ព័ត៌មានអន្តរជាតិ
លោកLula ទទួលបានការតែងតាំងជាបេក្ខជនប្រធានាធិបតីលើកទី៧ របស់ប្រេស៊ីល
ប្រធានាធិបតីប្រេស៊ីល លោក Luiz Inacio Lula da Silva បានទទួលយកការតែងតាំងជាបេក្ខជនប្រធានាធិបតីលើកទីប្រាំពីរ និងទំនងជាលើកចុងក្រោយរបស់លោក កាលពីថ្ងៃទី២ ខែសីហា នៅក្នុងសមាជគណបក្សពលករនៅទីក្រុង Sao Paulo ខណៈមេដឹកនាំអាយុ៨០ឆ្នាំរូបនេះ ប្រឈមនឹងសម្ពាធកាន់តែខ្លាំងឡើងពីការជ្រៀតជ្រែកពីបរទេស នៅមុនការបោះឆ្នោតខែតុលា។
គូប្រជែងរបស់លោក Lula គឺសមាជិកព្រឹទ្ធសភា លោក Flavio Bolsonaro ជាកូនប្រុសរបស់អតីតប្រធានាធិបតី Jair Bolsonaro ដែលកំពុងជាប់ពន្ធនាគារ ទទួលបានការគាំទ្រជាសាធារណៈពីសមាជិកនៃរដ្ឋបាលរបស់ប្រធានាធិបតីសហរដ្ឋអាមេរិក លោក Donald Trump ប្រធានាធិបតីអាហ្សង់ទីនលោក Javier Milei និងនាយករដ្ឋមន្ត្រីអ៊ីស្រាអែលលោក Benjamin Netanyahu។
ក្នុងអំឡុងថ្លែងសុន្ទរកថា លោក Lula បានសន្យាថានឹងពង្រឹងឧស្សាហកម្មការពារជាតិរបស់ប្រទេសប្រេស៊ីល និងការពារធនធានរ៉ែកម្ររបស់ខ្លួន។ ប្រធានគណបក្សពលករ លោក Edinho Silva បានព្រមានពី ការជ្រៀតជ្រែកពីបរទេសបង្កហានិភ័យដល់ការបោះឆ្នោតរបស់ប្រទេសប្រេស៊ីល ដោយនិយាយថា ប្រទេសអាហ្សង់ទីន ប៉ារ៉ាហ្គាយ ឈីលី ប៉េរូ អេក្វាឌ័រ និងប្រទេសកូឡុំប៊ី ថ្មីៗនេះបានជ្រើសរើសប្រធានាធិបតីដែលបំផុសគំនិតដោយលោក Trump៕