ និងសេដ្ឋកិច្ច ។ ភាគច្រើននៃពលរដ្ឋវេណេស៊ុយអេឡា រស់នៅក្នុងភាពក្រីក្រយ៉ាងខ្លាំង។ មនុស្សជិត ៨លាននាក់ បានចាកចេញពីប្រទេស ហើយក្រុមប្រឆាំងត្រូវបានគាបសង្កត់ជាប្រព័ន្ធតាមរយៈមធ្យោបាយជាច្រើន រួមទាំងការក្លែងបន្លំសន្លឹកឆ្នោត ការកាត់ទោសតាមផ្លូវច្បាប់ និងការដាក់ពន្ធនាគារ ៕
ពត៌មានទូទៅ
Trump ផ្ញើលិខិតទៅនាយករដ្ឋមន្ត្រីថៃ ឱ្យដោះស្រាយជម្លោះព្រំដែនជាមួយកម្ពុជា
នាយករដ្ឋមន្ត្រីថៃ លោក Anutin Charnvirakul បាននិយាយនៅថ្ងៃព្រហស្បតិ៍ ទី៩ ខែតុលា នេះថា ប្រធានាធិបតីសហរដ្ឋអាមេរិក លោក Donald Trump បានផ្ញើលិខិតមួយមកកាន់ខ្លួនដោយនិយាយថា លោកចង់ឃើញ ថៃ និងអ្នកជិតខាងរបស់ខ្លួនគឺប្រទេសកម្ពុជា ដោះស្រាយភាពតានតឹងនៅតាមព្រំដែន៕
ពត៌មានទូទៅ
ក្រុមហ៊ុនម្សៅលាបខ្លួនទារក J&J នៅអាមេរិក ត្រូវបង់ពិន័យជិត ១ពាន់លានដុល្លារ ក្នុងសំណុំរឿងបង្កមហារីក
គណៈវិនិច្ឆ័យនៅទីក្រុង Los Angeles របស់សហរដ្ឋអាមេរិក បានរកឃើញថា ក្រុមហ៊ុន Johnson & Johnson (ហៅកាត់ថា J&J) មានកំហុស ហើយត្រូវបង់ប្រាក់ចំនួន ៩៦៦លានដុល្លារ ដល់គ្រួសារស្ត្រីម្នាក់ ដែលស្លាប់ដោយសារជំងឺមហារីកកោសិការ មេសូតេលីយ៉ូម៉ា (Mesothelioma) ក្នុងការកាត់ក្ដីចុងក្រោយបំផុតដែលចោទថា ផលិតផលម្សៅលាបខ្លួនទារកផ្អែកលើសារធាតុម្យ៉ាងឈ្មោះ ថាក (Talc) របស់ក្រុមហ៊ុននេះ បណ្តាលឱ្យមានជំងឺមហារីក។
ក្រុមគ្រួសាររបស់ស្រ្តីរងគ្រោះឈ្មោះ Mae Moore ជាអ្នកស្រុករដ្ឋកាលីហ្វ័រនីញ៉ា ដែលស្លាប់នៅអាយុ ៨៨ឆ្នាំ ក្នុងឆ្នាំ២០២១ បានប្តឹងក្រុមហ៊ុនក្នុងឆ្នាំដដែលនេះ ដោយអះអាងថា ផលិតផលម្សៅលាបខ្លួនទារកប្រភេទ Talc របស់ J&J មានផ្ទុកជាតិរ៉ែម្យ៉ាងឈ្មោះ អាបស្តូស (Asbestos) ដែលបណ្តាលឱ្យកើតជំងឺមហារីក។
កាលពីថ្ងៃចន្ទ គណៈវិនិច្ឆ័យបានបញ្ជាឱ្យ J&J បង់ប្រាក់សំណង ១៦លានដុល្លារ និងប្រាក់ពិន័យ ៩៥០លានដុល្លារ នេះបើយោងតាមឯកសារតុលាការ។
លោក Erik Haas អនុប្រធានផ្នែកវិវាទសកលរបស់ J&J បាននិយាយថា ក្រុមហ៊ុនគ្រោងប្តឹងឧទ្ធរណ៍ភ្លាមៗ ដោយហៅសាលក្រមនេះថា “គួរឱ្យភ្ញាក់ផ្អើល និងមិនស្របតាមរដ្ឋធម្មនុញ្ញ”។
ក្រុមហ៊ុននិយាយថា ផលិតផលរបស់ខ្លួនមានសុវត្ថិភាពណាស់ មិនមានផ្ទុកសារធាតុអាបស្តូស និងមិនបង្កមហារីកនោះទេ។ J&J បានឈប់លក់ម្សៅលាបខ្លួនកូនក្មេងដែលផ្អែកលើសារធាតុ Talc នៅសហរដ្ឋអាមេរិក ក្នុងឆ្នាំ២០២០ ដោយប្តូរទៅប្រើប្រភេទផ្សេងជំនួសវិញ។
គួរឱ្យដឹងថា ក្រុមហ៊ុន J&J កំពុងប្រឈមនឹងការប្តឹងផ្តល់ពីដើមបណ្តឹងជាង ៦៧.០០០នាក់ ដែលអះអាងថា ពួកគេត្រូវធ្វើរោគវិនិច្ឆ័យឃើញថាមានជំងឺមហារីក បន្ទាប់ពីប្រើម្សៅលាបខ្លួនទារក និងផលិតផលមានសារធាតុ Talc ផ្សេងទៀត របស់ក្រុមហ៊ុននេះ។ នេះបើយោងតាមឯកសាររបស់តុលាការ។
J&J បានព្យាយាមដោះស្រាយវិវាទតាមរយៈការប្រកាសក្ស័យធន ប៉ុន្តែសំណើនោះត្រូវបានច្រានចោល ៣ដងមកហើយដោយតុលាការសហព័ន្ធ៕
អ្នកនយោបាយវេណេស៊ុយអេឡា Maria Corina Machado ទទួលពានណូបែលសន្តិភាព
Trump ផ្ញើលិខិតទៅនាយករដ្ឋមន្ត្រីថៃ ឱ្យដោះស្រាយជម្លោះព្រំដែនជាមួយកម្ពុជា
ក្រុមហ៊ុនម្សៅលាបខ្លួនទារក J&J នៅអាមេរិក ត្រូវបង់ពិន័យជិត ១ពាន់លានដុល្លារ ក្នុងសំណុំរឿងបង្កមហារីក
-
ចំណេះដឹងទូទៅ7 months agoចាក់ «បំណិនជីវិត» ចូលទៅកុមារកុំឲ្យធុញទ្រាន់នឹងការរៀនសូត្រ
-
កម្សាន្ត7 months ago«ទាក់ដំរី»
-
ពត៌មានទូទៅ7 months agoអ្នករស់នៅក្នុងសំណង់អតីតសណ្ឋាគារអង្គរមានជ័យ តម្រូវឱ្យចាកចេញជាបន្ទាន់!
-
កម្សាន្ត6 months agoវិចារណកថា ! « សាទរឆ្នាំថ្មី ភាពជោគជ័យ និងផលជះដល់សង្គម »
-
សង្គម និងការអប់រំ5 months agoព្រះសក្យមុនីចេតិយ !
-
កម្សាន្ត7 months agoប្រវត្តិ និងការហាត់រៀនរបាំក្ងោកសិល្ប៏ នៅសាលាមធ្យមវិចិត្រសិល្បះ
-
ចំណេះដឹងទូទៅ7 months agoការបង្ហាត់បង្រៀនកុមារអំពីរបៀបដើរឆ្លងផ្លូវ
-
ពត៌មានទូទៅ5 months agoកម្ពុជាបានក្លាយជាប្រធានប្ដូរវេណ សន្ធិសីទ្ធអន្តរជាតិ ស្ដីអំពីដើមសម័យប្រវត្តិសាស្រ្ដរបស់អាស៊ីអាគ្នេយ៍