ពត៌មានទូទៅ
Michael B Alfaro ជានរណា?
Michael B Alfaro ជានរណា?
«អាល់ហ្វារ៉ូ» មិនមែនជាអ្នកកាសែត ឬជាអ្នកឆ្លើយឆ្លងព័ត៌មានប្រចាំសេតវិមាន នៅះទេ !
ការយល់ច្រឡំ ដោយសារតែសារព័ត៌មានក្នុងស្រុកមួយចំនួនចម្លងតគ្នាពីតួនាទីគាត់«ខុស» !
នេះជាដកស្រង់ បង្ហាញពី Alfaro របស់ លោក សួន សេរីរដ្ឋា ៖
– គាត់ជា Founder, CEO, Correspondence, Lobbyist and Consultant របស់ Lobby Firms មួយនៅ Washington D.C មានឈ្មោះថា The Capitol Hill & Friends
– គាត់ជា PR, Federal Lobbyists and Political Financial Consultants ដែលមាន Accreditation ជាមួយ White House ពិសេសគាត់មានទំនាក់ទំនងល្អជាមិត្តភក្តិជាមួយលោក Garry Franci ប្រធានអ្នកឆ្លើយឆ្លងព័ត៌មាននៅ សេតវិមាន ។
– គាត់ជាមនុស្សសំខាន់ម្នាក់ ក្នុងចំណោមមនុស្សជាច្រើននាក់ ក្នុងក្រុមការងារយុទ្ធនាការដំណែងប្រធានាធិបតីរបស់លោក Trump និងព្រឹទ្ធសមាជិកសាធារណរដ្ឋជាច្រើនរូបទៀត ឲ្យជាប់ឆ្នោត ដោយសារគាត់ជាសកម្មជនរៃអង្គាសថវិកាយុទ្ធនាការបោះឆ្នោតបានរាប់សិបលានដុល្លារឲ្យ GOP
– គាត់ជា PR ដ៏ជោគជ័យដែលបានជួយប្រជាជននិងក្មេងរងគ្រោះនៅប្រទេសឡាវ និងបានរៃអង្គាសថវិកាសង់មន្ទីពេទ្យនៅខេត្ត អាតពើ ប្រទេសឡាវ
– គាត់ជា PR Lobby បានជោគជ័យនៅ អាហ្គានីស្ថាន ជួយស្ថានការនយោបាយ អាហ្គានីស្ថានឲ្យប្រសើរ
– ពិសេសសម្រាប់កម្ពុជា គាត់ជាអតីតៈមនុស្សម្នាក់ក្នុងចំណោមមនុស្សជាច្រើននាក់ដែលបានជាប់នៅក្នុងកប៉ាល់ Westerdam ក្នុងសម័យ Covid-19 ដែលត្រូវបានកម្ពុជាសង្គ្រោះ ឲ្យចូលចត…. ។
គាត់មកប្រទេសកម្ពុជា គឺក្នុងបំណងជួយប្រជាជន និងប្រទេសកម្ពុជាយើងពិតប្រាកដ ពិសេសគឺចង់សងគុណថ្នាក់ដឹកនាំ និងប្រជាជនកម្ពុជា ដែលគាត់ចងចាំពេលកម្ពុជាបើកបេះដូងឲ្យកាប៉ាល់ Westerdam ចូលចត សង្គ្រោះពីមហន្តរាយ Covid-19 កាលពីថ្ងៃទី១៣ កុម្ភៈ ២០២០ កន្លងទៅ ។
គាត់ក៏ជា PR & Lobbyists High Profile ម្នាក់ថ្នាក់ Federal នៃអាណត្តិរដ្ឋបាលរបស់ President Trump ដែរ ។ ដូចនេះសំឡេងរបស់គាត់គឺពិតណាស់បានទៅដល់លោក Trump ពិតប្រាកដ និងធ្វើឲ្យពិភពលោកបានដឹងការពិតពីកម្ពុជា ក្នុងពេលសៀមឈ្លានពានកម្ពុជា ។
តែសោកស្តាយដោយសារមន្ត្រី និងសារព័ត៌មានមួយចំនួនបានហៅ តួរនាទីរបស់គាត់ខុស ដែលនាំឲ្យមានប្រតិកម្មនិងការបកស្រាយពីសំណាក់ពួកសត្រូវឈ្លានពាន មកមកវ៉ៃប្រហាលើរូបគាត់ និងចោទថា គាត់ត្រូវបានទិញជួលដោយរដ្ឋាភិបាលកម្ពុជាទៅវិញ ៕
ដោយ ៖ សួន សេរីរដ្ឋា
កងរាជអាវុធហត្ថ បានយល់ព្រមទទួលយកការ«ធ្វើកិច្ចសន្យា»របស់ លោក ផែង វណ្ណៈ ចំពោះ មុខនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បន្ទាប់ពីមានការចេញញតិថ្កោលទោសយ៉ាងព្រោងព្រាតចំពោះអ្នកសារព័ត៌មានរូបនេះពីសំណាក់មន្រ្តីកងរាជអាវុធហត្ថ។
សូមបញ្ជាក់ថា Live Show លោក ផែង វណ្ណៈ នៅក្នុងសប្តាហ៍នេះ និយាយធ្ងន់ៗទៅលើករណី«បទល្មើសព្រៃឈើនៅខេត្តក្រចេះ» ហើយដែលវាយប្រហារមន្រ្តីអាវុធហត្ថ ដែលបញ្ហានេះមានទាំងអ្នករិះគន់ និងអ្នកសរសើរពីមហាជន។
រិះគន់ពីការចេញថ្កោលទោលថ្កោលទោស ឯសរសើរវិញ ថា លោកហ៊ាននិយាយការពិត។
ទោះយ៉ាងណាក៏មានមតិរិះគន់ថា ការនិយាយរបស់លោក ផែង វណ្ណៈ ហាក់«លើស»ពីវិជ្ជាជីវៈសារព័ត៌មាន ដោយការនិយាយទាំងឡុាយនោះ ខ្លះជាការបង្គាប់បញ្ជា ប្រើពាក្យខ្វះសីលធម៌ ប្រៀបដូចជាខ្លួនជា មន្រ្តីជាន់ខ្ពស់ ជាសមត្ថកិច្ច ជាតុលាការ និងក៏ជាប្រជាជន នៅពេលអត្ថាធិប្បាយព័ត៌មាន ឬសកម្មភាពមួយចំនួន។
ទន្ទឹមនេះ ភាពអវិជ្ជមានរបស់មន្រ្តីក៏ត្រូវបានមហាជនយល់ស្របថា ពិតជាកើតមានពិតប្រាកដដែរ តែមិនសូវមានអ្នកហ៊ាននិយាយ ខណៈដែលអ្នកសារព័ត៌មានកំពុងមានឥទ្ធិពលលើបណ្តាញសង្គមរូបនេះ តែងប្រមូលព័ត៌មាន និងភស្តុតាងបាន ហើយយកមកវាយប្រហារចំៗលើករណីខ្លះដែលលោកមិនពេញចិត្ត៕
ចំនួនអ្នកបាត់បង់ជីវិតដោយសារតែទឹកជំនន់ និងបំណាក់ដី បន្ទាប់ពីភ្លៀងធ្លាក់ខ្លាំងក្រោមឥទ្ធិពលព្យុះស៊ីក្លូននៅកោះស៊ូម៉ាត្រា នៃប្រទេសនេះ បានកើនឡើងដល់ ៣០៣នាក់ហើយ ពោលគឺកើនឡើងស្ទើរតែទ្វេដងពីតួលេខអ្នកស្លាប់ត្រឹមតែជាង ១៧០នាក់ពីមុន ខណៈរាប់រយនាក់ទៀតនៅបាត់ខ្លួននៅឡើយ។
ផ្នែកធំៗនៃប្រទេសឥណ្ឌូនេស៊ី ម៉ាឡេស៊ី និងថៃ បានរងការវាយប្រហារយ៉ាងកម្រោលដោយភ្លៀងធ្លាក់ខ្លាំងពីព្យុះស៊ីក្លូនអស់រយៈពេលមួយសប្តាហ៍មកហើយ ជាមួយនឹងព្យុះត្រូពិកដ៏កម្រមួយទៀត កំពុងបង្កើតខ្លួនឡើងនៅច្រកសមុទ្រម៉ាឡាកា។
ប្រធានទីភ្នាក់ងារកាត់បន្ថយមហន្តរាយរបស់ឥណ្ឌូនេស៊ី លោក Suharyanto បានប្រាប់អ្នកសារព័ត៌មានថា មនុស្សយ៉ាងតិច ២៧៩នាក់ នៅតែបាត់ខ្លួន ដែលនាំឱ្យមានក្ដីបារម្ភថា ចំនួនអ្នកស្លាប់អាចបន្តកើនឡើងកាន់តែច្រើន ខណៈមនុស្សប្រហែល ៨ម៉ឺននាក់ ត្រូវបានជម្លៀសចេញ ហើយរាប់រយនាក់នៅតែជាប់គាំងនៅក្នុងខេត្តចំនួន៣ ទូទាំងកោះស៊ូម៉ាត្រា ដែលជាតំបន់ចុងខាងលិចរបស់ឥណ្ឌូនេស៊ី។
ក្រុមអ្នកឆ្លើយតបគ្រោះមហន្តរាយ បានប្រើប្រាស់ឧទ្ធម្ភាគចក្រដើម្បីផ្តល់ជំនួយ និងសម្រាប់ការដឹកជញ្ជូននៅផ្នែកខាងជើងនៃកោះ ជាទីដែលរងគ្រោះខ្លាំងបំផុត។ផ្លូវថ្នល់ត្រូវកាត់ផ្តាច់ និងហេដ្ឋារចនាសម្ព័ន្ធនានាត្រូវបានបំផ្លាញដោយបំណាក់ដីទ្រង់ទ្រាយធំ៕
ពត៌មានទូទៅ
កិច្ចប្រជុំនិយ័តករធានារ៉ាប់រងអាស៊ាន លើកទី២៨ បានចាប់ផ្តើមនៅខេត្តសៀមរាប ដោយផ្តោតលើ ការជំរុញកំណើន និងភាពធន់ប្រកបដោយសមូហភាព ដើម្បីជំនះបញ្ហាដែលកំពុងកើតមាន ក្នុងវិស័យធានារ៉ាប់រងក្នុងតំបន់
សៀមរាប៖ កិច្ចប្រជុំនិយ័តករធានារ៉ាប់រងអាស៊ានលើកទី២៨ (AIRM) កិច្ចប្រជុំក្រុមប្រឹក្សាធានារ៉ាប់រងអាស៊ានលើកទី៥១ (AIC) និងកិច្ចប្រជុំពាក់ព័ន្ធ បានចាប់ផ្តើមហើយនៅខេត្តសៀមរាប ដោយមានការចូលរួមពីនិយតករ និងប្រតិបត្តិករធានារ៉ាប់រងអាស៊ាន ទាំងអស់ ជាពិសេស និយតករធានារ៉ាប់រងទីម័រឡេស្តេរ ដៃគូសន្ទនា និងតំណាង មកពីអង្គការតំបន់ និងអន្តរជាតិ។
ពិធីបើកកិច្ចប្រជុំនិយ័តករធានារ៉ាប់រងអាស៊ាន លើកទី២៨ និងកិច្ចប្រជុំក្រុមប្រឹក្សាធានារ៉ាប់រងអាស៊ានលើកទី៥១ បានប្រព្រឹត្តទៅនៅព្រឹកថ្ងៃទី២៧ ខែវិច្ឆិកានេះ ក្រោមវត្តមានឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារតំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ដ្រី រដ្ឋមន្ដ្រីក្រសួងសេដ្ឋកិច្ចនិងហិរញ្ញវត្ថុនិងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ។
ឯកឧត្តម ប៊ូ ច័ន្ទភីរូ អគ្គនាយកនិយ័តករធានារ៉ាប់រងកម្ពុជា បានថ្លែងឱ្យដឹងថា កិច្ចប្រជុំនិយ័តករធានារ៉ាប់រងអាស៊ាន ជាវេទិកាប្រចាំឆ្នាំដ៏មានតម្លៃ សម្រាប់ការសន្ទនា កិច្ចសហការ និងការចែករំលែកឧត្តមានុវត្តន៍។ កិច្ចប្រជុំ បានបន្តពង្រឹងចក្ខុវិស័យរួមដើម្បីពង្រឹងវិស័យធានារ៉ាប់រងអាស៊ានកាន់តែរឹងមាំ និងប្រកបដោយចីរភាព។ តាមរយៈកិច្ចខិតខំប្រឹងប្រែងរួមគ្នានេះ ឯកឧត្តម រំពឹងថា វេទិកាអាស៊ាននេះ នឹងបន្តកសាងទំនុកចិត្ត ពង្រឹងកិច្ចសហប្រតិបត្តិការ។
ឯកឧត្តម ក៏បានសង្កត់ធ្ងន់ពីតួនាទីយ៉ាងសំខាន់របស់និយតករធានារ៉ាប់រង ក្នុងការជំរុញស្ថិរភាព ការពារម្ចាស់បណ្ណសន្យារ៉ាប់រង និងធានាថា ប្រព័ន្ធហិរញ្ញវត្ថុរបស់យើងប្រកបដោយភាពរឹងមាំ និងបរិយាបន្ន។ តាមរយៈកិច្ចសហការគ្នានេះ និយ័តករធានារ៉ាប់រងអាស៊ាន អាចពង្រឹងក្របខ័ណ្ឌនិយ័តកម្ម លើកកម្ពស់នវានុវត្តន៍ និងគាំទ្រដល់ការអភិវឌ្ឍទីផ្សារធានារ៉ាប់រង ប្រកបដោយភាពធន់ និងឆ្លើយតបទៅនឹងតម្រូវការរបស់ប្រជាជន។
ថ្លែងក្នុងពិធីបើកនោះ ឯកឧត្តម រស់ សីលវ៉ា បានគូសរំលេចពី ប្រធានបទសម្រាប់កិច្ចប្រជុំឆ្នាំនេះ ស្ដីពី”ការជំរុញកំណើន និងភាពធន់ប្រកបដោយសមូហភាព ដើម្បីជំនះបញ្ហាដែលកំពុងកើតមាន” ដែលឆ្លុះបញ្ចាំងពីតួនាទីដ៏សំខាន់របស់វិស័យធានារ៉ាប់រងក្នុងការគាំទ្រស្ថិរភាព និងកំណើនសេដ្ឋកិច្ចជារួមរបស់ប្រជាជាតិអាស៊ាន។ ដោយមានប្រជាជនជាង ៦៧៨លាននាក់ និងផលិតផលក្នុងស្រុកសរុបលើសពី ៤ពាន់ពាន់លានដុល្លារអាម៉េរិក អាស៊ានជាតំបន់សេដ្ឋកិច្ចដ៏ធំមួយរបស់ពិភពលោក។ ដូចនេះ និយតករធានារ៉ាប់រង និងប្រតិបត្តិករធានារ៉ាប់រង ដើរតួយ៉ាងសំខាន់ ក្នុងការរួមចំណែកដោយផ្ទាល់ដល់ប្រព័ន្ធសន្ដិសុខសង្គម សេដ្ឋកិច្ចជាតិ និងផ្ដល់ការការពារដល់គ្រួសារ និងអាជីវកម្មនៅទូទាំងតំបន់។
ឯកឧត្តម បានមានប្រសាសន៍បន្ថែមថា នាពេលអនាគតមានបញ្ហាប្រឈមសំខាន់ៗមួយចំនួន ក្នុងនោះ រួមមាន ហានិភ័យទាក់ទងនឹងការប្រែប្រួលអាកាសធាតុ និងបរិវត្តកម្មឌីជីថល និងបច្ចេកវិទ្យា ដែលកំពុងរីកចម្រើនយ៉ាងឆាប់រហ័ស រួមទាំងការផ្លាស់ប្តូរប្រជាសាស្ត្រ ដែលមានផលប៉ះពាល់យ៉ាងខ្លាំងផងដែរ។ ឯកឧត្តម បានបន្តថា បញ្ហាប្រឈមទាំងនេះ បង្ហាញពីសារៈសំខាន់នៃកិច្ចសហប្រតិបត្តិការក្នុងក្របខណ្ឌអាស៊ាន។
លោក ផែង វណ្ណៈ យល់ព្រមធ្វើកិច្ចសន្យានៅចំពោះមុខ លោក សៅ សុខា
អ្នកស្លាប់ក្នុងទឹកជំនន់ និងបំណាក់ដីនៅឥណ្ឌូនេស៊ីឡើងដល់ជាង ៣០០នាក់
កិច្ចប្រជុំនិយ័តករធានារ៉ាប់រងអាស៊ាន លើកទី២៨ បានចាប់ផ្តើមនៅខេត្តសៀមរាប ដោយផ្តោតលើ ការជំរុញកំណើន និងភាពធន់ប្រកបដោយសមូហភាព ដើម្បីជំនះបញ្ហាដែលកំពុងកើតមាន ក្នុងវិស័យធានារ៉ាប់រងក្នុងតំបន់
-
ចំណេះដឹងទូទៅ9 months agoចាក់ «បំណិនជីវិត» ចូលទៅកុមារកុំឲ្យធុញទ្រាន់នឹងការរៀនសូត្រ
-
កម្សាន្ត8 months ago«ទាក់ដំរី»
-
ពត៌មានទូទៅ8 months agoអ្នករស់នៅក្នុងសំណង់អតីតសណ្ឋាគារអង្គរមានជ័យ តម្រូវឱ្យចាកចេញជាបន្ទាន់!
-
កម្សាន្ត8 months agoវិចារណកថា ! « សាទរឆ្នាំថ្មី ភាពជោគជ័យ និងផលជះដល់សង្គម »
-
សង្គម និងការអប់រំ7 months agoព្រះសក្យមុនីចេតិយ !
-
កម្សាន្ត9 months agoប្រវត្តិ និងការហាត់រៀនរបាំក្ងោកសិល្ប៏ នៅសាលាមធ្យមវិចិត្រសិល្បះ
-
ចំណេះដឹងទូទៅ5 months agoបណ្ឌិត ធុយ ចាន់ធួន ៖ នរវិទូខ្មែរ
-
ចំណេះដឹងទូទៅ9 months agoការបង្ហាត់បង្រៀនកុមារអំពីរបៀបដើរឆ្លងផ្លូវ