ពត៌មានទូទៅ
អតិថិជន ១៤រូបទៀតហើយទទួលបានកាដូសំណាង ទឹកត្រចៀកកាំ ចេ.រ៉ូយ៉ាល់
ក្រុមហ៊ុនទឹកត្រចៀកកាំ ចេ.រ៉ូយ៉ាល់ រកឃើញអ្នកមានសំណាង១៤នាក់ទៀតហើយ ដែលទទួលបានកាដូសំណាងពីក្រុមហ៊ុន។ កម្មវិធីប្រគល់កាដូសំណាងលើកទី២ ត្រូវបានធ្វើឡើងកាលពីថ្ងៃទី ១៥ ខែកក្កដា ឆ្នាំ ២០២៥ នេះ។
លោក ស៊ឹម សុភ័ក្រ ប្រធានប្រតិបត្តិការផ្នែកលក់ និងតំណាងក្រុមហ៊ុនទឹកត្រចៀកកាំ ចេ.រ៉ូយ៉ាល់ ថ្លែងថា រហូតមកដល់ពេលនេះ ក្រុមហ៊ុនបានផ្តល់កាដូសំណាង ២លើកហើយ។ លើកទី១ កាលពីថ្ងៃទី ០២ ឧសភា និង លើកទី២ គឺថ្ងៃទី ២៧ មិថុនា។ ក្រុមហ៊ុនបានរៀបចំពិធីប្រគល់កាដូសំណាង មានម៉ូតូ កង់អគ្គិសនី និងទូរសព្ទដៃលើកទី២ នៅភ្នំពេញ ចំណែកកាដូសំណាងជាច្រើនផ្សេងទៀត ដូចជា ឆ្នាំងដុតអគ្គិសនី ទឹកត្រចៀកកាំ ចេ,រ៉ូយ៉ាល់ ជាច្រើនកេស ក្រុមហ៊ុនបានផ្ញើជូនដល់គេហដ្ឋានតែម្ដង។
លោក ហ៊ា ទី ដែលជាពិធីករ បានប្រកាសឈ្មោះអ្នកដែលទទួលបានកាដូសំណាងមានចំនួន ៣រូប រួមមាន ៖
ទី១: អ្នកទទួលកាដូសំណាង ទូរសព្ទដៃ ឈ្មោះ អៀ ជានបូផា
ទី២: អ្នកទទួលកាដូសំណាង កង់អគ្គិសនី ឈ្មោះ ខូវ សៀវយ៉េង
ទី៣: អ្នកទទួលកាដូសំណាង ម៉ូតូ ឈ្មោះ ហេង ឡែន
អ្នកស្រី ហេង ឡែន មកពីខេត្តបាត់ដំបង ដែលទទួលបានកាដូសំណាងធំជាងគេ គឺ ម៉ូតូហុងដាវេវ សេរី២០២៥ សប្បាយចិត្ត និងអះអាងថា ជាសំណាងពិតប្រាកដ។
សូមបញ្ជាក់ជូនថា ទឹកត្រចៀកកាំ ចេ.រ៉ូយ៉ាល់ ត្រូវបានផលិត ចែកចាយលក់លើទីផ្សារជូនអតិថិជនបានទទួលទាន តាំងពីឆ្នាំ២០២២ ក្រោមពាក្យស្លោកថា «ចេរ៉ូយ៉ាល់ អាថ៌កំបាំងនៃសុខភាព» ហើយក្រុមហ៊ុននឹងបន្តផ្ដល់សំណាងជូនអតិថិជនរហូតដំណាច់ឆ្នាំ ២០២៥៕