នាយករដ្ឋមន្ត្រីនេប៉ាល់ជំរុញឱ្យមានភាពស្ងប់ស្ងាត់ ក្រោយភាពចលាចលក្រុមកាន់សាសនាហិណ្ឌូ និងមូស្លីម

នាយករដ្ឋមន្ត្រីនេប៉ាល់ លោក Balendra Shah បានអំពាវនាវឱ្យមានភាពស្ងប់ស្ងាត់ បន្ទាប់ពីការប៉ះទង្គិចគ្នារវាងក្រុមអ្នកកាន់សាសនា ហិណ្ឌូ និងមូស្លីម នៅភាគខាងត្បូងប្រទេស បានបណ្តាលឱ្យមនុស្សបីនាក់ស្លាប់។

លោក Shah ដែលកម្របង្ហាញខ្លួនជាសាធារណៈចាប់តាំងពីឡើងកាន់តំណែងកាលពីខែមីនា បានបំបែកភាពស្ងៀមស្ងាត់នោះកាលពីថ្ងៃព្រហស្បតិ៍ ៣០កក្កដាសប្ដាហ៍នេះ ជាមួយនឹងសុន្ទរកថាដ៏សំខាន់លើកដំបូងរបស់លោកទៅកាន់ប្រទេសជាតិ។ លោកបានជំរុញឱ្យប្រជាពលរដ្ឋធ្វើសកម្មភាពដោយមានការទទួលខុសត្រូវ និងជួយលុបបំបាត់ភាពចលាចល។
លោក Shah ដែលកម្របង្ហាញខ្លួនជាសាធារណៈចាប់តាំងពីឡើងកាន់តំណែងកាលពីខែមីនា បានបំបែកភាពស្ងៀមស្ងាត់នោះកាលពីថ្ងៃព្រហស្បតិ៍ ៣០កក្កដាសប្ដាហ៍នេះ ជាមួយនឹងសុន្ទរកថាដ៏សំខាន់លើកដំបូងរបស់លោកទៅកាន់ប្រទេសជាតិ។ លោកបានជំរុញឱ្យប្រជាពលរដ្ឋធ្វើសកម្មភាពដោយមានការទទួលខុសត្រូវ និងជួយលុបបំបាត់ភាពចលាចល។
ក្រុមមន្ត្រីបាននិយាយថា អំពើហិង្សាបានចាប់ផ្តើមកាលពីថ្ងៃអាទិត្យនៅក្នុងភូមិមួយក្នុងស្រុក Sunsari ជិតព្រំដែនឥណ្ឌា បន្ទាប់ពីជម្លោះរវាងហិណ្ឌូសាសនិក និងមូស្លីមសាសនិកមួយចំនួនដោយសារសំឡេងតន្ត្រីលឺខ្លាំងៗ និងទង់សាសនាក្នុងអំឡុងពេលដង្ហែក្បួនសាសនាហិណ្ឌូ។ នគរបាលបានបើកការបាញ់ប្រហារដើម្បីបំបែកហ្វូងមនុស្ស ដោយបានសម្លាប់បុរសពីរនាក់ នេះបើយោងតាមអ្នកនាំពាក្យនគរបាល លោក Abi Narayan Kafle។ បុរសទីបីបានស្លាប់កាលពីថ្ងៃព្រហស្បតិ៍ក្នុងអំឡុងពេលតវ៉ាមួយនៅក្នុងស្រុក Siraha ក្បែរនោះ ទោះបីជាមានការអនុវត្តបម្រាមគោចរក៏ដោយ។
ក្រុមអាជ្ញាធរបានដាក់បម្រាមគោចរនៅទូទាំងស្រុក Sunsari និងស្រុកជិតខាង ដើម្បីទប់ស្កាត់ការប៉ះទង្គិចគ្នាបន្ថែមទៀត។
លោក Shah បានថ្លែងថារូបលោក ក្នុងនាមរដ្ឋាភិបាល សូមអំពាវនាវដោយស្មោះអស់ពីចិត្តដល់ប្រជាពលរដ្ឋ សង្គមស៊ីវិល សហគមន៍សាសនា ថ្នាក់ដឹកនាំដ៏គួរឱ្យគោរពទាំងអស់ គណបក្សនយោបាយទាំងអស់ និងប្រព័ន្ធផ្សព្វផ្សាយដែលមានទំនួលខុសត្រូវ សូមរក្សាភាពអត់ធ្មត់ ព្រមទាំងរក្សាសន្តិភាព សុខដុមរមនា ភាតរភាព និងឯកភាពជាតិ៕