ព័ត៌មានអន្តរជាតិ
ចំនួនអ្នកស្លាប់កើនឡើងដល់ជាង ៦០០០នាក់ ដោយសាររញ្ជួយដីនៅវេណេស៊ុយអេឡា
លោក Jorge Rodriguez ប្រធានរដ្ឋសភាបានឱ្យដឹងនៅថ្ងៃទី៤ ខែសីហានេះថា រញ្ជួយដីពីរលើកដែលបានបំផ្លាញប្រទេសវេណេស៊ុយអេឡាក្នុងខែមិថុនាបានសម្លាប់មនុស្សចំនួន ៦១២៥នាក់។
តួលេខដែលបានធ្វើបច្ចុប្បន្នភាពនេះកើតឡើងបន្ទាប់ពីការរញ្ជួយដីកម្រិត ៧.២ និង ៧.៥ រ៉ិចទ័របានវាយប្រហារនៅថ្ងៃទី២៤ ខែមិថុនា ដែលបណ្តាលឱ្យអគារជិត ២០០ ដួលរលំ ភាគច្រើននៅក្នុងរដ្ឋឆ្នេរសមុទ្រ La Guaira ដែលរងគ្រោះខ្លាំងបំផុត។
បច្ចុប្បន្ននេះ ក្រុមជួយសង្គ្រោះ និងសមាជិកគ្រួសារនៅតែបន្តរុះរើតាមគំនរបាក់បែកដើម្បីស្វែងរកជនរងគ្រោះ និងមនុស្សជាទីស្រលាញ់ ដោយមានមនុស្សជិត ១៧.០០០នាក់រងរបួសនៅក្នុងការរញ្ជួយដីនេះ។
យោងតាមអភិបាលខេត្ត La Guaira លោក Jose Alejandro Teran បានបញ្ជាក់ថា មនុស្សប្រហែល ១.៤០០នាក់នៅតែបាត់ខ្លួនបន្ទាប់ពីគ្រោះមហន្តរាយនេះ។
យ៉ាងណាក៏ដោយ រដ្ឋាភិបាលមិនបានបង្ហាញឱ្យដឹងទេថាមានមនុស្សប៉ុន្មាននាក់បាត់ខ្លួន ប៉ុន្តែការព្យាករណ៍របស់អ្នកជំនាញបានដាក់តួលេខនេះរហូតដល់ ១០,០០០ នាក់។
គូសបញ្ជាក់ថា មនុស្សជិត ២៤,០០០ នាក់នៅរដ្ឋ La Guaira និង Caracas កំពុងរស់នៅក្នុងជម្រកបណ្តោះអាសន្នបន្ទាប់ពីការរញ្ជួយដី៕