ព័ត៌មានអន្តរជាតិ
ស្តេចនៃប្រទេសន័រវេស បានសោយទិវង្គតក្នុងព្រះជន្ម ៨៩ព្រះវស្សា
ព្រះបរមរាជវាំងប្រទេសន័រវេសស្ថិតនៅតំបន់អឺរ៉ុបខាងជើង បានប្រកាសនៅថ្ងៃសុក្រនេះថា ព្រះមហាក្សត្រ ព្រះនាម Harald V បានសោយទិវង្គតក្នុងព្រះជន្មាយុ ៨៩ព្រះវស្សា។ នេះបើយោងតាមសារព័ត៌មាន RT របស់រុស្ស៊ី ផ្សាយនៅថ្ងៃទី២៨ ខែសីហា ឆ្នាំ២០២៦ ។
យោងតាមរាជវាំងនៃប្រទេសន័រវេស ព្រះមហាក្សត្របានសោយទិវង្គតដោយស្ងាប់ស្ងាត់នៅមន្ទីរពេទ្យមួយក្នុងរដ្ឋធានី Oslo ប្រទេសន័រវេស នៅវេលាម៉ោង ៦:៣៥នាទីព្រឹក។
ព្រះអង្គ Harald ត្រូវបានបញ្ជូនទៅមន្ទីរពេទ្យដោយសារជំងឺ កាលពីថ្ងៃទី១៧ ខែសីហា ក្រោយព្រះរាជសុខភាពរបស់ទ្រង់កាន់តែយ៉ាប់យ៉ឺន អំឡុងពេលព្យាបាល ដោយស្ថានភាពរបស់ព្រះអង្គត្រូវបានពិពណ៌នាថា «ធ្ងន់ធ្ងរខ្លាំង» កាលពីថ្ងៃព្រហស្បតិ៍។
ជាមួយគ្នា សមាជិកនៃគ្រួសាររាជវង្សានុវង្ស បានលុបចោលការចូលរួមកម្មវិធីផ្សេងៗជាផ្លូវការដោយងាកមកក្បែរព្រះរាជក្រឡាបន្ទុំរបស់ព្រះអង្គ អំឡុងពេលថ្ងៃចុងក្រោយ ខណៈមនុស្សម្នាកំពុងដាក់ថ្វាយផ្កានៅខាងក្រៅព្រះបរមរាជវាំង៕