ហេតុអ្វីអាម៉េរិកមិន​​បង្ហាញ​អំពី «ខ្យល់​ពុល» ក្រោយ​ហេតុការណ៍ភារវកម្ម 9/11 នៅអាគារភ្លោះ ដែលសម្លាប់មនុស្សជិត ៣ ពាន់នាក់អាមេរិក?

ការចេញផ្សាយនេះធ្វើឡើងមុនខួបលើកទី ២៥ នៃការវាយប្រហារថ្ងៃទី ១១ ខែកញ្ញា ឆ្នាំ ២០០១ ដែលបានសម្លាប់មនុស្ស ២,៩៧៧ នាក់នៅសហរដ្ឋអាមេរិក ភាគច្រើនបណ្តាលមកពីការដួលរលំនៃអគារភ្លោះនៅទីក្រុងញូវយ៉ក។

ក្នុងរយៈពេលប៉ុន្មានឆ្នាំចាប់តាំងពីពេលនោះមក មនុស្សជាង ៩,៤០០ នាក់បានស្លាប់ដោយសារជំងឺដែលទាក់ទងនឹងការប៉ះពាល់នឹងតំបន់នេះ នេះបើយោងតាមកម្មវិធីត្រួតពិនិត្យវេជ្ជសាស្ត្រសហព័ន្ធ។

«ទាំងនេះគឺជាឯកសារដែលបង្ហាញពីអ្វីដែលទីក្រុងដឹងអំពីខ្យល់ពុលនៅជុំវិញ Ground Zero ពេលណាដែលពួកគេដឹង និងរបៀបដែលពួកគេបានធ្វើសកម្មភាពដើម្បីកំណត់ការទទួលខុសត្រូវ» នេះបើតាមការលើកឡើងរបស់លោកអភិបាលក្រុងបានបញ្ជាក់បន្ទាប់ពីការចេញផ្សាយតាមអ៊ីនធឺណិតនៃឯកសារចំនួន ១៧០,០០០ ទំព័រស្តីពីកង្វល់សុខភាព គុណភាពខ្យល់ និងការឆ្លើយតបរបស់ទីក្រុងចំពោះការវាយប្រហារ។

ការចេញផ្សាយនេះគឺជាផ្នែកមួយនៃកិច្ចព្រមព្រៀងជាមួយ 9/11 Health Watch ដែលជាក្រុមតស៊ូមតិរបស់ជនរងគ្រោះដែលបានចាត់វិធានការផ្លូវច្បាប់ដើម្បីបង្ខំទីក្រុងឱ្យផ្សព្វផ្សាយឯកសារទាំងនេះជាសាធារណៈ។

លោក Benjamin Chevat បានលើកឡើងថា «អស់រយៈពេល ២៥ ឆ្នាំមកហើយ រដ្ឋបាលអភិបាលក្រុងចំនួនបួនផ្សេងគ្នាបានលាក់បាំងពីសាធារណជន សភាសហរដ្ឋអាមេរិក និងឯកសារក្រុមប្រឹក្សាក្រុងដែលបង្ហាញពីអ្វីដែលទីក្រុងពិតជាដឹងអំពីគ្រោះថ្នាក់នៃសារធាតុគីមីពុលនៅក្នុងតំបន់ Lower Manhattan និង Western Brooklyn បន្ទាប់ពីការដួលរលំនៃមជ្ឈមណ្ឌលពាណិជ្ជកម្មពិភពលោក ទោះបីជាមន្ត្រីក្រុងបានបន្តផ្ញើសារទៅកាន់សាធារណជនថាខ្យល់គឺ «មានសុវត្ថិភាព និងអាចទទួលយកបានក៏ដោយ»។

បន្ទាប់ពីពពកធូលីដំបូងដែលបានកើតឡើងបន្ទាប់ពីការដួលរលំនៃមជ្ឈមណ្ឌលពាណិជ្ជកម្មពិភពលោក ការបំពុល និងធូលីដីជាច្រើនខែបានកើតឡើង ដែលបណ្តាលឱ្យកើតជំងឺមហារីកធ្វើឱ្យប្រជាជនញូវយ៉ករាប់ពាន់នាក់នៅតែរងទុក្ខរហូតមកដល់សព្វថ្ងៃនេះ។

គូសបញ្ជាក់ថានៅថ្ងៃទី ១១ ខែកញ្ញា ឆ្នាំ ២០០១ ក្រុមភារវករអាយស៊ីស (ISIS) បានប្លន់យន្តហោះដណ្តើមយកការគ្រប់គ្រងយន្តហោះពីរគ្រឿងហើយបានវាយប្រហារអគារមជ្ឈមណ្ឌលពាណិជ្ជកម្មពិភពលោកពីរ។ យន្តហោះទីបីដែលត្រូវបានប្លន់បានបុកចូលអគារ Pentagon ហើយយន្តហោះទីបួន ដែលហាក់ដូចជាកំពុងធ្វើដំណើរទៅកាន់វិមានកាពីតូល ឬសេតវិមាន ប៉ុន្តែបានធ្លាក់នៅក្នុងព្រៃក្បែរ Shanksville រដ្ឋ Pennsylvania បន្ទាប់ពីអ្នកដំណើរបានវាយបក និងដណ្តើមយកការគ្រប់គ្រងវិញ៕