ពលរដ្ឋរិះគន់នាយករដ្ឋមន្ត្រីថៃ ដោយសារច្រៀងចម្រៀងតៃវ៉ាន់លើទឹកដីប្រទេសចិន

សាធារណជនថៃ កំពុងរិះគន់យ៉ាងខ្លាំងក្លាលើនាយករដ្ឋមន្ត្រីថៃ ​លោក អានុទីន ចំពោះការច្រៀងចម្រៀង Tian Mi Mi (ទឹកឃ្មុំផ្អែម)របស់តារាចម្រៀងតៃវ៉ាន់ លោក Teresa Teng ក្នុងពិធីអាហារថ្ងៃត្រង់ដែលរៀបចំដោយនាយករដ្ឋមន្ត្រីចិនលោក Li Qiang នៅទីក្រុងប៉េកាំង កាលពីថ្ងៃទី២១ ខែកក្កដានេះ។

អត្ថន័យនៃបទចម្រៀង Tian Mi Mi នេះត្រូវបានប្រើជាទម្រង់នៃសង្គ្រាមសូរស័ព្ទដោយតៃវ៉ាន់ប្រឆាំងនឹងប្រទេសចិន។ ពីព្រោះជាក់ស្តែងលោក Teresa Teng គឺជាអ្នកគាំទ្រផ្កាប់មុខប្រធានាធិបតីដែលបានទទួលមរណភាព។ បញ្ហាចម្បងគឺលទ្ធិកុម្មុយនិស្តចិនចាត់ទុកតន្ត្រីនេះថាជាអាភៀនសម្រាប់ចិត្ត និងព្រលឹង។

បន្ទាប់ពីរងការរិះគន់ខ្លាំងៗ លោក Sihasak Phuangketkeow ឧបនាយករដ្ឋមន្ត្រី និងជារដ្ឋមន្ត្រីការបរទេស បានជំរុញឱ្យសាធារណជនកុំយកការសម្តែងបទចម្រៀងបុរាណតៃវ៉ាន់ Tian Mi Mi របស់នាយករដ្ឋមន្ត្រី Anutin Charnvirakul មកធ្វើនយោបាយ។ លោកអះអាងថាវាគ្រាន់តែជាបទចម្រៀងមួយដែលពេញនិយមសម្រាប់មនុស្សគ្រប់ជំនាន់។

បន្ថែមពីនោះ នាយរដ្ឋមន្ត្រីថៃ អានុទីន ក៏បាននិយាយថាអ្នកដែលគ្មានតន្ត្រីនៅក្នុងបេះដូងគឺជាមនុស្សចម្លែក។​ លោកគូសបញ្ជាក់ថា «អ្នកដែលគ្មានតន្ត្រីនៅក្នុងចិត្តរបស់ពួកគេពិតជាមនុស្សចម្លែកមែន»។ ប៉ុន្តែមិនបានលម្អិតពីអត្ថន័យពិតប្រាដកនៃបទចម្រៀងនេះឡើយ។

គូសបញ្ជាក់ថា នេះជាយុទ្ធសាស្រ្តមួយរបស់ថៃ ដែលប្រើ«ចម្រៀងការទូត» ដើម្បីទាក់ទាញចំណាប់អារម្មណ៍ និងការកោតសរសើរពីមហាជន ប៉ុន្តែបើជាទទួលបានការរិះគន់ពីសំណាក់ប្រជាជនថៃទៅវិញ ក្នុងអំឡុងពេលអាហារថ្ងៃត្រង់ផ្លូវការដែលរៀបចំដោយនាយករដ្ឋមន្ត្រីចិន លី ឈៀង នៅសាលប្រជុំប្រជាជនក្នុងទីក្រុងប៉េកាំង៕