ព័ត៌មានអន្តរជាតិ
មីយ៉ាន់ម៉ានឹងទទួលយកជនភៀសខ្លួនរ៉ូហ៊ីងយ៉ា ៥.០០០ នាក់ពីប្រទេសម៉ាឡេស៊ីត្រឡប់ទៅវិញ
10 Views
លោក Datuk Seri Anwar Ibrahim បានអះអាងថា ប្រទេសមីយ៉ាន់ម៉ាបានយល់ព្រមទទួលយកជនភៀសខ្លួនរ៉ូហ៊ីងយ៉ាចំនួន ៥,០០០ នាក់ទៅវិញបន្ទាប់ពីការចរចាររវាងប្រទេសទាំងពីរ។ នាយករដ្ឋមន្ត្រីម៉ាឡេស៊ីក៏បានបន្ថែមថា មីយ៉ាន់ម៉ាក៏បានយល់ព្រមទទួលជនជាតិរ៉ូហ៊ីងយ៉ាចំនួន ៣០០,០០០ នាក់ពីបង់ក្លាដែសផងដែរ។
លោក Anwar បានសង្កត់ធ្ងន់ថា ម៉ាឡេស៊ីនឹងមិនអត់ធ្មត់ចំពោះជនភៀសខ្លួនរ៉ូហ៊ីងយ៉ា ដែលរំខានដល់សណ្តាប់ធ្នាប់សាធារណៈឡើយ ដោយលោកបានណែនាំដល់អគ្គអធិការនគរបាល ឱ្យចាត់វិធានការយ៉ាងម៉ឺងម៉ាត់ចំពោះអ្នកដែលបង្កការរំខាននៅទីសាធារណៈ៕