ការវាយប្រហាររាប់សិបកន្លែងនៅភាគខាងត្បូងធ្វើឱ្យប្រទេសថៃចលាចល

យោធាបាននិយាយថា ការវាយប្រហារដោយដុតបំផ្លាញរាប់សិបកន្លែងនៅទូទាំងភាគខាងត្បូងដែលរងការវាយប្រហារដោយក្រុមឧទ្ទាមរបស់ប្រទេសថៃនៅចុងថ្ងៃសៅរ៍បានបណ្តាលឱ្យមនុស្សយ៉ាងហោចណាស់ ៣ នាក់រងរបួស និងទ្រព្យសម្បត្តិរដ្ឋ។
យោងតាមបញ្ជាការប្រតិបត្តិការសន្តិសុខផ្ទៃក្នុងរបស់យោធា (ISOC)បានឱ្យដឹងថា ការិយាល័យរដ្ឋាភិបាលមូលដ្ឋានជាច្រើន និងយានយន្តជាច្រើនត្រូវបានខូចខាត ឬបំផ្លាញនៅក្នុងការវាយប្រហារចំនួន ៥១ កន្លែង។

អ្នកពន្លត់អគ្គីភ័យបានធ្វើការពន្លត់សំបកកង់ដែលកំពុងឆេះដែលទុកចោលនៅកណ្តាលផ្លូវ និងអណ្តាតភ្លើងនៅក្នុងហាង 7-Eleven ខណៈមន្ត្រីប៉ូលីសបានផ្លូវមិនឱ្យអ្នកបើកបរឆ្លងកាត់។

«ឧប្បត្តិហេតុជាច្រើនដែលមានគោលបំណងបង្កើតភាពចលាចលបានកើតឡើងនៅក្នុងទីតាំងផ្សេងៗគ្នានៅទូទាំងខេត្តព្រំដែនភាគខាងត្បូង» ចាប់ពីម៉ោងប្រហែល ៨:០០ យប់រហូតដល់ពាក់កណ្តាលអធ្រាត្រថ្ងៃសៅរ៍ នេះបើយោងតាមសេចក្តីថ្លែងការណ៍របស់ ISOC។

ភាគច្រើនគឺនៅក្នុងខេត្តណារ៉ាធីវ៉ាត ជាកន្លែងដែលជនស៊ីវិលបីនាក់បានរងរបួស និងការដាក់បម្រាមគោចរពេញមួយយប់ ខណៈដែលការវាយប្រហារផ្សេងទៀតបានកើតឡើងនៅក្នុងខេត្តយ៉ាឡា និងប៉ាតានី។

ចាប់តាំងពីឆ្នាំ ២០០៤ ជម្លោះមួយបានផ្ទុះឡើងនៅក្នុងខេត្តភាគខាងត្បូងបំផុតនៃប្រទេសថៃដែលមានប្រជាជនភាគច្រើនកាន់ព្រះពុទ្ធសាសនា ដោយបានសម្លាប់មនុស្សជាង ៧.០០០ នាក់ ខណៈដែលពួកឧទ្ទាមនៅក្នុងតំបន់ដែលមានប្រជាជនភាគច្រើនកាន់សាសនាអ៊ីស្លាមប្រយុទ្ធដើម្បីស្វ័យភាពកាន់តែច្រើន។

បើទោះបីជាយ៉ាងណាក៏ដោយ គ្មានក្រុមណាមួយអះអាងទទួលខុសត្រូវចំពោះការវាយប្រហារនៅថ្ងៃសៅរ៍នោះទេ។

គូសបញ្ជាក់ថា លោកនាយករដ្ឋមន្ត្រីថៃ អនុទីន ឆានវីរៈគុល និងសមាជិកគណៈរដ្ឋមន្ត្រីរបស់លោកគ្រោងនឹងធ្វើដំណើរទស្សនកិច្ចរយៈពេលពីរថ្ងៃទៅកាន់ទីក្រុងហាតយ៉ៃ ភាគខាងត្បូងខេត្តសុងក្លា នៅសប្តាហ៍ក្រោយ ដើម្បីពិភាក្សាអំពីគម្រោងវិនិយោគ ការបង្ការទឹកជំនន់ និងបញ្ហាសន្តិសុខ នេះបើយោងតាមការិយាល័យរបស់លោក៕